شوية أكلات مصرية تجنن هتعجبكم كتييييييير
الاكلة الاولى: المخروطة
اكلة تنتشر فى الوجه البحرى و القبلى ولكن باختلاف الاضافات
عبارة عن دقيق وماء وملح بسيط بدون مقادير حتى تتكون معك عجينة شبه عججينة السمبوسك وتفرد بالنشابة ثم تقطع بالسكين لشرائح طولية رفيعة شبه الاسباجتى ويفضل استعمال ماكينة اللازنيا نفردها فيها ثم نقطعها شرائح ثم فى حلة البخار نضع فى الجزء السفلى ماء يغلى و فى الجزء العلوى قطعة شاش ونضع شرائح العجين ونغلق عليها حتى تنضج بالبخار
للاكل : فى الوجه القبلى يسمونها المخروط فقط ويضيفون لها العسل الاسود
وفىالوجه البحرى اسمها مخروطة ويضاف لها سكر بودرة او عسل نحل يذوب فى لبن دافئ وممكن سمنة حسب الرغبة
الاكلة التانية: الحلبة الساقعة
طحن حبوب الحلبة حتى تصير بودرة ثم تستعمل كعصير التانك لعمل العصير تذوب فى ماء بارد مع السكر حسب الرغبة
وهو مشروب صعيدى صميم يستعمل للتغلب على حر الصعيد ويقال ان تاثيره اشد من اى مروحة او تكييف فى الترطيب يعنى تحس بعد ما تشربه انك واكل مكيف 2 حصان
المشبك
طريقة تحضير المشبك سهل وبسيط
الصعوبه كلها فى القمع
المكونات
لكل مقياس دقيق
نصف مقياس نشا
اى
كيلو دقيق يضاف اليه نصف كيلو نشا + ملعقه كبيرة خميرة
ويتم عمل مستحلب مثل الكريمه السائله او الطحينه ( لاهو سائل ولا هو عجينه ) باضافه الماء
ويترك المخلوط ليتخمر لمدة ساعتين على الاقل
ثم يضع المخلوط فى القمع ممكن فى كيس الحلوانى بس خلى الفتحة صغيرة وممن بعبوة صابون غسل الاطباق بعد غسلها جيدا طبعا وتشكلى المشبك عند قليه فى الزيت المغلى
وفور النضج
يغمر فى شراب العسل مع مراعاة ان يكون القطر ثقيل جدا ويضاف له ماء الورد وملعقة سمنه "نص كوب ماء لكل كوب ونص سكر وملعقة فانيليا وماء ورد وملعقة سمنه
يمكن اضافه الوان متعددة للخليط قبل القلى
بس المشبك الاصلى مفيهوش الوان
القلقاس بالسلق
كل كيلو قلقاس حزمة سلق وحزمة كسبرة وقليل من التوم المفروم
سلق اللحم او البط يفضل دائما شوربة دسمة
تقشير القلقاس أقوم بمسحه بفوطة ناشفة افضل من غسله او غسله غسلة خفيفة ثم اضافته للشوربة مع اللحم ونتركه حتى ينضج
بقطيف الكسبرة والسلق ونخرطهم ثم نضع السمن فى طاسة وعليها الخضرة والثوم و نظل نقلب حتى نسمع صوت خشخشة يعنى الخضرة أصبحت ناشفة تماما وقل حجمها جدا ولا تحترق ثم نقوم بدقها فى الهاون ( طحنها جيدا ) ثم نضيفها على القلقاس قبل أن رفعه من على النار و ونتركه يغلى غلوة ونرفعه من على النار وبالهناء
القلقاس المسقعة
الطريقة :
بعد تقشير ومسح القلقاس يقطع الى نصفان ثم ال شرائح (أقل من سمك البطاطس الصينية) بالعرض ثم نحمره فى سمن أو زيت نباتى ثم نحضر لحم عصاج ( مفروم خشن ومحمر مع البصل ) ثم نقوم بعمل الصلصة ونضعها على العصاج ونرص جزء من القلقاس فى صينية فرن بايركس أو فخار وعليها جزء من العصاج والصلصة وهكذا بالتبادل وأخر طبقة تكون من العصاج وعلى الوجه شرائح من الطماطم المقطعة ونضيف صلصة طماطم متبلة أو مرقة دجاج
المسقعة بس بالخضرة انا بعرف اعمله
العيش الشمسى :
العيش الشمسي ‘الملتوت’ يصنع من دقيق القمح ويمر بست مراحل.ويتم عمل عجينة الخميرة في الليلة السابقة للخبيز حيث يتم وضع خميرة البرباسة في اناء صغير ويضاف كيلوجرام من الدقيق وكمية من الماء الدافيء ويتم العجن حتي تصبح العجينة سائلة ثم يغطي الاناء بغطاء محكم ويترك حتي صباح اليوم التالي. وفي الصباح تقوم سيدة عفية ذات مهارة بعملية العجين.
وتستغرق مرحلة العجين ساعة تقريبا وبعدها يتم تجريص ‘تقريص’ العجين اي تقطيعه الي قرص صغيرة وترص الدور ‘جمع دورة’ تحت اشعة الشمس حتي يتم التخمير ثم تقوم احدي الفتيات المشاركات في العجين بعملية التجريح بعملية التجريح بواسطة سلاعة ‘شوكة نخيل’ والتجريح هو عمل خط دائري حول قرص العجين وفي المنتصف يتم عمل الرقم 11 والخط الدائري هو معتقد فرعوني يرمز الي الاله ‘رع’ رمز قرص الشمس.
