الجزء الخامس و الأخير: معاناة حمده و سالم ~ 2024.

لا تح’ـسب اني اذا بطيت,,
……………………. نــاسيـــــك

ما ينسي عشره صاحبه غير,,
……………………. الانـــــــــذآال

حدتني ظروفي علي البعد,,
……………………. لاجـيــــــــك

هم بوسط القلب والدمع,,
……………………. هـمـــــــآآال

ولا انت يا كل الغلا افتخر,,
……………………. فـييــــــــــك

غلاك ساكن فؤادي,,
……………………. و لاآزأااآال

مـرحـبـا بـكـن [ سـيـــدأآآاتــي ]
وللاسف للمره الاخيرة..

واالله كانت احلى ايامي لما كتبت قصه حمده
وبتم ذكرى طيبه في قلبي منكن
واسعدني وشرفني معرفتكن
ويحزني وايد فرقاكن
بفضل ربي ثم حمده كونت [ صـدآاقأآات ]
………………………………………… كـثـيـره
………………………………………….. …………. و جـمـيـلـه
………………………………………….. ……………………. وطـيـبــه

وكثر الله خيركن وطوال الله عماركن

في ذاك اليوم المشؤم رن تيلفون حمده
حمده :مرحبا…………………………….؟؟؟
وطاحت مسكينه بلا حاسيه تصارخ
حمده : لاحقوا عليا محمد مات…. ليش يا ربي ليش ان كنت اخطيت في حقك خذ روحي لا تاخذ ضنايا وتمت تصارخ بحاله هستيريه حاولنا نهديها بس الله يهديها ….. مالومها
حمده: ربي طلبتك الله وسالتك ولا سالت غيرك ولدي بين ايديك اذا عاش محمد واشكرك واحمدك واذا خذت مني فرحمه برحمتك الكبيره يا رب لا تردني خايبه يا رب ………
فطيم وهي تصفعها: حمده شو صار لمحمد
حمده : حادث وهو بالانعاش
فطيم :يلا يلا انروح بسرعه
وسارن المشتشفي ووصلن ودورن الدكتور وكانت حمده في حاله محد يعلم بها غير ربي الكريم…
الدكتور: مرحبا اختي
فطيم : بسرعه وبدون تفاصيل طويله بيعيش والا بيموت
دكتور : معجزه اذا عاش لبكره
وهني انهارت حمده وفطيم كل وحده تهون عالثانيه
حمده رافعه يدها لباريها الكريم: ربي الكريم حرمنتي من بويه والحين ولدي هذا قضائي وقدري مكتوب عليه ….ارجوك ربي ارحمه برحمتك الواسعه آه … آه
ربي ارحمه وادخله فسيج جناتك ….
ربي انت تعلم انع لو كان ضيفي لاكرمته والحين هو ضيفك فاكرمه يا الكرم المكرمين
وتصيح وفطيم تصيح مسكينات وايد منهارات

وفي لحظه وحمده بين يد ربها تدعي لربه وتطلب …..

امي…..

لما لفت راسها……..

