سنة ثانية – دفعة 2024
بغيت أحول من كلية التربية الى كلية الادارة والاقتصاد وهاي هي الشروط
1. حصول الطالب على شهادة الصف الثاني عشر أو ما يعادلها الفرع الأدبي أو العلمي بمعدل لا يقل عن 90%
2. انجاز جميع مساقات البرنامج الجامعي التأسيسي لكلية الادارة والاقتصاد
3. أن يكون قد أنجز على الأقل 15 ساعة معتمدة ومحتسبة بمعدل تراكمي لا يقل عن 3.60 نقطة بعد الاحتساب
4. أن لا يكون الطالب قد أنجز أكثر من 50% من الساعات المعتمدة في كليته الحالية
النقطة الأولى: أنا نسبتي في الثمانينات في الصف الثاني عشر. يستوي أحول ولا خلاص ماشي أمل؟؟
النقطة الثانية: شوو هي المساقات التأسيسية لكلية الادراة والاقتصاد؟؟
النقطة الثالثة والرابعة ما فهمتهن! حد يفهمني
أنا بعدني ما تخصصت يالسة أدرس رياضيات لفل 1 أما باقي المساقات خلصتها – بس حاليا أنا أعتبر في كلية التربية وأنا مابا هالكلية ما أتخيل نفسي أدرس سنوات في كلية أنا مب طايقتنها ولا حتى ميولي 
الايلتس عندي 5,, وبغيت اسأل سؤال أخير. أنا أبا أدخل موارد بشرية اللي هو الـ HR هل فيه رياضيات وحساب وايد؟؟
ويييينكم؟؟
بخصوص النقطة الثالثه المفروض يكون عندج اقل شي 15 ساعه ،، مواد الاوغرو كلهم ما عليهم ساعات ،،، عندج مثلا الفكر عليه ثلاث ساعات معتمده والمجتمع ثلاث ساعات فيكون عدد الساعات ألي خلصتيهم 6 ساعات وهم طالبين اقل شي 15 ساعه والمعدل يكون فوق ال 3.6 يعني امتياز
بخصوص النقطة الرابعه ماعندج مشكله فيها لإنج مادرستي مواد تربيه بعدج
بخصوص النسبه ماعرف الصراحه ،، معروف اصعب الكليات انج تحوليلها الادارة والهندسه
واذا بعدج مب ماخذه مواد اظن مابيخلونج تحولين
حبيبتي راجعي الإرشاد واسأليهم هم بيعطونج الشي المضمون
واسمحيلي هذا ألي قدرت اساعدج فيه ماعندي فكره عن تخصصات الكليه
بالتوفيق
مشكووووووووووووورة
احنا فزايد اهم شي نسبتج فالثانويه ٧٠ وفوق وايلس خمسه وفوق ومعدلج ما ينزل عن 2.0 وادخلي اي تخصص تبينه
الله يعينكم
موفقين …