ابشركم اني سويت العملية يوم الاحد 27-10
دخلت للمستشفى قبل العملية بيوم واحد وتميت 4 ايام مع ان المفروض كنت اطلع نفس يوم العملية المسا
بس ما كنت متحمله الويع وما فيني ارد البيت والعوز امي فديتها…
الي عرفته عقب العملية انهم نفخوا بطني ب 3 لتر غاز وفتحوا 3 فتحات في السر وع الجهه اليمين واليسار من الرحم
وشفطوا الماي الي فالكيس عقب سحبوه… وبعدين سوولي الصبغة عشان يجيكون ع الانابيب
الحمدلله كل اموري تمام… طبعااا قالولي ما افكر فالحمل الا عقب شهرين لين يلتأم الجرح زين..
وحاليا انا في فترة نقاهه فالبيت ارتاح من بعد العملية… طبعا فيني نزيف من بعد العملية ومب عارفه لازم اصلي والا لا
ادعولي خواتي….
انا بعد سويت نفس شق العمليه بالسره و اليمين و اليسار في الهند .. و الحمدلله تميت يوم في العياده و اليوم ثاني طلعت ..
النزيف عادي بيكون نفس ايام الدوره .. لازم اتحسبين كم يوم عشان الدوره خلاص بتنتظم ..
و حاولي هالايام ما تاكلين دهون وايد او شي فيه سكريات .. عشان ما يرجعون الاكياس ..
و عطوج كلوميد و ابوتميتس و دوا لونه اصفر ولا ؟؟
و صدق يبا راحه 3 شهور .. لان العمليه داخليه يعني ما تعرفين شو يصير ..
الله الشافي و المعافي .. و الحمدلله على سلامتنا ^^ و الله يرزقنا بالذرية
ما عطوتني اي تعليمات عقب العملية الا عن موضوع الجماع والحمل
وما عطوني غير الفولتارين مسكن للويع وبس..
بخصوص الاكل انا فعلا لازم احاسب الحين واخفف من اكلي
يزاج الله خير
و عقب الدورة 5 يوم خذت الكلوميد مع فيتامينات و دوا اسمه Obmits هذا الدوه عشان ما ترجع التكيسات ..
و عطوني دوا للهرمون الحمل اخذه من اليوم 12 لين اليوم 26 .. مب شرط للحمل ..
بس عشان ينظم الدورة و الحمل و يكون عندج احتمال كبير للحمل ان شاء الله
الله يرزقنا يا رب ..
ولازم ترتاحي وتتبعي كلام الدكتور وان شاءالله العملية تكون فال خير عليكي وتحملي بعدها
الحمدالله سويتي وارتحتي
قد ماتقدرين ريحي عمرج
وموضوع الحمل انسي كم شهر
عقب أبدي ف علاج مره ثانيه
وان شاءالله تحملين فديتج
المشاركة الأصلية كتبت بواسطة Um.M7md 
و عقب الدورة 5 يوم خذت الكلوميد مع فيتامينات و دوا اسمه Obmits هذا الدوه عشان ما ترجع التكيسات ..
و عطوني دوا للهرمون الحمل اخذه من اليوم 12 لين اليوم 26 .. مب شرط للحمل ..
بس عشان ينظم الدورة و الحمل و يكون عندج احتمال كبير للحمل ان شاء الله
الله يرزقنا يا رب ..
اللهم امين
بس انا ما عطوني اي شي اتوقعت يعطوني مضاد او اي شي ثاني
تعليمات عن الاكل وجيه بس قالولي عادي…
وعندي موعد عقب شهر ونص