وجاااااااااااان اكمل شهر من الرجيم .gif "13 (42)")
اول شي هذا هو الرجيم اللي اتبعته
بكتب لكم رجيم صحي 100% من خبراء في التغذية
انا جربته وناس وايديييين جربوه
ينقص من الوزن 16 – 18 كجم في الشهر الواحد
بمعدل 4 كجم في الأسبوع على الأقل
هام: هذا الرجيم للناس الي وزنها زائد فقط
—————
الفطور: بيضتين مسلوقتين + نصف كوب كورن فليكس + حبة فاكهة ( كنت اكل جريب فروت)+ حليب قليل الدسم(بدلته بخالي الدسم)
الغداء: صدر دجاج مشوي أو مسلوق + سلطة خضار + خبز بر + حبة فاكهة
العشاء : صدر دجاج مطبوخ مع خضار + سلطة + زبادي قليل الدسم ( قبل النوم بساعتين ) (انا زدت جريب فروت).
وجبات الجوع : ماء, زبادي قليل الدسم(بدلته بخالي الدسم), سلطة خضار جافة(بدلته بخس)و(وانا زدت اناناس ).
الممنوعات :
عصيرات الفواكه
أي شيء كامل الدسم
المعجنات
الحلويات
المشروبات الغازية
اي شيء فيه دهون
المايونيز
والأهم من هذا كله الكربوهيدرايت ( الرز , المعكرونة , الخبز الأبيض )
————————–
نصائح مني أنا:
1- الأكل البطيء ( مو لازم تأكل/ي في 10 دقايق لو صارت ربع ساعة في مشكلة؟ )
2- عدم ملء البطن ( يعني مو لازم تحس/ي انك شبعان المفروض تحس/ي انك مو جوعان وبسس )
وطبعا مع الرياضة ( المشي بس على الأقل ) ينقص الوزن 20 كجم بالشهر
طبعا ملطوش من النت
الصراحه ماكنت امشي عليه .كنت انقص منه واطوف وايد شغلات .gif "12 (53)")
ونصيحه اتبعوه بالنقطه عشان تنزلون اكثر
الحمد لله نقصت 9 كليوووو( ولو اني ماتوقعت حتى 5 كيلو لان وزني ماينزل بسرعه)
شوفووووا
فالبدايه تعبت وكنت ايوع بس كل ما كنت ايوع اشرب ماي او شاي اخضر
فاول اسبوعين انصدمت نقصت كيلوووووووووووووووو .gif "12 (15)")
والله كنت منصدمه وكنت معصبه وحالتي حاله
وبعد ما قريت موضوع وحده من الاخوات عن الملح وسوالفه
قمت ومسحت الملح من اكلي
لاملح فالسلطه ولا فالدياي ولا فغيره وكان الاكل تعبيه بطن موووو طعم خخخخخخخخخخخخ
كله عشان الرجيم .gif "12 (99)")
قلت لكم اول اسبوعين نقصت كيلو وكله من الملح
وثاني اسبوعين نقصت 8 كيلو
كنت امشي ربع ساعه ومب يوميا لاني ماكنت احصل حد يمشي وياي ومستحيل امشي بروحي
ومن قبل يومين خبصت واااااااااايد فالاكل
بس والله والله ان مازاد وزني ولا نص كيلو
على فكره وزني من النوع اللي بطلوع الروووح ينزل
واكيد لو اتبعتوا هالرجيم بتنقصون اكثر عني
وعن انسى بعد
اشربوا الشاي الاخضر مع كل وجبه
وقبل النوم سوو الخلطه( شاي اخضر وربع ملعقه كمون وربع ملعقه زنجبيل خلوا الخلطه تبرد واشربوه) بيكون الطعم شوي حار بس وايد اوكي اشربوه مره وحده فاليوووووم لا تكثروا
والله وايد فرحانه بالنتيجه اللي وصلت لها .gif "13 (18)")
وطبعا ببدي من اليوم لتاريخ 1-9 وبخبركم بعد بالنتايج بس يمكن اغير الرجيم واكيد بخبركم بالرجيم اليديد بعد ما الف والف فالنت والمنتديات
اهم شي فااي رجيم يابنااااات وياحريييييييييييييم الماااااااااااااااااي والملح
زيدووووووووووا الماااااااااااي وامسحوووووووا الملح
والحين اللي عندها سؤال او استفسار انا حااااااااضره
هلا الغالية
اول شي مبرووووووووووووووووك النزول
ما شاء الله عليج ربي يحفظج
بس حطي ف بالج انه هب زين تنزلين بشهر اكثر عن 5 كيلو
وحاولي تشاورين دكتور تغذية بهالسالفة
السموحة بس ابا مصلحتج
وعقبال ما تحققين اللي ف بالج وتوصلين للي تبينه
وعقبالنا كلنا يا رب نحقق اللي ف بالنا =)
المشاركة الأصلية كتبت بواسطة الأميرة الحائرة 
هلا الغالية
اول شي مبرووووووووووووووووك النزول
ما شاء الله عليج ربي يحفظج
بس حطي ف بالج انه هب زين تنزلين بشهر اكثر عن 5 كيلو
وحاولي تشاورين دكتور تغذية بهالسالفة
السموحة بس ابا مصلحتج
وعقبال ما تحققين اللي ف بالج وتوصلين للي تبينه
وعقبالنا كلنا يا رب نحقق اللي ف بالنا =)
هلا اختي
الله يبارك فيج
بالعكس يالغاليه نزل وزني بس الحمد لله كل شي عندي اوكي
لا تعب ولا ارهاق ولا تكسر اظافر ولا من هالمشاكل
مشكوره عالنصيحه والمرور الحلوووووووو
مممم خيتووو انا ماحب البيض كل يوم مره بالاسبوع ممكن .. يعني هل يسير الفطور اشل منه البيض والعشا اخليه بس سلطات او رووب ؟؟؟
لانج قلتي اذا نقصت من الرجيم ماينفع ؟؟
وانا احب المشي … اقدر امشي ساعه ونص كل يوم ..
واتمنى تفيديني ومرررسي
ومبروك مره 2 بالعافيه ع قلبج حبووبه
المشاركة الأصلية كتبت بواسطة سراب الشوق
مممم خيتووو انا ماحب البيض كل يوم مره بالاسبوع ممكن .. يعني هل يسير الفطور اشل منه البيض والعشا اخليه بس سلطات او رووب ؟؟؟
لانج قلتي اذا نقصت من الرجيم ماينفع ؟؟
وانا احب المشي … اقدر امشي ساعه ونص كل يوم ..
واتمنى تفيديني ومرررسي
ومبروك مره 2 بالعافيه ع قلبج حبووبه
الله يبارك فيج الغاليه
وعن ملابسي واااااااااااايد وااااااااااااايد صارن وساع وكل اللي شافني قال لي وايد تغيرتي
عن البيض انا عن نفسي ماكنت اكله كل يوم
كنت اغلب شي اكل الكورن فليكس بالحليب خالي الدسم
المهم ياختي انج ترتاحين من اللي تاكلينه وغيري واكيد بتنقصين بس مب شرد ال18 او ال20
المهم انج بتنزلين بدون يوع
المشاركة الأصلية كتبت بواسطة bulbula الله يبارك فيج اختي
ومشكوره عالمرور