المكرونة باللبن "طبق حلو" من الوجه البحرى
مكرونه اقلام التى تستخدم فى طاجن المكرونة بالبشامل بتتسلق مع لبن وسكر وسمن لغاية ماتسيح ومعالم المكرونه تنتهى وتبقى وبعدين تتحط فى صينيه وطبعا فيها مكسرات وزبيب وبعدين يتحط على وش الصينيه سمن ..وتدخل الفرن…..
المــديــــــدة:
هى عبارة عن عشا رائع وسهل جدا بشرط توافر العيش الشمسى سبق شرحه
تجيبى العيش وتقطعيه قطع فى طبق عميق "مرة مكنش عندى عيش شمسى عملتها بتوست" بس مكنتش اصلى طبعا
وبعدين فى كنكة صغيرة نحط لبن مع دقيق مع ملح بسيط ونضعه على النار حتى يتماسك يبقى شبه الكاسترد بس اخف شوية
وبعدين نحطه على العيش ونوزعه بالتساوى ثم نضيف كمون صحيح قليل منه على الوجه
وبالهنا و الشفا
ملحوظة متاكلوش كتير عشان هى تقيله
طريقه عمل المفروكه
يفرد العجين حتى يصبح مثل الرقاق او الجلاش0 ثم يلف العجين ويصبح شكله
لفه طويله ورفيعه 0 يقطع قطع صغيره جدا بالسكين 0 تحضر مصفاه ويوضع بها
القطع الصغيره 0 وتوضع المصفاه فوق حله بها ماء ساخن على النار 0
حتى تستوى بالبخار الصاعد من الحله ويصفر لونها 0 يتم اضافه السمن البلدى
وتقدم ويمكن اضافه السكر 0 ( تسمى ايضا بالمخروطه)
وتشبه الى حد كبير الكسكسى ولكنها سميكه الحجم 0 وبالهنا والشفا
الثخينه
:
اولا نجيب الرقاق عارفينه طبعا ونكسره قطع كبيرة نسبيا فى طبق عميق ونسخن الشوربة ونضيف بالملعقة بعض الشوربه على الرقاق حتى يتشرب ويلين بس مش كتير
لاننا هنجيب بعد كدة عصاج " لحمة مفرومة مع بصل مفروم " معروف طبعا ونحطه على النار مع شوربه برضه ونتركه يغلى ثم نضيف اللحمة بباقى الشوربة على الرقاق
ونحمر لحمه " قطع" بالسمنة البلدى ونضعها على الوجه
كلها لحوم؟؟؟؟طبعا " لانها اكله صعايدة" وعلى فكرة بتتاكل بالايد مش بالشوكة ولا المعلقة
الشعرية باللبن
وهى عبارة عن شعرية عادة نحمصها فى طاسة حتى تحمر ثم نضيف اليها اللبن تدريجيا يعنى شوية ولما تغلى نزود وهكذا حتى تستوى لان لو صبينا اللبن مرة واحدة هتتشربه وتعجن وهى المفروض تبقى شبه الشوربة وبعدين نزودها ملح حسب الرغبة
وطعمها تحففففففففففه…
وفى اكله كمان بالشعريه هى
الشعرية بالسكر:
نسلق الشعريه فى ماء عادى حتى تنضج وتشرب مائها ثم نضيف لها السكر وناكلها بالهنا و الشفا
البامية:
اولا بامية بالصلصة معروفة طبعا "تسبيكة اللى هى بصل محمر مضاف له طماطم معصورة وبعدين تترك على النار حتى تتسبك ثم نضع فيها البامية وافضل طعم ليها لما بتتزود لحمة ضانى وشوربة ضانى وتتحط فى طاجن فخار وتغطى وشها بورقة فويل وسيبيها تستوى فى الفرن براحتها وبالهنا و الشفا
المفروكة او الويكا:
بامية خضرا نقطعها قطع ونحطها فى الشوربة مع فصين توم سليمين بدون تقطيع وقليل من الملح تترك على النار حتى تنهرس البامية او يعنى تستوى تماما وبعدين بالمفراك " وهو حاجة كدة خشب ذراع وفى اسفلها قطعه تشبه المروحة توضع فى الطعام ويتم لف او برم الذراع الخشبية للتقليب وممكن بمضرب سمى مضرب اليايى وهو مضرب حلزونى او حطيها فى الخلاط وريحى دماغك حتى تختفى قطع الباميا تماما وبعدين صبيها فى طبق وصبى عليها باقى سمن تحمير اللحم على الوجه
الباميا الناشفة:
باميه مجففة وبعدين نطحنها حتى تصير بودرة وبعدين تتعمل زى الملوخية الناشفة بالظبط لكن بدون طماطم يعنى نحمر توم وبعدين نحط البامية قليل جدا لانها بتتقل بسرعة وبعدين نحط عليها الشوربة و الملح ونقلب وتغلى غلوة واحدة فقط
الفولية الخضراء والفولية الحمرا بتتعمل من الفول المدشوش بتاع البصارة
الفولية الخضراء
بتجيبي بصلة مفرومة وتحمريها في السمنة لغاية ما يا دوب تصفر لونها ثم اضع عليها فول مدشوش واحط ليها شوية ماء لغاية ما الفول يستوي شوية ويتحط معاها معلقة ارز ثم يتحط عليها ثوم وكسبرة خضرا وشوية ناشفة وبعدين نعمل تقلية من الكسبرةالخضراءوالثوم ونضيفها عليهم
المهم الفول يا دوب يستوس مش تسيبوة لما يتهري زي البصارة لا يا دوب يستوي
والفولية الحمرا تقريبا زيها بس بنضيف لها صلصة طماطم والكسبرة تكون ناشفة مش خضراء
البصارة او بيصارو "بالفرعونى"
ربع كيلو فول جاف بدون قشره
ربطتين كزبرة خضراء
بصلة متوسطة
عدد من فصوص الثوم حسب الرغبة
قليل من النعناع الجاف
ملح و فلفل حسب الذوق
– للتقلية عدد من فصوص الثوم مع كزبرة جافة او بصل
الطريقة:
– ينظف الفول و يضاف كمية من الماء كافية لسلقه , تضاف الكزبرة الخضراء و النعناع الجاف و البصلة و الثوم , يجب عدم وضع اى ملعقة اثناء تسوية الخليط لكى ينضج الفول و ندعه حتى يستوي تماماً .