محمد

حمده قاعده مكانها مب مصدقه وردت اصيح وفطيم تضربها
فطيم: حمده لفي ويهج هذا محمد عايش هذا محمد صدق مب حلم
وردت ولفت راسها صوبه انه صدق موجود وركضت تعقع عمرها ع صدره
والكل يحضنه و يصيح وهو مش فاهم شو السالفه
محمد: شو السالفه؟؟؟؟
حمده بعد ما هدات شوي: …الله يخسه من زلمه عنبو ذا الويه له زيغني بلاش …
فطيم: الله المستعان توج اصيحين وتدعين ربج الحين انجلبت الآيه
حمده: اوه سكتي انتي حمد الله ع سلامتك يا الغالي
محمد : امي ترا خويي هو اللي بغرفه الانعاش وترا صارت خربطه هو اسمه بعد محمد يوم صار الحادث انا مب عنده هو شل سيارتيه وراح بها
فطيم: فدوي عن راسك الغالي في الحديد ولا فيك
حمده: نروح البيت ماقدر اوقف ع ريولي
محمد: سيرن انتن انا بتم عند خويي محمد
حمده: وانا بعد,,
محمد: لا انتي سيري البيت مع خالتيه وان ببات هنيه… يلا
حمده: والله يوم بيغدي الشور عندك ارمس ما هقيتها من الله وتباني اروح مب رايحه….. خويك وين هله,, فطيم خلينا نروح عندهم في شدتهم الناس لبعضها
محمد : خويي يتيم ماله الا يده ..؟
فطيم : يتيم …..؟
محمد : هيه………. مابا اخاوي حد عند بو
حمده : الله يهديك يالغالي
فطيم : الله يكسر خاطرك يا سالم مثل ما كسرت خاطر محمد
حمده : خلاص بنروح الاستراحه بصلي وبدعيله خويك
محمد : جزاج الله كل خير يا امي
وباتوا ذيك الليله عند خويي محمد والصبح الله خذ امانته
محمد كان وايد تعبان هذا خويه الغالي من ايام المدرسه ,,,درسوا وتخرجوا واشتغلو مع بعض تخيلو كيف كانت علاقتهم,, (وكلهم يعانون نفس المشكله)
ورجعت حمده وفطيم البيت وهناك لقوا الطامه الكبرى سالم
في السياره عند باب الفله
فطيم : حمده .. سالم داخل مالي نفس اشوف ويه بعد اللي صار اليوم والله من الروع ع محمد ريولي ماتشلني الحين؟؟؟
حمده : وانا بعد….؟؟؟
حولن ودخلن من الباب الطرفاني للفله وهن داخلات شوي شوي بيروحن فوق
سيتي(الخدامة): ماما ,,, بابا سالم داخل صاله
فطيم: ذلفي عن ويهي الخايسه مالي نفس
سيتي: فطيم بابا سالم ما في هو سيم بابا سالم
وهني ردت فطيم عند سيتي تتخبرها وحمده بعد
فطيم : كيف يعني..؟؟
سيتي :بابا سالم ضعيف زياده وتويل زياده ………..بعد ابيض وهذا لحيه سيم سيم محمد …….كندوره تمام وريحه في عطر زياده قوي
حمده: وانتي يا العيوز عينج ع محمد حتى لحيته تعرفينها؟؟؟
سيتي: لا ماما ,,,,,,,,,,، قول………………………
فطيم (تقاطعها) : انطمي …. وسيري قولي لويه النحس ماما حمده مافي تعال بكره…….يلا ذلفي
حمده : خليني بطلع له ..
فطيم : انتي شفتي ويهج في المنظره بعد هالصايح والتعب روحي جدامي فوق وانا اللي بربي هالسالم يا بروييه والله لأهلاكه……

×
~ عزيزاتي
سالم بعد ما رجع من استراليا اشتغل في شركه قطاع خاص وشوي شوي يترقي وزادت فلوسه وصار صاحب الشركه بعدين توسع رزقه وفتح افرع للشركه
وعرس ببنت الحلال (حمده ماتبا اذكرها اي شي عنها) هي مب مواطنه
وياب منها خمس بنات ولا ولد…..
×

فطيم : حمده الحين بحطلج خطه رقيص بخليه يرد يحب ريولج عشان ترديله
و……..
حمده : انا اصلا خلاص شليته من بالي…..
فطيم: اونه…… عليه يا حمده؟ ….. بتسوين اللي اقولج عليه غصب مب طيب…….
ودخلت عليهم سيتي : ماما
فطيم : ووجعاه …يا ويه النحس
سيتي : بابا سالم يقول يوم الخميس يجي بعد صلاه مال العصر و…..
فطيم : بس يالله ذلفي ..
سيتي ويعصبيه طبعا مازحه:فطيم كم سنه انا زلفي انا يريد زياده معاش هذا كلام مافي زين اريد 500 زياده داخل واحد يوم يقول زلفي 100 مره
وتقاطعها فطيم: انزين بغيرها لج…. طسمي عن ويهي يا حماره
سيتي: الله واجد حلو هذا شو انتي قول……….
وتفرها بالنعال …. وطست سيتي خخخخخخخخخخ

~ مسكينه من كم سنه عندنا من ايام الشعبيه ما راحت بلادها تموت في فطيم ههههاي

في الحجره …
فطيم: حمده لازم اسويلج تغير جذري ما يتخيله سالم
حمده : تراني تغيرت وضعفت ودرست واتخرج وخذت اليسن .. وما خذتيلي سياره مادري ليش محمد…
فطيم: بكره السياره عندج ………شو تبين من السيارات؟؟
حمده: امممم
فطيم: وتفكرين بعد خلي السياره عليه….وشوفي ذوقي جهزي عمرج بكره رايحين مول الامارات ببدع بكره في السوق …
حمده: اوكي

~ في مول الامارات

فطيم: تعالي حمدوه اول شي نشوف فستان هادي وراقي ….
حمده: عنبو فستان عاد………
وتقاطعها فطيم: انتي اصبري وشوفي

