.+[ آولـ موضوع لي في قسم الطبخ شرح حلو وبسيط مع الصور ]+. 2024.

.

.

{ السلام عليكم ورحمة الله وبركاته
صبّحـكم ومسّاكم الله بالخيـر . .

::

مممـ لعيونـ كل الرقهـ وعاشقة ولدي لوول
كل الرقهـ طلبت الطريقه مني
وعاشقة ولدي عشان تجرب طريقتنا ههههـ وتخلي هيازتها في صوب واناا طبعا سويتها واقول لعشووقه بالهنا عليج !!..^^

بنزل لكمـ طريقة معكرونة البيتزا
طبعا الكلـ يعرف انه بنت زايد ما تحب المطبخ وما تحب تدخله هههه
بس تحب الاكل ^.^ بس اليومـ قررت ادخله وحتى الكل مستغرب مني
اميــ والخدامه لووول قلت اباا اسوي المعكرونهـ لكمـ ,,
هاا الله هاا الله بالردود ترآ هذا اول موضوع لي واذا شفت ردودكم ما بقصر وكل ويك اند بنزل موضوع يديد ^_^

نبدآ بسم الله ..>> ما يحتاي اخبركمـ الصور بروحها تبين الطريقه لووول

المقادير ..

طماط ,, فلفل ،، بصل ,, مايونيز ,, قشطه ،، اوريغانو ،، وطبعا المعكرونهـ ^^
على فكرهـ اليومـ سوينا بس نص معكرونهـ ,, والبايركسـ صغير يعني كل وحده تسوي على قد اللي عندها ^.^

بعد ما حطينا المعكرونه بالمايــ ,, نخلطها اول شي مع المايونيز ..

وعقب ما نخلص من المايونيز نخلطها مع القشطه بس مب كلها يعني نص القشطه بس ,, ونرش شوية ملح ..~*

وعقب نييب البايركسـ ,,
ونحط داخله المعكرونه

والحين نسوي فوقها البصل والطماط والفلفل والزيتون ..

وآخر شي الموزريلا ..

ونخليها في الفرن لين ما تحمر من فوق لووول
تقريبا 15د

وآآآخر شي جيـ بيكون شكلهاا

اللي بترد اولـ رد هذا الصحن لها ..>>

اتوقعـ انه الطريقه وايد سهله وعآد اترياا ردودكم ع الموضوع
سواء عيبكم والا لا
واذا شفت ردود حلوه اوعدكم بمواضيع احلى

.

.

السمــوحـه . . ~