ربكن الا بخير
بنات وحريم
طلبتكن الي تعرف تساعدني
انا ناوية اسوي مشروع
لكسب الاجر والثواب
وهالمشروع بيكون اجره دامني حيه وعقب عمر طووويل
انا ناوية اطبع مصاحف واوزعها .. ( وين المطبعه الي بتطبع لي ووين اوزعه وكيف الاجراء بيكون )
وناوية بعد اوزع برادات ماي ( وين اوزعهن وكيف الاجراء بيكون )
وناوية اكفل يتيم او 2 …
يالله بنات همتكم معاي ولا تخيبون ظني
انتظر ردودكم
ترومين تروحين الهلال الاحمر او حتى الكوشكات مال الهلال الاحمر اللي فالجمعيات
و تعبين فورم كفالة يتيم و تدفعين 200 درهم << مب متأكده يمكن اكثر
و بعدين بين فتره و فتره يوصلج على البريد تقرير عن حالة اليتيم اللي كفلتيه و رساله منه لج ، بخط ايده ^^
برادات الماي
روحي محلات بيع الادوات اللالكترونيه مثل التلفزيونات والثلاجات و و و و . . .
و عادي ، اسأليهم اذا بيوصلونها و بيركبونها
يمكن يقولون لا ، اسأليهم اذا يعرفون حد يركب ^_*
حاولي توزعينها في الاماكن اللي يتواجدون فيها العمال اكثر شي
و المصاحف ماعندي فكره !
بس بعد اسألي الهلال الاحمر
ربي يوفقج ويوفقنا لعمل الخير
كفالة الأيتام ..عند الهلال الاحمر من 150 إلى 200
تختارين الدولة و الجنس اللي تبغين …و يخصمون من حسابج كل شهر
عشان التسجيل يحتاجون منج فورم غنتي تعبينه..ولازم صورة البطاقة الشخصية
او اي إثبات هوية موجود عندج …
برادات المااااي …تشترينها ..و تركبينها عند المساجد اي مسجد تبغين ..أو من بيتج تطلعينها
و اللي بيمر صوبكم بيشرب منها يتركب لها فلتر و هي بتبرد الماااي و النااس تشرب
و قيمتها ما بين 400 و 600 درهم …
المصاحف ما عندي خلفية بالضبط لكن على ما أظن ..شي مطابع يسوون و ممكن توزعينها
في أي مسجد لكن انصحج المساجد البعيدة شوية ..و يا ليت لو برا الدولة و الله
عندنا في بوظبي ماشاء الله كل المسايد فيها و بكمية كبيرة بعد و لله الحمد ..
فالله يقدرج ياارب و توصلين اللي تبينه و غنما الاعمال بالنيات
ومشكورات على ردودكن الطيبة
الله يقدرنا على فعل الخير
وان شاء هاليومين بشوووف الترتيب
وبشوف كيف امشي فالاجراءات
يعطيكن العافيه خواتي
للي عندها معلومات اضافيه
تفيدنا