~ اول شي خذن فستان هادي روعه رصاصي و نعال كعب (و انتن بكرامه) من ايف سان لوران…,,,شنطه و اكسسوارات من ديور,, وسكارف ملون يجنن … و خذن العطورات و المكياج

بعدين راحن مركز بو هيل وخذتلها عباه شيفون رفيعه فيها قصات روعه وفصوص صغار موزعات بدقه ….. بعدين ودتها الصالون

فطيم : بليز مدام اريد احلي قصه تناسبها قصي شعرها وقصتها وصبغي شعرها لون وبعدين سويلها خصلات رفيعه ,,ومناكير وبدي كير ورتبوا حواجبها عدل
المدام : اوكي
فطيم: حمدوه بيقصون شعرج وبتصبغه لج ….
حمده: مابا لا برايه طويل واسود…
فطيم: لمنو اطولينه وما عندج ريل يشوفه اكشخي و اتزيني وهذا هو يومج المنتظر؛ حمده اقهريه فوري دمه حرقي اعصابه…. والله لو يتمني ظفرج بس ظفرج بعيد عن عينه…. ويه النحس
حمده وبحزن: اوكي

~ وطوال الوقت في الصالون وسالم شاغل بالها وقلبها وتذكر ذيج الايام الحلوه…

الحرمه راعية الصالون ما قصرت صبغت شعرها بني فاتح وخصلته جميع درجات الاشقر وقصت شعرها وايد كان شعرها يسحب وراها وهي تمشي… الحين مدرج لنص ظهرها …..وفعلا صدق طلعت نيو لوك…وردن البيت وفطيم وايد فرحانه انه اخيرا بتنتقم من سالم ونزلن الاكياس والحرمات وشافن اغراض السوق كل وحده تسبق الثانيه من اللي بتفتح اول…

فطيم: شلن ايدكن …ما تفهمن …يلا برا
و دخل محمد: سياره من اللي …………. وسكت لما شاف امه منصدم منها
محمد(مندهش): امي ……..هذي انتي والا .. لا..
حمده: الله يخسج يا فطيم ولدي ما عرفني….
فطيم: وهذا الطلوب……..
محمد: حمدالله طلعتي امي….ها…. خالتي …هذا البلاك بيري اللي طلبتيه حق منو ؟؟؟؟؟؟؟؟؟
فطيم: لأمك….
حمده: شو …….والله مابا بلاك بيري عندي نوكيا..
فطيم: هذا لليوم الموعود بعدين بشله لابنتي……
محمد: اي يوم ؟؟؟؟؟
فطيم: ابوك بيينا يوم الخميس ….
محمد: ليش ؟؟؟
فطيم : ما ادري؟…. يلا طلعوا برا… بسرعه
محمد: صدق تعالوا رنج سموك سبورت لمنو؟؟؟؟
فطيم : هذا لأمك…
محمد : رررروووووووح صدق مافيج حيله ……خالتيا ليش خذتيلها رنج وانا ماخذتلي هوندا …..
فطيم: هذا للمسرحيه…. بس بعدين باخذه منها… انا مقصرت خذتلك بورش وكسرتوها …. احسن هوندا لو تكسرت ما اتغصص عليها
حمده: ان اقول هالزطيه ما تصرف فلوس بطيب نيه… ههههههاي
وكل يوم يدخلن حمده وفطيم الحجره ويقفلن الباب وتعلمها كيف تخق عليه وتحقره وتحرق فوادها………….

~ يوم الخميس

فطيم: ها….. جاهزين محمد خل عندك سويج الرنج وامك بتطلبه منك جدام بوك

ووصل سالم البيت ع الوقت ودخل الميلس ودخل عنده محمد

محمد : السلام عليكم,
سالم: وعليكم السلام ….روح ازقر خالتك حمده

~ سالم كان يحسبه واحد من عيال فطيم ……تخيلوا لاي درجه كان قاطع عياله حتي ما يعرف كيف اشكالهم ……

محمد : انا محمد….
سالم : انته ليش مسوي حادث تعرف اللي داعمنه ولد منو؟؟؟؟
محمد (بغيظ وعصبيه): سالم قلتلك انا محمد ………ولدك

~ وهني وايد غمضني محمد كان متوله ع بوه

~ دخلت فطيم ….