– بعد تمام النضج , ندع المزيج يبرد قليلاً ثم يخلط بالخلاط .
– يعاد الخليط للنار قليلا و يتبل بالملح و الفلفل حسب الذوق .
– تتم عمل التقلية بالثوم و الكزبرة الجافة المدقوقين جيدا و يحمر فى القليل من الزيت و السمن ثم يزين بها وجه الطبق او يتم عمل بصل محمر "شبه المستعمل فى الكشرى " وهو الافضل و تقدم .
طاجن عكاوى
نشترى العكاوى وهى "ديل البقرة او الجاموسة" وعشان كدة بتبقى عبارة عن فقرات عظمية
نخليها نخلى العظم عن اللحم نسلق العظم عشان الشوربة واللحم نحمره مع بصل واى خضار تفضليه وبعدين شوية شوربة عكاوى السابق عملها وطماطم وصلصة طماطم وندخله الفرن وبالهنا و الشف
الخبيزة على الطريقة المصرية
المقادير:
1/2 كيلو خبيزة
حزمة سلق
حزمة شبت
حزمة كسبرة
نص وعاء شوربة لحم
ربع كوب أرز
2 بصلة كبيرة
4 ملاعق كبيرة سمن
رأس توم مدقوقة
الطريقة:
يغسل الشبت والكسبرة ويقطع إلى قطع رفيعة جدا بالسكين ثم نضعهم على الشوربة على نار متوسطة.
نغسل الأرز واضعه ليسلق مع الشوربة.
تنظف الخبيزة جيدا (تقطف الزهرة (وتغسل وتُصفى ثم تُخرط مع السلق، أو نضعها على النار لتسلق مع السلق ثم نضربهم في الخلاط.
خذي الخليط وضعيه على الشوربة وبعد غلوتين وبعد أن نجد الخليط قد أصبح سميكا بعض الشيء نطفي النار.
الطشة:
نقشر البصل ونبشره بالمبشرة ونضعهم مع السمن في وعاء على نار متوسطة لتحمر.
بعد أن يصفر لونه ضعي عليهم رأس التوم المدقوقة
بعد أن يحمر الثوم ضعي عليهم الخبيزة (الخليط الذي تم صنعه سابقا)
ثم أقلب وأطفي.
الكشك
من الأطباق التركية المحبوبة لدى المصريين ، وهو سهل الإعداد والتحضير ومفيد فى نفس الوقت لإحتوائه على اللبن والدقيق .
المقادير :
– 2 كوب شوربة ( فراخ – بط – أوز ) مضاف لها ملح وفلفل .
– 3 ملعقة دقيق .
– كوب كبير لبن .
– بصلة متوسطة .
– 2 ملعقة أرز.
الطريقة :
– ترفع الشوربة على النار وبعد غليانها يضاف الارز بعد غسيله .
– يخفق اللبن مع الدقيق جيداً ثم يضافوا على الشوربة بعد نضج الأرز ويقلب .
– يستمر التقليب حتى يصبح القوام مناسباً .
– ثم يصب فى أطباق ويستخدم البصل المحمر للتجميل .
