أحب أم علي وايد وأسويها بعدة طرق
ربيعتي كانت يايبتلي درابيل من الكويت، وماحب آكل الدرابيل
فسويتهن أم علي وطلعت على سنجة عشرة ولذيييييييذة
الطريقة وااااااااااايد سهلة ومبينة من الصور
أولا المكونات:
درابيل
حليب بودر أو فرش
1 قيمر
1 دريم ويب
فانيلا
هيل مطحون
سكر
هاي هي الدرابيل
وهاي باقي المكونات
حطي ماي في الجدر وحطي كل المكونات (ماعدا الدرابيل) وذوبيها وحطيها عالنار لين تفور
جهزي بايركس وصفي فيه الدرابيل
حطي عليهم اي مكسرات عندج (غير مملحة طبعا)
صبي خلطة الحليب على الدرابيل لين ما تتغطى، وخليها ربع ساعه تتشرب
قبل التقديم، زيدي الحليب وحطي البايركس في الفرن وحمري أم علي من فوق
وبالعااااااافية
ملاحظة: بالعادة أحط جرفة بس لأنه الدرابيل فيها جرفة فما حطيت، وساعات أحط زعفران
بس بجرب طريقتج سهله وخفيفه لو حد زارج فجاه يكون جاهز بسرعه
حفظت الصفحه عندي
تسلمييييييييين
المشاركة الأصلية كتبت بواسطة لزق شفاف 
الله يسلمج عمري
المشاركة الأصلية كتبت بواسطة سوارة بالعافية
المشاركة الأصلية كتبت بواسطة فوفو فوفو انت الاروع عزيزتي
المشاركة الأصلية كتبت بواسطة J44Z بس بجرب طريقتج سهله وخفيفه لو حد زارج فجاه يكون جاهز بسرعه
حفظت الصفحه عندي
تسلمييييييييين
انا بعد كان عندي ضيوف وجهزت البايركس. وحزة التقديم زدت الحليب وسخنته من فوق. اتخبلو عليها