فطيم : السلام عليكم …..بومحمد
وما كلف نفسه يوقف مثل الريايل
سالم :وعليكم السلام……
فطيم (وبطنازه): لاتكلف عمرك بو محمد وتوقف ….شحاللك واشحال البنات؟؟
سالم يرد وبلا نفس: بخير حمده وين شو تقطرون عليه بسرعه انا انسان ..بزي
فطيم : يالله بسترك بومحمد حتي كوب شاي ماشربت اشرب شاهيك هي نازله الحين….. اصلا هي مابتبطي بتروح السوق تدري عيد الاضحي ع الابواب
ومحتايه…….
(قاطعها) سالم : وانتي بعدج وايد ترمسين…

وفطيم غصب ماسك نفسها لا تخرب الخطه لازم تكون عنده.. طيبه ويكون مرتاح مب معصب لان حمده اللي بتحرق اعصابه…..

فطيم : قولي عاد بومحمد ليش جي انقطعت عنا عسى المانع خير…؟؟؟
سالم: هيه المانع خير …عرست …(بريم المها)… وصرت مليونير ورجل اعمال مهم هذا المانع الحين وين حمده بسرعه بروح …..خلاص مليت من هالوضع انا لازم اخلص السالفه…..
محمد: كيف يعني؟؟!!
سالم: لازم اطلقها خلاص شو هالمهزله كم سنه ع ذميتيه بلا فايده حرمتيه ماترضى عليها ضره

~ هني عاد صدق عصبت فطيم بس مارمست لا تخترب الخطه وما عشان تقهره

فطيم: والله لوطلقت حمده الخطاطيب صف ع الباب ……………؟

~ طبعا هو يضحك مستعمنها قصده من بياخذها

فطيم: ستي يا ستي زقري مدام حمده وقوليله سير سالم هنيه…!

وحتى سيتي فالخطه وهذي اشاره لحمده لتدخل

~ قبل لا تدخل حمده حاطه ايدها ع قلبها وخايفه من هذا اللقاء اللي بعد كل هذا العمر بتروم اتسوي كل اللي اتفقن عليه كل مره تخاف وتتراجع بس يطري ع بالها اللي صار في لندن وكيف هجرها وخلاها المهم ماطول عليكن انتن ادرى باللي صار لها, في الميلس الكل قاعد ويتريون ملكه الساحه تدخل وسالم قاعد ع الكرسي بكل ثقه ورافع خشمه علينا؛ ودخلت حمده تمشي شوي شوي وبرقه ونعومه ودلع لابسه الفستان الهادي وفي يدها اليمين الشنطه ماسكتنها مثل مسكه العروس ولافه شيلته بشكل روعه مطلعه قصتها ونص راسها وتتبختر بالكعب وريحه العطرتفوح قويه والميك اب كان وايد هادي وخفيف علشان مايبن وايد مبالغ فيه,,,, ليتكم شفتو شكل سالم لاما شافها داخله الميلس….

حمده بكل رقه وعذوبه : مرحبا ….سالم
وقف سالم ع طوله ويطالع عدل هاي هيه حمده ويلامض بعيونه مب مستوعب تم ساكت وصدق انحرجت حمده وهني ادخات فطيم لاتخترب الخطه

فطيم : سالم ……… سالم …………….بومحمد,……………….محمد طالع بوك شو يلاه ما يرد عليا بلاه ((وهي تضحك في خاطرها))

حمده واقفه وهو واقف يا دورها الحين
حمده : امر بومحمد وياليت بسرعه؛ ايم سو بزي….
سالم: …………ها …انزين ليش مستعيله …اباج في موضوع شوي طويل

~ مب هو الي كان مستعيل ما فيه يترياها ….من الخطه ان نحن كل شوي نحرق تيفونها من الاتصال

وفتحت الشنطه برقه ومسكت البلاك بير وردت ع الاتصال وسالم يطالعها مره ما حرك عينه عنها
حمده: هاي

~ طبعا نحن ع الخط الثاني نضحك

حمده : سوري ……سوري …تاخرت عليكن الحين يايه…..لا اصلا ماعندي شي ياخرني ثواني وطالعه
~ بكلامها هذا كان قصدها يا سالم وجوده وعدمه واحد في حياتي
لفت صوب محمد وقالت: غناتي وين سويج السياره يلا بروح ايم تو ليت ؟؟
محمد: انتي وين بسيرين؟؟؟؟