كفتة الارز :
لحمة مفرومة مع رز مصرى مغسول مع بقدونس وتوم وبصل وتوابل "ملح وفلفل اسمر وكمون"
وتطحن مع بعضها
وبعدين تتعمل صوابع وتتحمر فىالزيت و بعدين " انا شخصيا باكلها كدة وهى سخنة " هههههه
بس المفروض تتحط فى صلصة توم "توم محمر نحط عليه عصير طماطم حتى يتسبك" وفى ناس بتحب تحط معاها بطاطس مقطعة مكعبات وعلى فكرة دايما بتتعمل فى الافراح معرفش ليه
وتتاكل جنب الرز حبة وحبة وهو بالمناسبة نجيب شوية رز ونحمرهم حتى يتحولو للون الذهبى وبعدين نحط باقى الرز ونقلب ونزود الملح وبعدين الشوربة وهكذا الى اخر طريقة الرز العادى
نرجع للكفته
انا بقى بعملها بطريقة تانية اخف من الصلصة
نجيب بصل ونحمره حتى يصفر فقط وبعدين نحط الكفته ونقلبها مع البصل ونزودها قليل جدا من الماء " يعنى نفس طريقةالكباب حلة" وناكلها جنب مكرونة بتطلع حلوة جدا جدا جدا
الفايش دى طريقته
4 كوب دقيق
34 كوب سمن
مص سكر + قطعه خميره قد البندقه و ربع كوب حليب دافىء و يتقلبو مع بعض
كوب ميه دافيه للعجن مص ممسوحه ملح
مص ممسوحه كركم علشان يدى اللون الاصفر للفايش
الخميره بتاعت الحمص ماشى
الطريقه
نحط الدقيق و السمن ونفركهم مع بعض و بعدين نحط الخميره و اللبن و السكر اللى خلطناهم مع بعض
و خميره الحمص و الملح و الكركم و نعجن و نفضل نحط الميه و نعجنكويس قوى الفتره دى انا
بعجن كل حاجه فى العجانه لانى تعبانه ماقدرش اعجن بايدى المهم
نغطيها و نسيبها تخمر 3 ساعات
و بعدين نبدا نقع ندهن الصينيه و ندهن ايدينا زيت و نبدا نصبه القطع على حسب الحجم اللى عايزاه انا عملت كبير و صغير علشان الانسه ايمى وبعدين نغطيه و نسيبه يتخمر قد ساعه و شويه او لغايه ما تلاقي حجمه تضاعف
بعد التخمير
بعدين فى فرن ساخن نحطه حوالى نص ساعه لغايه ما يتحمر و بعدين نطلعه و نسيبه يبرد
و نفككه من بعضه زى كده و نسيبه لغايه ما يبرد خاص
بعدين نحطه فى الصنيه تانى بدون ما ندهنها بس نحطه على الناحيه الجانبيه يعنى زى كده و ندخلها الفرن علشان يتقرقش و تلاقيه الوش اتحمر و بعدين نقلبه على الناحيه التانيه و بس ومع كوبايه شاى بحليب يا سلام
بس انا اعرف ان فى فايش بيتعمل بالحلبة مش بالكركم وهى اللى بتديله لونه الاصفر هحاول اجيبلكم طريقته
السبانخ بالصلصة:
اولا نعمل الصلصة " التسبيكة" بصل مفروم نحمره وبعدين نضيف له طماطم معصورة و ملح وتوابل ونتركه على النار حتى تتماسك ثم نضيف السبانخ " بعد تنضيفها وتقطيعها طبعا" وشوربة لحم وممكن نضع اللحم ايضا بها وبعدين نتركها حتى يذبل ورق السبانخ فى الصلصة ثم نحمر قليل من الارز المصرى " واحيانا يستعمل الفريك" فى طاسة حتى يتحول للون الذهبى ثم نضيفه للسبانح ونضيف الملح و التوابل حسب الرغبة ولكن للعلم السبانخ لا تحتاج لكثير من الملح لانها تحتوى على املاح ويكون علامة نضجها هو نضج الارز الموجود بها وتؤكل مع ارز محمر "حبة وحبة"
احيانا فى الصعيد يتم طبخ السبانخ خضرا بدون صلصه حمرا
وذلك بوضع السبانخ فى الشوربة حتى تذبل "دون صلصة" ثم الارز المحمر وباقى الخطوات عادى
طبق اليخنى
المقادير
1/2 ك خضار مشكل حسب الرغبة
1/2 ك لحم بقرى
2 حبة بصل
2 فلفل اخضر
فلفل اسود -حبهان – ورق لورى – كمون – ملح – بهارات -4 فصوص ثوم
صلصة طماطم
2 كوب ماء
زبدة
الطريقة
1 – ضعى القدر على النار و ضعى فيه الزبد مع البصل مقطع شرائح وقلبى حتى يصفر لون البصل ثم ضعى الفلفل الاخضر و قلبى تم ضعى الثوم وقلبى لمدة دقائق ثم ضعى الحم مقطع مكعبات وقلبى حتى يشرب الحم ماؤه ثم ضيفى اكواب الماء حسب حاجة اللحم للنضوج وتضيفى البهارات و التوابل جميعها
2- قبل ان يتم نضوج اللحم (يعنى تجدى قطعة اللحم تمضغ ولكن ليست تامة ) ضعى الخضار المشكل (بطاطس مكعبات و كوسة و جزر و بسلة و فصولية ) وقلبى واتركيه على النار حتى تمام النضوج و بالهناء والشفاء
بس انا اعرف طريقة ورقة اللحم بتطلع تحففففففففة
اولا هاتى اللحم يفضل لحم ضانى او سمانة اللحم
وتبليها بالملح والفلفل الاسمر الخشن "المدقوق " مش المطحون البودرة وبعدين هاتى ورقة فويل وحطيها فيها وهاتى بصل كتيييييييير وقطعيه قطع كبيرة يفضل جوليان وحمريه على النار الى ان يصفر فقط
وحطيه على اللحمة ولو كنتى جبتى سمانة افتحيها واحشيها بالبصل واقفليها وبعدين اقفلى الفويل كويس عليها ودخليها الفرن وممكن تبشرى عليها بطاطس
الارز المعمر
فهو ببساطة رز باللبن و القشطة بيتحط فى الفرن
تجيبى رز الكمية اللى تحبيها وضعفها لبن يعنى كوب الرز عليه كوبين لبن وتحطيهم مع بعض يعنى تنقعى الرز فى اللبن وبعدين تحطيه على النار حاجة بسيطة وبعدين تنقليه ضرورى لطاجن فخار ووممكن تزودى لبن تانى لو كان الرز مش متغطى لبن ومفيش فيه ملح خالص لانه بيبقى مسكر شوية لكن ممكن مستكة وحبهان لو تحبى وتحطى عليه ضرورى معلقة قشطة ومعلقة سمنة بلدى وتحطيهم فى الفرن لحد ما يستوى الرز ووشه يحمر
ويمكن الفراخ بتتعمل جنب الرز لان ملهاش علاقة رسمية بيه
فول بطماطم
المقادير
كمية فول مدمس تكفي لأربع أفراد
1 طماطم كبيرة
1 فلفل رومي كبيرة
2 ملعقة طعام طحينة
ربع ملعقة صغيرة شطة
ملعقة صغيرة ملح
ملعقة صغيرة خل
1 سن ثوم
زيت حسب الرغبة
قليل من الماء
الطريقة
1. يفرغ الفول في إناء الطهو ثم نقوم بتقطيع الطماطم والفلفل إلى قطع صغيرة عليه.
