والله يرزقكم كلكم بالزوج الصالح يارب والمتزوجة الله يهنيها ويرزقها بالذرية الصالحة يارب
سؤالي هو
هل تفضلين الزواج التقليدي … يعني الاهل يختارون البنت لولدهم وانتي تعرفينهم من مدة …او مثلا الولد شافج مع اهلج وكلم اهله عسب يخطبونج له
ام تفضلين الزواج عن طريق الخطابة …واخذتي هالقرار بعد ماعديتي ال 30 وقلتي يمكن نصيبج بيكون بهالطريقة
الي تزوجت عن طريق الخطابة ياريت اتخبرنا عن تجربتها واتمنى كلكم توفقتوا ومرتاحين يارب 
لاني فكرت اقدم طلبي للخطابة وهذا لاني دخلت ال 30 ومحد خطبني بس خايفة لاني ماعرف خطابة موثوقة وتكون مال أي كلام.
وتحملي من الخطابات !!!!!!!!!
كَوني صديقات وروحي عزايم وقعدات حريم
و ثقي بربج وشوفي العجب 
أنا ما بتفائل بالنجاح مثلا إلا يوم اثق بربي
و ما بيتحقق حلمي إلا يوم اثق بربي
،
(انا عند حسن ظن عبدي بي)
بالنسبة لي من زمان أفضل الزواج التقليدي لأن حسب وجهة نظري الريال بيحترمني أكثر وبيحس قدري ومكانتي ويا أهلي أكبر.. وبعد بنفس الوقت فهالحالة أهلي بيتحملون جزء من مسؤولية حياتي بعد الزواج.. صح إنها بتكون حياتي وأنا مسؤولة عنها من الألف إلى الياء ولكن إذا صار شي لا سمح الله بيتذكرون هلي إنه كان لهم دور فزواجي بهالشخص مش أنا اللي يبته واخترته أو مثلا عارضتهم عسب آخذه.. المهم وجي
بالنسبة للخطابات بالفعل مادشوا بالي إلا لما عديت الثلاثين وبدت الأفكار تدور براسي وإن كله بإيد الله سبحانه وتعالى ولكن لكل شي سبب وعلى الإسان ياخذ بالأسباب.. وجي
دوري لج ع خطابة ثقة و ف النهاية هي اتييب لج المعرس
و اللي عليج تسألين عنه يعني نفس التقليدي ما في فرق
في خطابات ما يقولون هاي يت عندنا مثلا يقولون هاي شفتها ف مكان و كذا …الخ
تقليدي لا شافني ولا شفته من اختيار امه او اخته …..<<< ما احب هل النووووع لانه نظرة الريال غير عن نظرة الام انا باخذه هو يمكن الام شافتني مناسبه بس الولد لا …. انا اقول جذي لانه نحن ماعندنا نظرة شرعية بعدهم معقدين ….في نفس الوقت اتمني اخذ شخص يكون مقتنع بي اقناع كامل لا فرض من اهله ولا ع هوا اخته وامه …
الخطابه شو عليها منج اهم شي مصلحتها غالبا …. ارامل ومطلقين او معددين …
النصيب الله كاتبنه وما بناخذ غير نصيبنا في الدنيا …
و كلن بياخذ نصيبه سواء عن طريق التقليدي او خطابات
و محد عارف وين مكتوب الخير له ..
الله يرزق الجميع و يوفقكم يارب