كشتتي ألى " البحـــــرين "

السلااااام عليكم ورحمة الله وبركاته ،

شخبااااااااااااااااااركم بنيات؟ وحريمات؟

عاد أنا أول مررة أسوي تقرير لرحلة سفر بالتفصيل عااد إن شاء الله يعيبكم ،،

أول شي السفررة طلعت بالصدفه ، عاااااااااد صدفه بالقوو يعني طلعت قبل السفر ب6 ساعات بس

أول شي اذكرت ان عمتي تدرس بالبحرين وشوي طررنق نط شي في بالي اقول ليش ماروح

انيبها من البحرين وشوي ترنق اتصلت في عمتي الي هني على طول قلت لها وشجعتني بس هنيي

منو المحرررررررررررررررم ،، يالله عاد بداا المسااحل وتقردين بالأخوان خخ أول شي جربنا في عم

مني مناك ماطاع عشان عنده شغل ، بس شوي قلت لعمتي جوفي انا بكلم أخوي وبقوله جوف ترا

انا خلاص حجزت لك وكل شي خلاص خلاص خلاص ههههههه يعني أونه نحطي تحت الأمر الواقع

بس طلعت عمتي أووردي مكلمتنه بس قلت لها قولي له جي وخلاص ، المهم قلنا له وخلاص وافق

وهني على طوووووول دشيت موقع العربيه اشوف اذا في حجوزات ولالا عاد انا اول مره بس عماتي

دوم يطلعون بها ، فقلت يالله حصلت بس رووحه ماشي رده ، وهني قلت ماشي غير اني اتصل بأخوي

ويرووم بأقرب مكتب يشوف لنا رحلات ، حصل لنا رووحة بالعربيه وردة بالإماراتيه ووافقناا ،،

وألحين بقوووووووولكم عني رحلتي بعد القصه الحلوة خخخ

الوجهه : البحرين
الساعه 8 الصبح يوم الأربعاء والرجوع الساعه 7 يوم الجمعة
الذهاب طيران العربية
الرجوع طيران الاماراتي
سعر التذاكر العربية بـ 270 تقريباً
وسعر التذاكر الإماراتية بـ 630 درهم،
الفندق نوفيتيل ، 4 نجوم أعتقد قريب من المطار وبحط صورة وايد حلو ،
المدة يومين

طبعا خلصنا ترتيبنا وحجزنا ع الساعه 12 بليل ،،

وقمت جهزت اغراضي بعدهااا ،،

وطلعناااااا بعدها بالطيااااااااره ، يمه أول مره أركب العربية بصراحه زغت تطلع منها اصوااااات خخ
بس أحلى شي ان ماشي نص ساعه وشوي ننزل يعني موول ماتحسين بالطريق
وهذي صور من الطياره وحنا رايحين لين ماوصلنا البحرين

وأول ماوصلنا خردنا بيزاتنا ،،

وبعدها توجهنا للفندق بالتكسي ، بس الصراحه مادري هي تكاسيهم جي غاليه ولا قصوو علينا
الفندق يبعد عن المطار بس شاارع ومب بعيد يعني خذو عنا 6 دنانير يعني تقريبا 60 درهم ؟؟!!
بس ماعلينا دفعنا ،،

وألحين بروويكم صور الفندق بنهار ^_^ ،،
وهاااااااا أول ماوصلنا تخيلو رحنا الفندق ونحن مب حاجزين والحمدلله حصلنا مع خصم 40%
وبليله 90 دينار يعني تقريبا 900 درهم ، وحصلنا سويت

طبعا اول ماوصلنا كنا تعبانين لانه مب راقدين مواصلين ، فرقدنا لين صلاه الظهر ،ونشينااااا
وعقبها الحمدلله ان ربيع اخويه ياب لأخويه سيارته وهو كان مسافر ،، خخ وفر لنا بيزات التكاسي

وهني فتحت الخريطه ادوووووور الأشياء عشان مانضيع واشوف الاماكن بصراحه وايد ساعدتنا الخريطه ،

ريوق الفندق !! شورايكم فيه !! لو هذا ريوقنا كل والله لانستوي درامات ديزل مانقدر نتحرك

وبعدها قلنا يالله سيرنااا ، ندور مكان ناكل فيه يوعاااااااانين ، فسرنا موول السيف ، تغدينا وتمشينا
فيه شوي

وهذي صوره وحده لانه اخويه بهدلني مو قادره اصور منه كل ماجافني اصوور يسووق بسرعه ويخرب عليه خخخ

بس ها الصورة بليل لمن مرينا عليه

وبعدها يلسنا نتمشى في ربوع البحرين ، وهذي صور من التمشي والمقتطفات لمدة يومين .. وبعد
لا أنسى أن سرنا الستي سنتر وصراحه حلوو بعد ،،