2. نضيف القليل من الماء والزيت حسب الرغبة.
3. نقطع سن الثوم إلى نصفين ونضفيهم ونضع الخل والملح والشطة وملعقة الطحينة ونقوم بتقليب جميع المحتويات على نار هادئة من 5 إلى 10 دقائق.
وساعات فى ناس بتضيفله بسطرمة
الحلبسة او حمص الشام
تجيبى اولا الحمص وتنقيه وتغسليه وبعدين تنقعيه فى الماء انا بسيبه من بالليل للصبح وبعدين ترمى ميه النقع وتغسليه
وبعدين تحطيه ممكن فى دماسة الفول وتحطيله ميه وكمون وملح وقطعة بصل ومون فصين توم يعنى مثلا لوربع كيلو حمص حطي بصلة صغيرة واربع فصوص توم مش كتير يعنى وممكن تقطعيهم صغير جدا او تبشريهم لو مش بتحبى يظهر فى الاكل وطماطماية معصورة ولمون وممكن خل بس انا بفضل اللمون بس واتركيه على النار لحد ما يستوى وممكن اللى يحب يزود شطة او لمون وبالهنا والشفا
السوبيا
بنشترى ( السوبيا البودرة ) جاهزة من العطار ومعاها ( زجاجة بها روح جوز الهند )
بناخد مقدار ملعقة أو اتنين من البودرة ويضاف عليها كوبين من الماء المثلج أو ممكن خليط من اللبن والماء
ويضرب فى الخلاط مع اضافة نقط قليلة من روح جوز الهند أو روح الفانيليا
وعلى فكرة بتعمل طبقة كثيفة من الرغاوى جميلة جدا ( الأولاد بيحبوها قوى )
طريقة عمل ( المفتقة المصرية الأصيلة ) المفتقة ( الحلاوة السودة )
دى مقادير متناسقه بمعنى ممكن نعمل نصها او ضعفها حسب الرغبه
7 كيلو عسل اسود كثيف من السرجه (وليس البقال)
كيلو ونص زيت ذره و معلقة صغيره ملح ليمون
25 جرام كتيره و 50 جرام حبه خضرا وربع كيلو كركم
200 جرام تحويجة مفتقة و ربع كيلو حبة بركه مطحونه ( عجينه)
البنود الخمسه الاخيره من عند العطار عادى
نص كيلو سمسم وربع كيلو جوز هند
نص كيلو مشكل عين جمل وبندق ولوز مجروشين خشن
نحط حبة البركة والحبة الخضرا فى 2 كيلو عسل ونقلبهم قبل الشغل بيوم
ونحط الكتيرة فى نص كوباية ميه كبيره
تانى يوم ….
