مشكلتي هالشهر شوفوها اشقايل :(

انا موضوعي الصراحه اني ارضع طبيعي وبنتي عمرها الله يحفظها تسع شهور والدوره تي عادي كل شهر من بعد الاربعين…
بس… هالشهر صــــــــــــــــــــــــــار شي ما يت…. اتأخرت عشر ايام
وللحيــــــــــــــــــــــــــن ما يت سويت اختبار منزلي طلع سالب. وسويت تحليل دم مرتين وبعد موووب حامل.. وقبل اسبووع ياتني لوووعه فضيعه ما قدرت انام منها وسرت وعطتني الدكتوره حبوب للوعه بعد ما اتاكدت اني مب حامل وقالت بتيج الدوره شافة بالسونار بس لليوم ما يتني؟؟؟ بعد ما كليت الحبوب ياني اسهال فضيع
واكل كل يوم انناس عشان تيني بس بلا فائده واحس بطني منتفخ
يااااااااااااااااااااااااااااااااااااااااااااليت اللي صار لها نفسي تفيدني.. لاني تعبت من التفكير
وثااااااااااااااااااااااااانكس

صارت لي في ولدي ,,
وما كنت حامل بس قطعت لأني ارضع وكان عمره 6 شهور ..
ويوم رحت المستشفى عطتني الدكتوره حبوب للدوره
بهدلتني وصارت مب منتظمه ,,

شكرا ع الرد…. يعني مب حامل انزين انا ما اريد آخذ هالحبوب ما احب أخذ حبوب

حبايبي وينكم لا تبخـــــــــــــــــــــــــــــلوا علي بردكم

اختي عادي تراها تصير عند الحريم و خصوصا عند الرضااعة الطبيعية فطنشي الموضوع

لا تحاتيين و إذا ما تبين تحملين خذي الحبوب غير ياسمين طبعا و تحملي ترى عادي تحملين عليها بعد

شراااتي ..انا كانت تتأخر عندي الدورة و كنت وايد خايفة و خذيت حبوب ياسمين عشان ارتاح

ولكن حملت عليها و الحمد لله على كل حال شو نسوي ؟؟!!!

إلا الحمل هذا بيد رب العالمين نحن ما لنا خص فيه بس الوحدة تنظم امورها و مرات يكون خارج عن سيطرتنا

هلا الغاليه,

أنا بعد استوى عندي نفس الشي في ولدي و بنتي وأحيانا التأخير يكون لمدة 3-4 شهور ورى بعض وها طبعا يرجع لجسم الحرمه.. جربي تحليل الدم اذا انتي بعدج متشككه.. هو يكون ادق من تحليل (تكرمين) البول.