بنات اليوم اتصلت فيني وحدة اتقول من مركز العناية بالبشرة واتعرف اسمي ورقمي واونهم من الشارقة وبيطرشوون وحده اتسوي لي تنظيف بشرة مجانا
هل عادي انا خايفة كيف اعرفوا اسمي ورقمي!!!
هل عادي انا خايفة كيف اعرفوا اسمي ورقمي!!!
اوافق ولا لا؟
هلا الغالية انا صارلي من كم سنة بتي اتسويلج بالكريمات وعقب بتعرض منتجاتها وعقب بتقولج اشتري واعطيني اسماء 10 من ربعج يعني حرامين والله نصيحة لاتستقبليينهم انا تلعوزت وياهم
نصيحتي الغاليه لا توافقين لا قدر الله يمكن مايكونوا من الصالون موفقه
حد يستقبل غرب فبيته ..؟؟!!
الدنيآ مآلهآآ أمآآن يختي ..
وهم مآبيصكوون درب إلا وعندهم هدف ..
الغاليه هذي الل بتييج تسوي لج تنظيف بشره وتراويج كريمات
وحده من ربيعاتي جربتها بس ماعجبها شي قالت حق الحرمه مابى شي عصبت
وراحت يعني مالهن فايده لا تردين عليهن وقوليلهن مابى انا سويت جيه
مثل ما قالولج حبيباتي لا تستقبلين حد وربي يحفظج
ترى خبرت ريلي قالي عادي سوي تنظيف بشره وسويت صدق لوعت جبدي واسم شركتهم فيرس اونه المانية وحاولت معاي اشتري من عندها كريمات للبشره صكتني بألفين و600 بس انا ماطعت,,,
المهم الحبيبة ياها اتصال من خبيبها اونه خايننها وصار صوتها صوتين والبشاكير يضحكن عليها وريلي فوق سمع صوتها تتضارب وياااه قال بلاها هاي مب صاحية والله اتفشلت جدام ريلي ومابغت تسري الا جد لوعت جبدي ,,المندوب تأخر عليها ..وهاي القصة بس تووبه استقبل حد من هالاشكال..وتسلمن ع الردود