السلام عليكم ورحمة الله وبركاته
هلا بنيات شحالكن؟ اليوم حبيت اسويلكم موضوع بنفسي حطيت فيه بعض من افكاري
خصوصا للي توهن حمل ويمكن بعدهن ماخبرن ريايلهن وها المقصد من موضوعي
طرق يديده مفاجأه يديده تخبرين فيها زوجج انج حامل وان شاء الله تستانسون ع موضوعي
عندي لكم 5 مفاجأه
المفاجأه رقم (1)
اوفرول؟!
اشتري نفافيخ منفوخه بالهيليوم على شكل مراضع او مصاصه وعلقي عليها من اخر شي اوفرول مال اليهال شكله يكون حلو وصغيرون وخليه يطير فالحجره .. قبل مايي ريلج من الدوام الظهر ويوم بي ريلج بيعرف شو السالفه..
المفاجأه رقم (2)
هاتي قميص يكون صغيييييير صغيييييير او شورت او اي شي يخص الياهل وعلقيه فليل او قبل ماينش ريلج في المكان المتعود يشوف عمره فيه الصبح سواء على منظره التسريحه منظرة الحمام وانتو بكرامه أو حتى على باب الحجره قبل مايطلع منها .. وشوفي ردة فعله
المفاجأه رقم (3)
حبيبي نحنا 3 مب 2؟
وريلج يالس ع الغدا انتو متعودين تكونون ثنين بس يعني صحنين و خاشوقتين وكوبين
يا انج تحطين وياكم واللي بيكون 3 شي صحون وخواشيق مال اليهال او عادي نفس صحونج زيدي صحن واحد
ويوم بيسألج ريلج عن زيادة العدد قوليله ترا نحن بنستوي 3 ! وحطي ايدج ع بطنج ومن هالدلع
المفاجأه رقم (4)
المسجات؟
يمعتلكم هالمسجات الحلوه اللي تقدرون تطرشونها لريايلكم وبيعرفون منها بالمفاجأه الساره وإلي عندها مسج تزيد
– ابوي (فلان) الصراحه انا وايد متوله عليك
بس يقولون انه ماقدر اشوفك الحين لازم تتريا 9 شهور لين ما اوصل؟
– عفوا لايمكن قرأه المسج إلا بعد 9 اشهر؟
– هناك سر أريد أن أطلعك عليه
لقد ظهر فى حياتى شخص اّخر، دون استئذان ودون أن أشعر جعلنى أتعلق به وأحبه، وسيأخذ كثيرا من اهتمامى فى التسع الشهور القادمه.
ان شاء الله ينال اعجابكم الموضوع
ادعولي بالذريه الصالحه يا بنات
cuteyeh
تعبت ع الموضوع حليلي
ابا رد؟
kity
uaq_g