وبغيت اسالكم عن الأمارات الوطنية
روضه الفيحا ..
وفي روضه بعد في المشرف .. همممم .. نسيت اسمها ..
وروضه البطين التابعه لجمعيه المرأه ..
الإمارات الوطنية وايد زينه بس عيبها انها شوي بعيدة برع بوظبي
في بوظبي عندج المدارس اللي اسعارها زينة والتعليم زين الورود الامارات الخاصة النهضة
الياسات واذا تبين راي سوي مثلي يوم بغيت ادخل بنتي المدرسة
زرت اكثر من مدرسة واستفسرت عن كل شي الرسوم المنهج منو اللي يدرس
وشفت الصفوف (وكرمت) الحمامات والملعب يعني كل شي واللي ما تقدرين اتسيرين له اتصلي واسالي عن كل شي
وبعدين قارني وشوفي شو اللي يناسبج
وسلامتج
بس في روضه نموذجيه و واااااايد متطوره هو أصلاً مركز حكومي نموذجي و الشيخ محمد بن زايد طول الله عمره يهتم فيه لانه فيه مشروع اللغات الاجنبيه اللي هو متبنيه. (ما ادري اذا سمعتي عن هالمشروع)
اسمه مركز تطوير رياض الاطفال. عدال جامعة زايد. اختي الصغيره مسجلينها في الصف اللي يرعاه الشيخ و عافينهم من الرسوم لانه جزء من مشروعه. يدرسونهم عربي، انجليزي و صيني. و المدرسات كلهن مواطنات قديرات و المديرة تربويه قمه في التفاهم و الذوق. و مدرسات اللغه الصينيه طبعاً من الصين.
عندهم اجتماعات مع اهالي الطلاب بشكل دوري غير الانشطه و الرحلات الحلوة في صف اختي كل شهر يختارون الطلبه المميزين و يسوولهم حفله بس ما يطوفون اي ياهل، يعني الدور ايي عالكل. و كل فتره يطرشولج ملف الطفل و نيوزليتر فيها الانشطةاللي سووها اليهال مع الصور.
و فيه غرفه مراقبه للاهالي. يقعدون في غرفه جريبه من غرفه الصف يراقبون و يسمعون تحركات عيالهم من دون مالياهل يدري عشان تشوف الام كيف يتصرف ولدها و كيف يتكلم و تقدمه في الدراسه.
المركز الصراحه سرتله مع وفد كلية التربيه في جامعه زايد و عطول عيبني و ارتحتله. خصوصاً ان الجيل اليديد من المدرسات هن خريجات جامعة زايد و طريقتهن في التدريس يديده.
سيري المركز يمكن يعيبج.
احسن روضه ومدرسه للمرحلة التاسيسه عند جمعية البطين …………..
تاسيس الاطفال من الكيجي قويه جدا وايج الياهل واصل الاول يرطن انجليزي احسن عني وعنكن اقصد في الكسنت 
روحي خذي فكره عنهم وهاتي رقمهم من البداله …………………..
نص ربيعاتي امحطين اعيالهم فيها والحلوا انه ايدرسون الياهل وعقب ايحلون الواجبات والاسايمنت معاهم في المدرسه والطلاب يرجعون البيت ما عندهم واجبات مجرد متابعه من الام اذا حابه اتشوف مستوي الطفل …………………
وحد من ربيعاتي على الرغم انهم امدخلين اعيالهن هذي المدرسه الى انهم في الويكند والاجازات ايدخلون عيالهم مراكز تحفيط وتعليم القران مثل مركز هامل الغيث لتحفيظ القران في المشرف نوع من زيادة التركيز على الدين وحفظ جزء عما ………..
هذا الي اعرفه والسموحه الغاليه ……………
تحياتي ……………