اليوم الأول بعد التمشي اخر شي رحنا صوب جامعه الخليج ، وصلنا هناكي قلنا بنجوف عمتي
بس الوقت متأخر وقلنا نخليها تراجع لنا عندها امتحان وبتطلع ويانا اليوم الي بعده ،،

اليوم الي بعده اتغدينا في فندق الخليج ، بمطعم الإيراني ويمي ويمي على اكله الصراحه لذيذ
عاد قبل لا ياكلون اقولهم اتريوووو خلونا نووثق ههه هلكتنهم تووثيق

وهاي صوور
الفندق

بعد الأكل خخ

وواه ، تعبت ان شاء الله بكمل بعدين ^_^

حلوووو نتريا التتمه

موفقه

الحمدلله ع سلامتج حبوبه ..
حتى نحن كنا هناك ف البحرين .. بس نحن سرنا يوم الخميس .. الساعه 10 طارت الطياره الفليل .. ورجعنا يوم الاثنين الساعه 7 الصبح .. والفندق الي سكنتوا فيه نحن كنا بنسكنه بس ما حصلنا غرف فاضيه .. حساافه .. ولا شكله حلوو .. ف سرنا شقق فندقيه اسمه الخبر .. ويوم السبت كان عندنا عرس ف فندق الخليج .. .. .. و ان شااء الله بنزل موضوع وصور عن سفرتنا ..

التكملة ،،

طبعا أنا وعمتي أنش الصبح ونروح نتريق ،، بس قلنا خل نروح نسوي مسااج عندهم بالسبا خخخ
وتصلنا فيهم وحجزنا ، ونشينا الصبح نشيطين تريقنا وعقب سرنا لموعدنا اخ وسويت مساج
وياريت ماسويت شو تكسر جسمي كسرتني وياراسها التايلنديه ههههه ، وعقبها دخلت بالجااااااكوزي
ههههه كشخه

وعشان ما انسى العبي هناك عندهم فنتك ، صح اني ماطولت فيها ، رحنا شارع سوق محرق
والعبي هناك حلوة عيبتني وخذيت لي عباتين ،، مال بسرعه بسرعه ، وهذي صورة من العبي

،، وطبعا اليوم الأخير قلنا بنروح نتغدا ونتمشى وبعدها بنروح المطار ، رحنا ندور مطعم نبغيه
بس ماحصلنا ودخلنا فندق ،، واووف ياريت مادخلنا ، رحنا المطعم الإيطالي مالهم ،، عاد ياساتر
على الباستا مالتهم ،، حطو لج صحن قد القفعة وعليه طماطه وكم حبة معكرونة قالو لج هذا ب 100 درهم ،، عاد هني عمتي داقه ع الصدر وقالت الغدا اليوم عليه خخخ زين ماعزمتهم جان توهقت طلع لنا
الغدا 800 درهم عاد ياحسره ع شو بس ماعليه يالله استانسا ، بس الحلو بالمطعم الصحون او ماتين
جنه مكسره فيها زجاج ،، وهاي الصورمن الفندق

وبالاخيررررر صورة المعكررونة خخخ

بس بعدها رحنا انا وعمتي عزكم الله الحمام ، بس في شي عجيييييب تفاجأت فيه ألي هو هذا !!!

واكتشفت بعده انه هذا الشي موجوده في دبي موول !! خخ أونه تطوور يحيااا التطوور ،،

وبعدها خلاص ودعنااااا البحرين إن شاء الله لنا عوده فيها ،،

بس عاد العوده بالاماراتيه ، عاد حبطوووووووني ويا أكلهم شقى السندويج باااااااااااااااااااااارد
سم ، ولا مايخيرونج بعد ، بس حطو لج الصحن وبس ،، وسندويجيتين وكل وحده اثلج عن الثانيه

وأخيرااااااا بعدا وصلنا البلاد ،،

الصور من مطار طيران الامارات اليديد ، مرتب ويجنن ووسيع وماتحسين فيه زحمه ،،

وحمدلله ع سلامتنا ،،، عاد ردو علي تراني تعبت واول مره اسوي تقرير عن السفر ، عشان
كل ما اسافر اقولكم عن رحلتي

حمدالله على السلامه . .

رووعـــه الصـــور . .

تسلمين اختي ع التصوير الغـآوي . .

ولآ تحرمينـآا من يديدج. .

ويلا نتريا سفراتج اليايه . .

المشاركة الأصلية كتبت بواسطة المها1995

نحن لمن رحنا الفندق اترينا ساعة لين مايرتبون لنا الغرفة والحمدلله ان حصلنااا ،،

المشاركة الأصلية كتبت بواسطة بنت شربت

حلوووو نتريا التتمه

موفقه

تسلمين حبوبة ^_^

المشاركة الأصلية كتبت بواسطة بحر الثواني