ساعدوني ما اعرف شو اسجل هالكورس وانا من دفعة 2024
وكليتي علوم انسانية
واريد احول قانون وووشو الي مطلوب مني اسويه عسب يقبلوني ؟؟؟
و شو اخذ من المداخل؟؟؟؟؟
وباقي لي انجليزي لفل 2؟؟؟
افيدوني جزاكم الله خير التسجيل جرييب ما اعرف شي
حبيبتي ما انصحج تاخذين مداخل لو انج ناويه ع التحويل .! لان لو خذيتيها و حولتي راح يحذفون هـ المساق و جنج ماخذيته يعني ع الفااضي ! بس لو ماحصلتي شي تاخذيه خذي ع الاقل مدخل واحد
حبيبتي انتي حطي لنا خطتج واذا تقدرين خطة كلية القانون واذا ماعندج بحاول اظهرها ..ونزلي بعد الثقافات لكليتكم
انصحج تاخذين ثقافات مشتركه بين الكليتين عشان يعادلوها لج يوم تحولين
وهل يحسبون لكم مساقات حره ولا ؟؟ لان كل مره ينزلون قرار لكل دفعه فمادري يحسبون لكم حر و لا ؟؟
ومن ناحيه الانجلش انتي بعدج لفل 2 و السالفه بتطول لين التحويل لان لازم تخلصي لفل 3 بعد يعني قولي بعد سنه تقدرين تحولين و صعب انج تحصلين مساقات مشتركه وايد .! ليش ماتخذين الايلتس من برع عشان تختصرين ؟!
وردي علي بالاسئله الي فوق و ان شا الله ما بنقصر واذا ما افدتج ان شا الله غيري يفيدج 
والسموحه
ما عندي خطه؟
المهم دام ان عندج لفل 2 انجلش..فتقدرين تسجلين مساقين او ثلاث بس ..ماتقدرين تاخذين اكثـر
خذي لج مساق الفكر الاسلامي او مجتمع .! وايـد اوكـي..صح دسمين وحفظ بس ذاكريه اول باول..اختاري واحد منهم لان صعب تاخذين مادتين فيهم حفظ واايد مع بعض
واختاري واحد من هـ المجموعه
-مهارات البحث العلمي
– مهارات التفكير
-اخلاقيات مهنه
-القياده و العمل الجماعي
وبعد اختاري واحد من هـ المجموعه
-الفرد و المجتمع
-الحضاره العربيه و الاسلاميه
-حضارات معاصره
-قضايا عالميه
يعني الحين قولي هذا جدولج:
-انجلش 2
-مجتمع أو فكــر
-مساق واحد من المجموعه الاولـى
-مساق واحد من المجموعه الثانيه
ان شا الله افدتج الغاليه
وعندج هاي خطه كليه القانون..https://cl.uaeu.ac.ae/docs/A%20Student%20Plan.pdf
وان شا الله نشوفج محاميه ^.^