انا عمري 21 سنه
انا جدا هادئه ومسالمه ومن يومي ودايما اهلي كانو يعودوني كوني مظلومه وادعي رك ياخذلك حقك و لا تفكري
اتزوجت
لكن …… هنا المشكله
مشاكل اهل الزوج وصدقوني امه وابوه على راسي
بس اخته
اتهمتني بشرفي زوجي ضربني بسببها تتدخل في خصوصياتي قلبت حياتي جحيم
صارت بس تناديني على اي شي جسمي كله يرتجف ومو بيدي اكره هالشي احاول امحيه واخفيه ما اقدر 
تسب اهلي وامي واختي ادافع بس ما اسميه دفاع ما اقول شي اكثر كلمة تطلع مني لا تغلطي عليهم واسكت
هي اخت زوجي وربته
فضلها عليه مو عليا
اذا هو ما دافع عني ابى ادافع عني نفسي
بنيتي جدا ضعيفه
وجسمي هزيل وهيا ضخمه لو ضربتني اخاف من هالشي ممكن تسويه لو اطاولت عليها
تهددني دايما تضربني لما ابدأ ادافع عن نفسي وارد والله معروفه انها شرانيه
انا غسلت ايدي من ريلي
انا ابى اغير شخصيتي ابى ادافع عن نفسي ابى اصرخ عليها واوقفها عند حدها ابى اقولها لا تتكلمي عن شرفي ابى اقولها ما تدخلي تفتشي غرفتي ابى اوقفها عند حدها
كيف اتخلص من خوفي الشديد كيف ابطل ارتجف
حرمه ولد خالتها عمرها قريب من عمري صارت بينهم مشكله ومرمطتها وسبتها مسحت فيها البلاط وهذي سكتت
انا لاني طيبه واسكت عن حقي اتمادت عليا
اببى اغير شخصيتي فيدوني بدون تدخل ريلي انا لازم اتعلم اواجهه
انا واهلي نفسج لما حد يتهمنا ويسبنا نسكت مانقولهم شي
لان امي عودتنا ع هالشي سمعوا وسكتوا لاتقولون شي مانبى تصير المشاكل
واايد سكتنا بس لين متى بنتم ع جيه,,والساكت عن الحق شيطان اخرس
بصراحه هالايام صايرة ارد عليهم لان تعبنا من كثر مانسمع كلااام ينقال عنا ونحن ساكتين
بس مب رد يجرح القلب بس افهمهم واصحح لهم الغلط,,
الله بياخذ حقج منهم ان شاء الله ادعي ربج فكل صلاة ان ينصرج عليهم
وخبري اهلج يمكن يقدرون يحلون المشكلة
والله المستعان,, والصبر زين حبيبتي مابيدج تسوين شي
الطيب ما ينفع وياها
سكت كثييييييييييير سنتين وكل يوم كل يوووووووووووووم اذيه
وحتى لو ما سويت شي حتى لو معصبه من اولادها تطلع حرتها فيني لان هم يراددونها انا وحليلي اسكت اتعودت احترم الناس
بس ابى اغير نفسي ابى اخذ حقي
بدون ما ادخل اهلي
لان لو لا سمح الله باجر ريلي صارله شي هاي بتدعسني بالارض
ولو مو منها الحياة ما ترحم لازم اقوي شخصيتي
شو وين تبا هاذي؟؟
اونه اتهددني بالضرب
شوفي الغالية
ماعليج منها وخليها تصاارخ لين تنطر أحبالها الصووتيه واتيها الجلطة
اقل شي انها يوم اتي تطاول عليج
قوليلها ماقولج غير حسبي الله عليج ,,وهو وكيلي ونعم النصير
وانااا كلاامج ميهمني سبي لين تشبعين وواثق الخطى يمشي ملكاً بين الناااس
مايهمني شكيتي ولا ما شكيتي لأنه هالشي ما يعنيني
اختي دامج ما سويتي شي غلط قوي قلبج وقولي هالكلااام ,,شوفي امج وابوج وهي تغلط عليهم
واذا مصختها وحاولت تطاول عليج
قوليلها والله لو مديتي ايدج مابيني وبينج الا الشرطة تفهمين ولا لأ؟؟انا مب فلاانة الاولية يلي تسبينها وتسكت لا ياماما قبل اذا بسكت فبسكت عسب اني اتجنب المشاااكل وعشان خاطر ريلي ,,بس الحشيمة للأسف مب لج
واتوعديها بالشرطة مثل ما خبرتج
ولا اتخاااااااااااااااااااااااافين قوي قلبج ومثل ما قتلج حطي امج وابوج دايماً جدام عيووونج غناااتي
هالله هالله بعمرج
ما يرزى عليج جذا اتسويبج
من اتنااديج قلبج يترااقع شرات لطبووول!!!!!
بتيج السكتة من وراها
الله لا عادها
حتى لوا نتي هزيلة وجسمج ضعيف مب لازم الزوج يسمح لاحد يسيء لج
انا لو منج ما اسكتلها وبعدين فضلها على اخوها مب عليج
ما تحملج جمايل
خلج واثقة من نفسج وما تسمحين حتى بالخطأ الصغير
وين عايشه هاي وريلج اساسا كيف يسمح لها
مهما ربته وتفضلت عليه انتي حرمته مب حرمتها هي
مفروض على الاقل مايسمحلها تتطاول عليج..
حاولي تكونين اقوى ويوم توايهينها عطيها كلام حار
وحاولي انج تتقربين لريلج وتفهمينه اخته من اي نوع او صدي عنه ادلعي
يابنت الحلال عسب هو الي ييج يدورج ويحس انها لاعبه بذيلها
غير جيه ثقي ثقة تااامه انه ربج ماراح يخليج والمظلوم دعوته تشق السما شق
والظالم جزاته قبل موته ياخذها لاتحاتين شي ..