~ واصلا كان لازم ما يرمس

وتيلفونها يرن يرن ويرن وسالم ع اعصابه مانطق باي حرف هنيه خافت فطيم ان محمد يغيظ انه مب عارف شو الخطه قالتله وهي تغمزله بسرعه لا يشوفها سالم
فطيم: انته عط امك السويج بسرعه لاتتاخر ع ربايعها وروح طالع وين الفواله يلا

عطها محمد السويج وطلع خلاص لانه انتهي دوره……….
حمده: باي تومي(هاي فطيم ترا) سي يو
وطلعت النظاره الديور ولابستها وعطت ظهرها لسالم وطلعت من الميلس

~ عفد سالم سرعه يطالع من الدريشه هي صدق تسوق ولا لا، فطيم كانت متوقعه رده فعله وتم يطالعها ركبت الرنج بس وريوست وطلعت من الباب الرئيسي للفله ودارت عليها ودخلت من الباب الوراني طبعا ماراحت مكان..

اللي ماتوقعته فطيم انه يشل عمره ويتبعها وظهر من الميلس ويوم شاف نفسه ان ما في مجال يلحقها رد الميلس

وقال: فطيم بسرعه عطيني رقم حمده شو هذي تحوط ع كيفها الدنيا شوربه؛ شو ما وراها ريال….؟!!

~ هنيه خلاص ضربن الفيوزات عند فطيم بس لازم تكون هاديه لا تخترب السالفه

فطيم : اسفه ما اقدر
سالم: ليش …..هاتيه بسرعه انا ريلها
فطيم: اكيد ريلها؟…… تراك ياي بطلق شو بلاك يا ريال طلقها خلها اشوف نصيبها في الدنيا تاخذ لها ريال تستانس وياه و……
(قطع رمستها بغيظ) سالم: في المشمش اطلقها باجر انا عندكم خبريها لا تسير مكان تترياني ……..وطلع

وركض فطيم عند حمده بس ما قالتلها انه كان ياي ناوي يطلقها ….وانه باجر بيرد ويبها ضروري عاد ذاك اليوم حمده مره ماقدرت تنام ما تدري اللي فيها شوق لسالم والا تبا تنتقم وخلاص.

~ وطلع الصبح وياه اليوم الثاني
~ الضحى في الصاله

حمده: فطيم تصدقين ما قدرت انام ما ادري ليش؟؟
فطيم: يختي حتى انا ما ادري شو ياني ……..
وتقطع كلامهن سيتي: ماما حمده بابا سالم يريد انتي داخل ميلس…..

فطيم: عنبو مسرعه ما وحالى اخطط
حمده: لا تخططين ولاشي هذي حياتي ولازم انا اللي انهيها ع كيفي
فطيم: ختيه واعرفج بتخربطين الدنيا انا بروح معاج…
حمده: لا ما اريد حد عندي………. سيتي قوليله دقايق ويايه مدام بروح ابدل

~ لبست حمده مغربي خفيف ع قطعه حرير الوانه فاتحه وحطت مكياج خفيف وتعطرت وادخنت ولبست نعال كعب مناسب للمغربي وقعدت تتريا الوقت يمر؛ بتخليه يترياه ساعه مثل ما تريت زمن طويل وبعد ما خطفت الساعه حولت السندريلا حمده وفطيم تشجعها ودخلت الميلس

حمده (برقه): صبحك الله بالخير..
سالم(وقف) : صبحج الله بالنور والسرور يا ام محمد الغالي

~ شو هالخبث…………………ما عطا ها مجال ترمس

سالم : شحالج الغاليه اليوم….؟؟؟؟؟؟
حمده (وبثقه وريل ع ريل): قصدك اليوم بس؟ والا الايام اللي هجرتني فيها؟ ~ شاطره
سالم منزل راسه ويرد بفشله: حمده انتي الغاليه نظر عيني ساكنه قلبي وفوادي و….
حمده(ومن قهرها قاطعت كلامه): هذا شو بعد هالنفاق من امس بس الغاليه ونظر عينك
سالم : انتي حرمتي……..
حمده(وبعد تقطع في كلامه): حرمتك من متى؟؟ انته تدري لو ارفع عليك دعوه في المحكمه ع السنين الطويله اللي هجرتني فيها وقطعك لزياره عيالك من اول جلسه بتحكم لي
سالم : انا الحين ندمان من الخاطر ونفسي ارد لج انا الحين احتاجج ووايد حمده……………حمده …………….تسمعيني ….تذكرين اول ما عرسنا كيف كنا الله ع ذاك الوقت آه …..كنا وايد صغار ودايما نلعب مع بعض ونضحك لبعض ………………تذكرين كيف كانت ولاده محمد تذكرين يوم تزقريني وانا واقف وراء الكلوزر ما اتحمل فيج شي تذكرين كيف بستج علي راسج…..

