بغيت اليوم اكتبلكن اليوم عن مشكلتي
من وانا صغيرة كنت متعودة عالصراخ ,, اقصد امي الله يهديها كانت وايد تصارخ ووايد عصبية
انا كنت وايد هادية الين ما كبرت ومن دخلت الثانوية وانا صرت وايد عصبية وحساسة
يعني اي حد يقولي كلمة ازعل واصارخ بس بعدين اتندم .. اقول في خاطري ليش انا صارخت .. كان ممكن ارد بكل هدوء .. والمشكلة اني اذا يودت عمري وما صارخت .. اتم اصيح وايد لين ما ابلع الغضب اللي فيني
وهالشي اثر علي في علاقتي مع ريلي حاليا .. يعني مثلا اي نقاش مبينا او اي كلمة ما تعيبني منه اصارخ عليه .. وانتن تعرفن ان الريال ما يحب الحرمة يكون صوتها اعلى من صوته .. وعقب ايلس افكر واتندم .. يعني ممكن في أي وقت اخسر ريلي اللي احبه على شي تافه وهو الصراخ
دوم يقولي ريلي اني كاملة والكامل الله لو اني ما اصارخ
ريلي يعرف ان العصبية اللي فيني شي اكتسبته وما كان فيني هالطبع .. لاني اعرف عمري وايد هادية بدليل انه لما ما نتناقش في شي او يوم محد ضايقني اكون وااااايد هادية لدرجة انه يشك اني موجودة في البيت.
منو تحس انها نفسي ؟؟ ومنو عندها نصيحة ؟؟ ومنو بتدعيلي دعوة حلوة بأن الله يهديني ويجعلني من كاظمات الغيظ ؟؟
ومشكورات مقدما
بس ياااارب يااااارب ان شاء الله اتصيرين هايدة و اتكونين من كاظمات الغيظ
حاولي تدعين لنفسج و فكري قبل كل كلمة اتقولينها شو هي عواقب الصراخ
الله يخلصنا من هالعاده الشينه
الام وايد تأثر ع العيال الله يهديهاااااااا
دام ريلج فاهمنننج عاادي
والحين زاد عليه اني اكسر تيلفوناتي،،،
مابقي فون وفريته ع اليدار ،،،
تعبت والله،،، رغم اني فنانه وزينه في الحوار بس من اعصب خلالالالالاص