انا اليوم جايبتلكم طريقه عجيبه ريحتني حيييييييييييل و هالشي كنت ادور عليه من زمان و الحمدالله اني لقيته من فرارتي بهالانترنت لقيت هالطريقه و اعجبتني حيل وحبيت انقل الطريقه لكم و قلت لازم تشاركوني ..
مزيل للعرق طبيعي و مضمون انتي راح تسوينه بنفسج بالبيت ..
نتيجة المزيل :
ماراح اقول واحلف انتو راح تشوفون هالشي بنفسكم
بـــيـــاض و يوخر السواد _ ريــحـــه حــلــوه مثل ريحة البيبي _ و الأهـــم عـــرق بــدون ريــحـــه
الحلو فيه انه ما يخلي اثار تحت الاباط و بسرعه ينشف ..
الــمـــكـــونـــات :
1 – عـلـبـة كـريم بـشـره الـنـوع الـلـي تـحـبـيـنـه ( دوف – جـلـسـريـن )
2- مـلـعـقـتـيـن شـبـه
3- مــاء زهـــر
4- مـلـعـقـة نـشـا صـغـيـره
5- زيـت مـسـك أبـيـض ( مـسـك أبـيـض سـائـل )
الـــطــــريـــقـــه :
أولا : نخلط ملعقتين الشبه في شوية ماي زهر و نصفيها بشاش او مشخال عشان اي رواسب فيها تروح و بعدين نضيف لها النشا .
ثانيا : نحط ماي الزهر اللي فيه الشبه و النشا على لكريم و نخلطهم عدل عشان يتجانسون او اضربيهم بخلاط
ثالثا : نحط المسك حوالي 4 ملاعق
و بعدين نجيب اي زجاجة مزيل عرق فاضيه و نحط الخلطه فيه و نخليها بالثلاجه لمدة ثلاث أيام
يا بنات انا جربته حيل عجبني و ناطره ردودكم الحلوه ..
الصراحه عجبنى الموضووع ونقلته..
الله يجزى راعيته الخير.
؟؟؟؟؟؟؟؟؟؟؟؟؟؟
يعني انا عندي باط واحد اطلع ريحه
مب مستحبه والله وتعبت والله لازم اغسله بين فتره وفتره
يعني هاي الطريقه مضمونه
وبخصوص المسك السائل
من وين تاخذينه بالضبط
عـلـبـة كـريم بـشـره الـنـوع الـلـي تـحـبـيـنـه ( دوف – جـلـسـريـن )
حطيلي صورته بالضبط ماعرفه والله
لاني ولا قد استخدمته
بانتظار ردج
بس بنفس الوقت كل الطلبات متوفره ..
روحى محلات البخور مثل الرصاصى وعبدالصمد القرشى..
عندهوم المسك وهاللوشنات..ان شاء الله..
غير جذيه فى طريقه ثانيه ممكن تنفعج لرائحه الابط..
جيبى سودو كريم اللى يستخدمونه لحفاظات الاطفال ..
ومكتوب عليه بنفس الوقت يستخدم مضاد لحب الشباب..
حطى بيدج طبقه رقيقه جداا ..وامسحى الابط فيه ..
استخدمى هالطريقه مو اكثر من ثلاث مراات بالاسبوع..
لانج ان استخدمتيها اليوم اليوم الثانى ماتحتاجين..
لانه سبحان الله بتختفى ..وشوى شوى بتصيرين تستخدمينها ..
مره بالاسبوع..غير انه يبيض الابط بعد..
وتقدرين بنفس الوقت تستخدمين الطريقه المنقوله هذى عشان العطر
الحلو.
وبعيدين احطي هالوصفه المنقوله ؟؟؟؟
والوصفه هذى للايام اللى ماتستخدمين فيها..
سودو كريم لانه يسوى طبقه عازله ..
وماراح تستفدين من هالوصفه..
بس صدقينى سودو كريم مفعوله عجييب..
بس لا تستخدمينه لفترات طويله ..
وطبقه خفيفه جدا.
المشاركة الأصلية كتبت بواسطة معسوووووول 
حياج الله حبيبتى..