بنات الله يخليكم ممكن تقوليلي وين الاقي كحال زين 2024.

اشحالكم سيدات وانسات

بغيت اسالكم اذا حد منكم بيدلني على كحال زين ما يسيل على العين
والله انا تراني مليت من كثر ما اشتري اقلام ولا شي فايده لانه اول شي كل اقلامي اللي عندي ما يكتبن الا بالقوه وثاني شي يسيلن وتلاقينه بعد فتره مختفي من عينج ما جنج سويتي كحال من الاصل

والله اني استخدمت الزين والشين وما فادني
حتى اني اشتريت قلم من بن ناي قلت هذا ماركه ما بسيل وبيكتب زين بس طلع يسيل مثل اخوانه

يا ريت لو وحده مجربه قلم كحال وطلع زين تقولي والله بدعيلها من قلبي
وتقولي من وين شرته وبكم

انا في انتظاركم………

أنا أستخدم كاجل قيمته 3 دراهم بتلقينه في كل مكان ينباع ، لو تغسلينه ما يطلع من عينج ويعطي جمال للرموش

انا جربت كحل بن ناي عايبني واااااااايد وما يسيح ما ادري ليش الي عندج يسيح

واستخدمت مال مكياجي بعد حلو

جيرلاند افضل شي عندي اسود فاحم

حبيبتي أنا مثلج لكن من جربت كحل مكياجي
الحمدلله إنحلت العقدة
جربيه وشوفي

[01]تحياتي ودعواتي لج بكحل يتم في عيونج وما يسيل[/01]

شوفي اختي مااااااااك وبس قوليلهااا ابي مضاد للماء الفحمي…
وبنسبه لكحال كاجل روعه روعه روعه بس للاسف دورته ماحصلته
وين ممكن احصله في العين لاني كنت اشتريه من الواحه عند الفلبينيه بس اللحين كل ماروحلهااا تقولي مافيه كلاس…؟؟؟وسموحه من راعية الصفحه…

هلا عزيزتي … والله انا استخدم جحال( ديانا اوف لندن )diana of london وما يسيح روووعه يثبت في العين .. صار كل الاهل يستخدمونه … بتحصلينه في بن سوقات دبي في الراشديه سعره 15 درهم … وان شاء الله افدتج

عندج ماك وبن ناي الغالية