هانجيب حله كبيره بحيث لما نحط العسل لا يزيد عن التلت
الحله دى هانحطها على النار فاضيه ونحط الزيت كله
لما يغلى نحط السمسم والمكسرات والكركم
واول ما يصفروا نشيل نصهم بره ونحط عالباقى العسل كله
ونحط العسل اللى بايت فيه الحبه الخضرا وحبة البركة
ثم نضيف الكتيره المنقوعه بميتها
ونسيب الكل عالنار حتى الغليان ويبدأ العسل فى الفوران ويزيد
علشان كده قلنا حله كبيره علشان تتقبل الزياده فى الحجم
و يستمر الغليان مع التقليب المستمر وبعد نص ساعه نضيف ملح الليمون
ونستمر فى الغليان والتقليب
هانلاقى الخليط بيتخن شويه شويه ولونه بيسود مع تركيز العسل
لغاية مانقطى الخليط تسقط من المعلقه بالراحه وليس سريع
ونلاقى فجوات الغليان بتتجمع فى النص ( اسمها مرحلة عين الكتكوت)
ودى علامة السوى
ونطفى النار ونسيبها لتانى يوم علشان تبرد
ونكون مجهزين البرطمانات الجافة تماما ونعبيها ناقص سم
ونضيف على وش كل برطمان معلقة كبيره من خلطة المكسرات اللى حجزناها من الاول
وبالف هنا
البطاطا:
تغسل حبات البطاطا وتنظف من الطين وبعدين نجيب حلة ونحط فيها ورق ياريت بلاش ورق جرايد ويستحسن اى ورق تانى كرتون او كذا طبقة من الورق الابيض العادى ونرش ميه قليل على الورق بيحس يكون مبلول وبعدين نحط البطاطا وبعدين نحط برضه ورق تانى بحيث نغطى البطاطا تماما بالورق وبرضه نرش عليه ميه قليله ونحطها على نار هادية وكل شوية نفتح لو لقينا الميه نشفت نرش مية قليل تانى… لاتغرقيها بالماء وفى نفس الوقت لا تتركيها حتى تنشف ويحترق الورق تابعى العملية حتى تنضج البطاطا ولا تتعجلى نضجها اتركيها على نار هادئة مع اضافة الماء بالتدريج
البطاطا المشوية: نغسل البطاطا وبعدين نحطها فى الفرن بسيطة جدا " بس المسلوقة بالورق احلى كتير
الكرشة:
تتنظف ثم تتنضف وبعدين ندعكها بلمون وملح وخل ونشطفها كويس
وبعدين نحطها فى حلة وحليها بصل وتوم وملح وتوابل وصلصة طماطم وعصير طماطم ونسيبها على النار لغاية ما هى تنزل الميه بتاعتها الافضل تقلبى البصل و بعدين التوم وبعدين الكرشة تقلبيها معاهم على النار شوية وبعدين زودى الطماطم وسيبيها شوية وبعدين زودى ميه حسب الحاجة
الممبار
اغسليه بمية واقلبيه وشيلى بالسكين بس برفق عشان ميتقطعش اى شئ جواه "الجزء الاصفر" وادعكيه طبعا بلمون وملح وخليه فى اللمون شوية
وبعدين قطعيه حسب ما تحبي انا بحب اعمله قطع صغيرة عشان تتاكل على طول او ممكن تعمليه قطع كبيرة وتقطعيه عند التقديم
وتجيبى الخلطة فى ناس بتستعمل خلطة المحشى العادية "رز وصلصة و بقدونس "
بس انا بحب اعمله برز وبعدين نص الطماطم عصير والنص التانى مقطع قطع صغيرة جدا جدا وطبعا بقدونس وتوابل " كدة اخف لانه هيتقلى كمان مش يبقى مقلى ومسبك مع بعض كتير ههههه"
وبعدين تفتحتى الممبار وتحشيه ثبتى طرف من الممبار على الصينية اللى فيها الرز وامسكى الطرف التانى بايديكى الاتنين وافتحيه وبعدين دخللى الرز باطراف اصابعك
لا تحشيه للاخر واتركى مسافة لنضج الارز
وبعدين تحطى ميه على النار تغلى وتحطى فيها الممبار واحدة واحدة ووطى النار حتى لا ينفجر و هتلاقيه انكمش وبعدين لما اتحسى الرز نضج ممكن تختبريه بسكين بس كونى حريصة جدا
وبعد النضج طلعيه فى مصفاه ثم حمريه فى الزيت وبالهنا و الشفا
طريقة عمل المرتة بالمنزل
***//اغلى كميى اللبن التى تستعمليها يوميا ثم ضعيها فى الثلاجة
فى اليوم التالى اقشطى الوجة المتكون على اللبن وضعية فى اناء عميق فى
الفريزرورشى عليها كمية قليلة من الملح
قومى بتكرار هذة العملية عدة مرات حتى يتكون لديك كمية من القشطة
بعد كدا يمكنك عمل المُرتة بطريقتان
الاولى ان اردتى كمية كبيرة منها
اخرجى القشطة من الفريزر وضعيها فى اناء على النارمع التقليب باستمرار الى ان
تحمر قليلا اى يصبح لونها محمر فاتح
اتركيها تبرد قليلا ثم صفى السمن البلدى الناتج فى برطمان
بهذة الطريفة تحصلين على كمية كبيرة من المُرتة ولكنها مش بتكون ناعمة للحصول
على شكلها المعروف قومى بوضعها فى الكبة بعدما تبرد واضيفى قليل من اللبن
الحليب المغلى طبعا واضربيهم فى الكبة تحصلين على مُرتة ناعمة وجميلة
طبعا ملحها انتى اللى بتتحكمى فية
الطريقة الثانية
بها تحصلين على كمية قليلة من المُرتة ناعمة لا تحتاج الضرب فى الكبة
بعد اخراج كمية القشطة المتوفرة لديكى من الفريزر قومى بدعك القشطة
سوف تحصلين على زبدة وسائل صفى السائل وذلك بالضغط على الزبد بين راحتى
يديك.
