خطوات نخطوها نحو الرشاقة بالصور 2024.

بعد تررد كبير قررت افتح لي موضوع .. طبعا بعد ما تابعت مواضيع البنات .. الله يوفقهم ويوصلون للوزن المثالي ..

محسوبتكم من الاوزان الثقيله ><

ما خليت رجيم ما جربته .. بس الهيازة اللي فيني .. تمر فترة واودر وارد اكل ..

ودي استمر واقوي ارادتي هالمره ..

محتاجه لتشجيعكم ..

الفكرة اللي في بالي اني كل اسبوع اتبع رجيم معين .. منها تنويع عسب ما امل .. ويمكن هالتغيير يعطيني حافز اني اكمل ..

قررت من باجر ان شاء الله ابدا رجيم التمر واللبن لمدة اسبوع ان شاء الله .. وبعدها بقرر الرجيم الثاني .. مع الرياضة .. نص ساعه على حزام المشي .. والكريزي فت ..

وزنت اليوم المغرب >< (استحي اقوول )

وبرد اوزن ان شاء الله بعد مرور اسبوع ..

دعواتكم لي ..

^__^

الله يوفقج وتنزلين عشرة كيلو في اسبوع ان شاء الله

مشكوورة فرحتيني بهالدعوه .. الله يسمع منج

^__^

لازم اتقولين وزنج عسب اتعرفين انه في حد غيرج يراقبج
ويعرف انج اتحاولين اتنزلينه جي بتتشجعين اكثر

وانشالله توصلين للوزن اللي تبينه

موفقه اختي

وادعلينا وياااج

كلنا قلوبنا معاااج

الكل يتمنا يوصل للوزن الي يبااا بس لاااازم يستحمل

يلا ابدي وانا من اول المشجعين لج
مدام بديتي قوي ارادتج وكملي ولا تيالسي مها يصير حتى لو وقف الميزان كملي
وترا كلنا اوزان ثقيله مب بس انتي بس ان شاء الله كلنا بنودع السمنه بقوة ارادتنا
وقوووووووووووووووو
قوووووووووووووووووووووووو