البارحه يالغاليـــات .. ولدي اللي عمره سنه و7 شهــور .. بلع حلوى مصاص واختنــق فيه الين زرق ويهه ماعرف شو اسوي ولا كيف اتصرف خلاص حسيت ريولي تتنافض ومب قادره اوقف واصارخ الحقوني الحقوني .. والحمدلله خواتي موجودات بعد ماويهه زرق خبطته على ظهره بقوه طلع الحلوى المصاص حضنته وتميت اصيح اصيح حسيت اني بخسره .. اكيد كلكم امهات وحاسين بموقفي اللي مريت فيه حتى تصدقون نمت وهو في حضني ويالسه ابوسه وابوسه ونا اصيح الله لا يورينا واياكم اي مكروه ..
حسيت ان كل ام لازم تاخذ دورات في اسعاف الطفل وتتثقف من هالناحيــه صدقوني يابنــات هالشي وايد مهم ووايد اطفال تستويلهم حوادق اختناق وحرق وجروح .. ومانعرف كيف نسعفهم ..
ابيكم يابنات تهدوني لان نفسيتي بعد اللي استوالي منهاره .. يارب لك الحمد على كل شي
وثاني شي نتثقف سواء بخصوص اسعاف الاطفال في المنزل ؟؟ لاني اتخيلت اذا كان ولدي بروحه في البيت ويا الشغاله ونا في الدوام منو كان بيسعفه ؟؟ اذا استواله هالموقف ونا مب موجوده ؟؟
ما عليج الحمد لله انه الحين بخير لا تخافين عليه
انا لحد الان ما صادفني هالشئ
بس اليوم صار موقف لولدي من شطانته والله
دش بيت هلي الحمام تكرمين وقفل الباب وقعد نص ساعة بيموت صياح اتخبل
احاول اهدي فيه من ورى الباب
وهو ما يسمعني بيموت صياح حاولنا نكسر الباب ما قدرنا
وفتحه بكل بساطة وطلع بيموت صياااااااااااااح
يقولي خلاص ما بروح الحمام مولية ههههههههههههه
الام لازم تكون منتبه لعيالها بس والله احيانا تصير اشياء غصبن عنا شكثر بنطالعهم ركض طول اليوم
تعبناااااااااااااااااااااا
يا رب تحفظهم يا رب
والحمد لله الحين ف حضنج
واااايد من ها الاشياء صادفتنا ف حياتنا …الله يعينا على مشاكل الاطفال
والمشكله قلب الام ضعيف…الله يصبرنا
الله يحفظ عيالنا وعيالكم يااااارب
الحمدلله،،،
واااااااايد تستوي هالمواقف،، لا تتوترين ولا تضايقين نفسج،،
الملايكة بتحفظه ان شااء الله،،،
بس انتي اهتمي وراقبيه دايما،، خصوصا فهالسن،، يكونون حركيين…
الله يخليه ويحفظه لج…
الله يحفظ عيالنا ويحفظ عيالكم يارب
ياااااااااااااااارب