بنتي والبلغم ، لا حول ولا قوه الا بالله . . 2024.

السلام عليكم ورحمه الله وبركاته
شحالكن
امسات كاتبه موضوع ان عين بنتي في غمص وحطيت لها حليب من صدري وبدأ يخف وكأنه يبا يروح وان شاء الله يختفي تماما
بس صار شيء يديد لا حول ولا قوه الا بالله

/،

البلغم اللي فيها ما يرحمها . . مسكينه كل ما ترضع من صدري تشرق واحسها تبا ترجع بس ما تقدر
تختنق ويستوي لها صوت بصدرها
تكح بس الحمدلله مب وايد
واليوم الصبح زاعت وطلعت حليب وايد شكله ما بقى شيء في بطنها
وردت زاعت مره ثانيه بعد الصبح
،
واحسها ترقد ما شاء الله وايد وما تصيح وما تشرب حليب وايد والبلغم معذبها
فكرت اوديها المستشفى بس قالولي ما بيعطوها شيء في هالسن
،
شو الحل تعبااانه نفسسيا

والله نفس معاناتي انا ابني كان 3 شهور واعطاه الدكتور تبخيره ولهلا صار 10 شهور وهو من فتره لفتره بترجعله وانا مستصغريته كثير على التبخيره يعني كثير واله 8 تبخيرات باليوم

أنا ولدي من أنولد كان دوم جي البلغم شيء يومي وتلعوز وأيد وكان الحليب يطلعه من خشمه بعد ومأخليت مكان مأوديته بس مآشي فأيده كل حد كان يقول لي يوم بيكبر بيروح عنه وفعلا ما راح عنه لين كبر يمكن ست شهور أو أكثر كنت أسويله البخاخ والبخار وأدويه بس مافي شيء خفف عنه بس كانوا يقولولي يوم بترضعينه أرفعيه فوق لأا تخلينه راقد على ظهره عسب لأا يرجع الحليب وعشان البلغم قالوالي دقيه دقات خفيفه على صدره عقب الرضاعه ..

آللـه يشافي بنتج أن شاء آللـه .. )

للرفع

اهم شي ما يكون شي بلغم نازل على صدرها
اذا حطيتي يدج على صدرها و حسيتي صوت خرخشه في صدرها
وديها المستشفى على طول
لان اذا اهملتيه ممكن يسويلها التهاب رئوي و يقلب بحساسيه لا سمح الله
الله يطمن قلبج عليها و يشفيها و يعافيها ياارب

وديها المستشفى
اخطر شي الكحه مع البلغم
بنتي كانت تكح وفيها بلغم ويوم وديها طلع فيها بداية التهاب القصبات الهوائيه والحمدلله عطوها ادويه وخفت وايد
اصلا كنت الاحظ ان نفسها سريع

وديها المستشفى نصيحه مني .. على الاقل يجيكون على صدرها وتتطمنين

اختي دامها تزوع وآيد زين لانها تظهر البلغمم فديتها.. وانتي شربيها حليب صدرج وايد ولو ما طاعت حطيلها ف المرضعه …

وربي يشافيها ويعافيهآ.. وطمنينآ عنها