هي الشلة واايد حلوة
أدري بتستغربون لكنها تعيبني ^_^
لا ردج الله لا ولا أطلب تردين ….. ادعــي عليج بعثرةٍ في صلاتــــــــــــي
عثرة تشلج ما بعدها تقومين ….. يا للـــي نقضتي عهودنا الماضـــــياتِي
كانت تروح الروح ساعة تروحين ….. وتعاف نفســي شربها والمقـــــاتي
كنتي مناة القلب والروح والعين ….. واليوم عينج يــعلها ماتباتـــــــــــــي
كنت أحسبج للعهد و الحب توفين ….. قلتي الغدر بالحب ما هو سواتي
و بان الغدر سمٍ جرى بالشراييـن ….. الله عسـى يسقيج سم الفعاتي
كلي سقيتج حب و اليوم تنسين ….. تقـولين حلــم أيام و اليـوم فاتـــي
و خذتي الهوا لعبه على ما تحبين ….. إلين عصفــت بالهوا عاصفاتــــي
و صرتي بشعري فالعذارى تباهين ….. تقولين أنا شمس العصر في حلاتي
وبالشعر صورتج خزام ورياحين ….. واثرج هضاب وشوك مابه هــــــداتي
و بالشعر غليتج على كل غالين ….. و أثرج دنيَّه تتبعين الدنــــــــــــاتي
رسمتج سحابة خير قطر تلفيـن …..فـزت لج الصحرا زهور ونبـــــــــــاتي
رسمتج مهاتٍ للجميلة تقودين ….. و أثـرج خروفٍ ضيعتها الرعاتـــــــــي
توسلت لج على حــب عامين ….. عامين لكن في حسابي مئاتــــــــي
ناديت لكن لي أبد ما تسمعين ….. عمري و روحي و الفكر في شتاتـي
خنتي و بعتي كل عهد وأيامين ….. مـــا عاد يفرق بين ماضـي و آتـــي
و صرتي مثل غيرج برخصٍ تبيعين ….. يا مرخصتنني مابقــى لـج غلاتـي
تحسبين انج بالمهافات ترقين ….. كـيف الصــــــــــــــعود يكون للهاوياتي
والنوق من تخرس فلا يفيد تمرين ….. مايفيدها قلص وضــرب العصاتـــي
ومع ناقة خرسا تكلفت سنتين ….. فــلا لانت بشده ولا بالهداتــــــــــي
اسبوع فدوامِي و لا ايي غير يومين ….. و يوم أوصل الدار أتصل و أحاتي
صبري نفذ و اليوم ثارت براكين ….. مـظـلوم أنــا و بـاجـر تحل دعواتــــي
سمعي عسى من بعدها ما تسمعين ….. سمعي دعاء من صار قلبه حصاتي
عساج عوقٍ منه ما عاد تبرين ….. عوقٍ تشافق له قلوب العداتــــــــــي
أدعي عسى من ناظرج ما تشوفين ….. و تطحن بج الأيام طحن الرحاتي
يالله عسى يحتار فيج المداوين ….. تبين الممات و لا يجيج المـــــــماتي
يالله عسى كف الندامة تعضين ….. تندمين يوم انه يفوت الفواتـــــــــي
وتبكين دم يسيل من مقلة العين ….. ويحتار قلبج من عناج وتعاتـــــــي
و عسى ما تلاقين منه القلب تهدين ….. و إن هو حصل أدعي عساج الشتاتي
يا بلوة اللي وسط بيته تعيشين ….. غـافي و حوله شب جمر الغضاتي
عسى بعمرج ساعة ما تهنين ….. و تمضي حياتج بين هم و شقـــــاتي
يا بنت قلبي وين مثله تلاقين …… قلبٍ عطاج الحب ما قال هاتــــــــــي
ييتج وروحي شلتها لج بكفين …… وفي التاليه رمح الخيانه جــــــــــزاتي
يالله عساج النار يا أم ويهين ….. كلنا انكشفنا ما تفيد العبــــــــــــــاتي
يالله عسى تلبسج جن و شياطين ….. و تكونين مدعاة الحكي و الشماتي
والله ماني منتظر قلبج يلين ….. و الـمجبلات أكثر من الفايتـــــــــــــاتي
وماعادتي اتبع طعون المقفين ….. ريــحٍ تشل طعونج المقفياتـــــــــــــي
يا ليلةٍ ظلمة على الله تزولين ….. و تأتى ليالي ســـــــــعدنا مشرقاتي
ياحيةٍ رقطه تقود الثعــابـيــن ….. باجر تحل ايامج المعــــــــــــــــــتماتي
يا ظالمة نفسج ترا الدهر يومين ….. يوم النجاة و يوم ما به نجاتـــــــــي
بيني و بينج تحكم أيام و سنين ….. و انـا شاهدي قلبٍ من الغدر ماتي
لو كان عذرج في كفوف الموازين ….. لكان رِبَح كل غدر البناتــــــــــــــــي
يا دمعة التمساح لالا تذرفين ….. العيون رغم دموعها كاذباتـــــــــــــــــي
لا ما عرفتي الحب لا ما تحسين ….. وغدرج تعدى غدرذيب الفلاتـــــــــي
الذيب يعوي قبل يغدر بمسكين ….. و انتي غدرتي خافقي في سباتي
وانتِ السبب سقتِ على القلب جرحين ….. غدر الغرام و وجع الذكرياتي
وانتي السبب واليوم لا لا تلومين ….. و ان ياج باجر شوفي شلــــون ياتي
والله لكتب و أفضحج في دواوين ….. و أرزف وأغني يوم خبر الوفـــــــاتي
و أرسم لأهل العشق قلب و سهمين ….. و قصة خيانة ما روتها الرواتي
و يمين لنشر فوق إسمج عناوين ….. و أشهرج من قاصي اليمن للفراتي
و من غرب هالدنيا إلى قاصي الصين ….. ديوان غدر فيه كل اللغاتـــــــي
و البادي أظلم سنة العين بالعين ….. و لاَّ فهذي لا عادتي ولا صفاتـــــي
و يا شبه انسانه براسِ و رجلين ….. أعوذ بالرحمن منج في صـــــــــلاتي
بس انا نفسي اعرف هو لمنو كاتبنها والله حراااااااااااام …
احسن له يحس بالناس …
خخخخخ<<تكلمة الفيلسوفه
مزيج ليج تبي تعرفي حق منو كاتبنها
مشكوره حبيبتي
وهو من الشارجه 
العفو