هاي ثالث ولادة لي…
من قبل جربت الولادة في مستشفى القاسمي والزهرا وهالمرة قلت بجرب الملكي… ترى الحياة تجارب مثل ما يقولون
انا في الولادتين القبليات عانيت وايد من ناحية المستشفى ومن ناحية الدكاترة
بس هالمرة الولادة كانت غيييييييييييييير
انا كنت اراجع عند الدكتورة البولندية (كيتولا) هي استشارية
ويوم سافرت قمت أراجع عند الدكتورة الهندية،،،
اسمها أمبيكا
ومن يوم ما راجعت عندها ما غيرتها
ولادتي كانت في رمضان قبل صلاة الفجر بساعة….
أول ما وصلت المستشفى سوولها تليفون 10 دقايق وهي عندي…
يوم يتني ماوترتني ولا قالت لي (Push)
خلتني على راحتي وقالت لي: متى ما حسيتي انج تبغين تدفعين البيبي ادفعي
تمت واقفة عند راسي وتكلمني وتضحكني عشان أنسى الويع
وانا الصراحة يالسة أقول انا وين وهاي وين ههههههههههههههه..
أنا يالسة أعاني وهي يالسة تنكت بس الصراحة هاي الحركة هونت عليه شوي لاني تميت أسمعها واضحك…
ويوم حسيت ان خلاص البيبي بيطلع قلت لها.. فعلى طول سارت و ثواني طلع البيبي..
أول ما ولدت تمت تضغط على بطني تسوي مثل المساج لين ما طلع الوسخ كله وبعدين تمت تضغط بعد تقول عشان ما يتم شي داخل
عقبها تموا ينظفون المكان الصراحة مادري شو حطولي بس حسيت اني نظيفةهم حطولي أكثر من شي (منظفات وغسول)..
صح اني ما احتجت خياطة بس اعتنوا فيني عدل من تنظيف وغيره
في ولاداتي السابقة كنت بعد ما أولد بكمن يوم أروح عند الدكتورة زينب مرة عشان الخياطة تبطلت قبل وقتها وكنت اتويع من أول يوم في الولادة
والمرة الثانية كنت ما أقدر أيلس من بعد الولادة كنت أحس اني فيني شي غلط
بس يزاها الله الف خير الدكتورة زينب كانت ما تقصر ويايه
حتى هالمرة قلت أول ما أطلع من المستشفى بروح الها خلصها تصلح الغلط اللي بيسوونه…
وانا في غرفة الولادة وعقب ما نظفوني وغسلوني
حسيت ان انا استويت خفيفة وايد
يوم وصلت الجناح مالي (كنت حاجزة جناح) لاني حسيت ان الغرفة صغيرة شوي وماشاء الله معارفنا وايد وبتنترس الغرفة ناس
.gif "12 (48)")
الجناح كان وايد حلو وكبير والصراحة أحلى واكبر وأرقى من مستشفى الزهرا
الممرضات كانوا وايد أوكي
كانوا من يسمعون البيبي تصيح ايون يتراكضون
كانوا ما يخلوني أسوي لها شي كانوا ياخذونها ويبدلولها ثيابها والبامبرز بعد
حتى في الليل ياخذونها عني ويقولون خلج عشان ترتاحين
الصراحة وايد ارتحت….
انا كنت ناوية اتم عندهم يومين بس من عقب الراحة تميت 4 ايام
المعاملة والرعاية والاهتمام عندهم روعة
الدكتورة كانت تمر علي في اليوم مرتين وساعات 3 مرات
وحتى دكتور الاطفال كان يمر مرتين في اليوم يشوف الياهل
النظافة عندهم روعة تي عاملة النظافة 3 مرات تنظف وعقب ما يطلعون الضيوف كانت بعد تي تنظف لي الغرفة وتمسحها بديتول
أكلهم بعد كان حلو وكانوا يسألوني شو في خاطري آكل ويسونه لي….
وحتى يوم يكون عندي حد وقت الفطور كانوا أييبون لهم فطور وحتى السحور كانوا اييبونه
الصراحة انا وايد استانست عندهم يعني جني في فندق مب مستشفى
لا والصراحة ما حسيت بويع من عقب الولادة لا وانا في المستشفى ولا حتى يوم رحت البيت والصراحة استغنيت عن الدكتورة زينب
وحتى الدم ما كان ينزل لي مثل قبل..
قبل كنت أتم 40 يوم بالضبط وهالمرة بس 25 يوم واطهرت
وهاي كانت تجربتي في المستشفى الملكي
الحمدلله تيسرتلج الولادة
كم كلفتج الولادة فديتج
حق 4 أيام
تتربى فعزج ان شاء الله
يستااهلون ال 16000 عالكلام الي كتبتيه عنهم
يا ربيييييييييه حسيت بشي تذكرت الخيااطة والويع
ههههههههههههه عذاااااب