قومى بوضع الزبد على النار وقلبى باستمرار حتى تحصلى على المرتة ذات اللون
المعروف صفى السمن البلدى واستعمى المُرتة وهاانت قد حصلتى على عدد 2 من
منتجات الالبان السمن البلدى والمُرتة
طريقة خاصة جدا جدا للمحشى
وهى تحطى الرز وعليه التسبيكة و الملح و التوابل اللى تحبيها وبقدونس وشبت وبعدين تحطى الخلطة دى على النار وتزوديها مية قليل " شبه طريقة تسوية رز الحشو للحمام" وتسوى الرز نص سواء وبعد مايرد
تاخديه وتحشى سواء البادنجان او الفلفل او الكرنب او الكوسة " بس الورق عنب " مش ينفع بالطريقة دى وبعدين تحطيه فى صينية فرن وتزودى مية قليل تقريبا نص كمية المية اللى بتحطيها على المحشى بالطريقةالعادية
وتدخليه الفرن وتغطيه بورقه فويل حتى ينضح "حوالى تلت ساعة" وبعدين تشيلىالفويل وتفتحى الشواية عليه لحد ما يحمر وجه المحشى …… طعمه تحفففففففففه وشكل الصينية على السفرة يفتح النفس
بس طبعا تصلح لكمية محشى قليلة يعنى لو هتعمليه طبق جانبى فى عزومة مثلا
الذرة المشوى
وهى سهلة جدا درة وبنشويها يا اما على الفحم يا ام اعلى النار بس لازم لو هتشويها على البوتجاز تمسكيها ممكن باللى بنطلع بيها الجاتوه "وتحطيها على نار هاديه وتقلبى باستمرار وتقفى عليها مش تسيبيها على النار وتمشى
بس انا اعرف طريقة تانية :
نجيب اكواز الدرة ونقسمها اتنين ونحطها فى دماسة الفول ونحط عليها ميه وملح وكمون ونحطها على السخان" عين بوتجاز كهربائى" او على نار هادية جدا مع وضع الشياطة بنفس طريقة الفول المدمس وبعد ما تستوى اعصرى عليها لمون
بجد حلوة وانا اعرف ان فى الخليج بيعملو الذرة المسلوقة دى فى محلات بره كتير لكن مفصصه مش اكواز وبيعملوها بمذاقات كتير يعنى فى بالجبنة وفى باللمون وفى بالشطة
وكمان فى محلات تشيليز دايما بيقدموها مع الاكل " انصاف اكواز"
الفطير
المقادير:
-كيلو دقيق –
-نصف كيلو سمن سايح –
-ماء دافئ للعجن –
-ملعقه صغيره ملح –
-حوالي نصف كوب زيت ذره لمسح وفرد العجين .
الطريقة:
نعجن الدقيق بالماء والملح حتي تتكون لدينا عجينه تنفصل عن إناء العجن و طريه لتكون سهلة الفرد بالنشابه و نتركها ساعه لترتاح ..
ندعك العجينه مرة أخري ونقسمها لعشرين قطعه مستديره وندهنها بزيت الذره ونضعها في صينيه بها زيت ونتركها ساعه ليسهل فردها ..
وقت تجهيز الفطيره ندهن الطاوله بالزيت ونفرد قطعه من العجين لدرجه رقيقه و شفافه جداونمطها من الحواف ونضعها في صينية الخبز ونرشها بالسمن ونفرد قطعه أخري ونضعها فوق الأولي وندهنها أيضا بالسمن وهكذا حتي عشر قطع للفطيره الواحده وكل مره نرش السمن.. ثم نطوي الأركان الأربعه للفطيره للداخل . فتشكل مربع نلفه كالسويسرول ونتركه حتي نعمل الفطيره الثانيه بنفس الطريقه..
في صينية الخبز نفرد الفطيره باليد ونبططها بشكل مستدير
نخبز في فرن ساخن علي درجة400في الرف الأوسط حوالي نصف ساعة ثم نخرجهاوندهن الوجه بالكريمه اللباني (القشده ) ونعيدها لتحمير الوجه
تؤكل مع الجبنه وعسل النحل والقشده والبيض المسلوق وبالهنا
ممكن خلط السمنه بزيت ذره لتكون فطيره قليلة الدسم
الفول المقلي
الطريقة هى :
ممكن تستعملى الفول النابت وتقشرية او الفول المدشوش بتاع الطعمية بس هى بتعملة بالفول النابت وتقشرة طبعا الكمية اللى عايزاها بس كل كوب فول علية كوب طماطم معصورة كويس بدون قشر وتجيبى راس ثوم صغيرة مع كزبرة ناشفة وتقليها فى الزبدة لحد ما لونها يصفر شوية وبعدين حطى الفول وقلبية معاها شوية وحطى عصير الطماطم وضيفى رشة كمون ناعم وملح حسب الرغبة بس فى لالاخر لما تقرب تستوى عشان الكمون ميمررش وسيبيها تتشرب الطماطم كويس بس متنشفش يكون فيها سائل برضة شوية وممكن قبل التقديم ترشى عليها بقدونس وكسبرة خضرا لو حبيتى
لو حتستعملى فول الطعمية تنقعية فمية قبلها بساعة على الاقل
شوربة الكوارع أو فتة الكوارع بالمصري
ولمن لا يعرف الكوارع فهي عبارة عن أقدام الخراف او الابقار في بعض البلدان أسمــــــها مقادم وبعضهم بطلق عليها كوارع
المقادير : –
كوارع الكمية حسب الرغبة – كوب من صلصة الطماطم – ملح وفلفل ونصف رأس ثوم مدقوق – أرز مطبوخ – خبز مقطع إلى مربعات متوسطة – ملعقة كبيرة سمن – نصف فنجان خل – ثوم مدقوق حوالى ربع رأس ثوم – ملح وفلفل –
الطريقه
تغسل الكوارع وتتبل بالملح والفلفل والثوم المدقوق وترفع على نار هادئة فى حلة حتى تخرج ماءها كله وتغلى ثم تتشربه بعد ذلك يضاف كمية كبيرة من الماء المغلى وتترك لتنضج على نار متوسطة 4 – 5 ساعات أو حتى تستوى تماماً – يحمر الخبز فى السمن جيداً حتى يحمر – يحمر الثوم مع قليل من الكمون والفلفل فى ملعقة كبيرة سمن ثم يضاف إليه الخل ويفصل بعضها لعمل الصلصة – تغلى الشوربة وتضاف إلى الخبز المحمر حتى تغطيه تماماً، ويترك حتى يتشرب الخبز الشوربة تماماً – يوضع الأرز ساخناً فوق الخبز، ويؤخذ بعض من خلطة الخل والثوم وتضاف إليها صلصة الطماطم والقليل من شوربة الكوارع وتترك لتغلى حتى تغلظ، توزع الصلصة فوق الأرز – تصفى الكوارع من الشوربة ويعصر عليها الليمون وترص حول فى طبق الفتة على الحواف ومن فوق بشكل جمالى وتقدم معها شوربة الكوارع معصور عليها الليمون، ويقدم هذا الصنف ساخناً جداً –
وطريقة ثانيه
تغسل الكوارع جيدا بالماء والملح والفلفل، وتترك في الدقيق والليمون بعد إضافة الخل لها لمدة ساعة ثم تغسل مرة أخرى بالماء.
توضع على النار وتضاف إليها البهارات والبصل والثوم المدقوق والطماطم ويتم تغطية الإناء جيدا دون إضافة الماء مع مراقبتها باستمرار على أن تضاف كميات من الماء كلما جفت صلصلة التوابل، بعد أن تفوح رائحتها وتبدأ في النضوج تخفف درجة النار وتترك حتى تنضج تماما. * طريقة تحضير فتة الكوارع تحضر طبقات الرقاق والثوم المدقوق والتوابل، وتوضع الشوربة الساخنة في إناء عميق ثم الرقاق الخاص بالفتة بعد ان يكسر في إناء الشوربة وهي تغلي حتى يتماسك قوام الرقاق. من جانب آخر يحمر الثوم المدقوق في الزيت أو السمن أو الزبد (وفقا للرغبة) حتى يكتسب الثوم لونا ذهبيا ويضاف الملح والفلفل والبهارات وقليل من الخل ثم تصب خلطة الثوم بالخل على الرقاق. يمكن إضافة الطماطم والجزر والكرفس لتزويق الطبق.
البسيسه
هى فكرتها قائمة على خلط زيت مع سمن وخلط دقيق قمح مع دقيق ذرة،
والسمنه ضعف الزيت ودقيق القمح ضعف دقيق الذرة
وحلوة جداجدا مع الشاى بلبن
المقادير
1 و1/2 كوب سكر 4 بيضات 1/2 كوب سمن أو زبد 1/4 كوب زيت 2 ملعقة بيكنج باودر 1/4 ملعقة كربونات الصودا 2 كوب دقيق 1 كوب دقيق ذرة 2 كوب زبادي ملعقة فانيليا سمسم للوجه
الطريقة
يضرب البيض والسكر والفانيليا في الخلاط (الخاص بالعصائر). .1ثم يضاف الزبد والزيت ويستمر بالضرب. .2ثم يضاف الزبادي ويستمر بالضرب. .3ينخل الدقيق والبودر والكربوناته ودقيق الذرة ويضاف للخليط السابق ويستمر بالضرب. .4ندهن صينيتين بالزبد وتصب البسيسة بحيث يكون ارتفاعها 2 سم وترش بالسمسم على الوجه وتدخل فرن متوسط الحرارة لمدة 15 – 20 دقيقة حتى تنضج ويحمر الوجه. .
الروانه وليست الرواني وهي كالاتي
تحلي الحليب وترفيعه على النار حتى يغلي تضيفي عليه مقدار من الارز المطحون وتقلبي جيدا على نار هاديه حتى تتكون عندك عجينه مثل عجينة بلح الشام او الشو ترفيعها من على النار وتضيفي البيض بيضه بيضه مع التقليب لا تضيفي الثانيه الا اذا اختفت الاولى وطبعا بتضيفي الفانيليا والمسرات المرغوبه وملعقتين سمن بلدي وتدهن صينيه
بالسمن وترش بالبقسماط المطحون وتدخل الفرن حتى تحمر ثم تقطع مربعات وتقدم
وعلى فكره هي بتمط شويه مثل الموتزاريللا
وممكن كمان تستبدلوا البيض بالجزر المسلوق المهروس
وزي ما الاخوات ذكروا فعلا احنا بنعمل المكرونه الحلوه بالحليب وبتتباع عند الحلواني باسم العزيزيه او العزيزه
كمان في البسيمه ودي بتكون من جوز الهند والدقيق والحليب والسكر ايضا بتدخل الفرن وتقطع
وتقدم
لا حول ولا قوة الا بالله