~ وهني بدت تتحرك المشاعر عند حمده………………

سالم :حمده ……………حمده ……………تسمعيني

~ وحمده غارقه في الذكريات وصوته اللي ردها لارض الواقع….

حمده : ليش سكت ……لان هذي بس ذكرياتنا الحلوه وبعد ولادة حمد بديت اعاني
سالم : حمده انا راد لج وكلي ندم واسف ع حياتي اللي مرت بدونج …….
حمده : كيف اردلك وانا الانسانه الجاهله, المقرفه, الي مب من مستواك الاجتماعي, تفتشل مني و………… وانا اللي رضيت بك بزينك وشينك
لا تشرطت ولا ثقلت عليك ولا غثيت خاطرك بكلمه تحملت اسلوبك القذر هو كلامك الجارح والا نيست؟؟ .. مب انا اللي ما افهم شي؟ …. ارمس ليش ساكت … لأنك ظالم وانا المظلومه…

سالم: سامحيني الغاليه سامحيني الله يخليج انا غرتني وايد من سافرت اول مره مصر وشفت التغيرات في الدنيا حسيت بشعور غريب حتى يوم رحت لندن وشفت الحضاره والتغيرات اللي صايره للكل وايد عيبتني وكان خاطري انج تفهمين هالنقطه فيا اني احب التغير بس انا الغلطان الي ما عرفت افهمج وتنازلت عنج بكل سهوله وهذا ان دل، يدل علي غباء مني وانا ادري ليش طوال هالسنين ما طلبتي الطلاق لانج بعدج تحبيني وايد يا الغاليه……..
حمده: كيف اردلك؟؟؟؟ ما اقدر بين يوم ليله!! صعب اسامحك وايد صعب… ما ارضي ع نفسي… وايد جرحت كبريائي وكرامتيه…. وزت الطين باله بالعرس الثاني….
سالم(يقاطعها): الحين بطلقها…

حمده:لا لا تطلقها حرام… انته عندك بنات…. شعورهن بينجرح هالبنات مالهن غيرك سند….. بعدين انا شو يضمني انك بعد ماتردلي؛ فتره تمل…. وترجع لسواياك… لا انا بهالحاله احسن
سالم: عطيني فرصه الله يخلي لج العيال
حمده:…..
وتدخل فطيم عليهم :ليش مسكرين الباب شو عندكم
وشلت عمرها حمده وطلعت
سالم: فطيم الله اعلم بنيتيه اني صدق ندمان وابها من كل خاطريه…. ساعديني
فطيم (بكل خبث): مــــــــــــــــااقدر حمده صايره انسانه قويه الشخصيه وشورها عندها وانا مالي اي تاثير عليها….

~ وطلع سالم في نفس اليوم العصر وصل لبيتهم باص لمحل الورد
ونزل اكثر من 8 باقات ورد كـــــــبيره متنوعه من جميع انواع الورد والالوان وكرت مكتوب فيه:

"فـــــــــــددييت اللي عيونه ع الكرت
مساء الخير يا اغلي ورده في حياتي
كل ورده ارسلتها لج تذكرني بكل يوم حلو قضيته معاج
كل ورقه ورده تذكرني بكل نفس حلو تنفستيه عندي

ولو الورد ينطق كان قلتله قولها انها اغلى البشر عندي
ليتني امر اليوم عندج واحاكيج
واقول منكثر شوقي لج ماسرق قلبي حد غيرج
اشتـــــــــــــــــــــــــــــــــاقلج حتي في احلامي

وهذا رقم الموبايل اتصليبي الليله
050/*******

ســــــــــــــــــالم"

واول من شاف الكرت سيتي خخخخ

سيتي:مـــامــا فطيم وين انتي…

~ حليلها سيتي وايد تخاف من فطيم لازم تخبرها كل شي… وعطت سيتي فطيم الكرت

فطيم:اوه شو هذا عاش الشيبه النحس… رومنسي وحساس… عنبو هالويه له شو هالكلام… ورد واحلام يعله نومه بلا نشه ان شاء الله… سيري سيتي عطي الكرت لحمده

~ وراحت سيتي وعطت الكرت لحمده وقرت الكرت وكانت متردده تتصل ولا لا؛ بس هي ما اتصلت

~ اليوم الثاني بالصاله

فطيم: عاشوا روميو وجوليت رسايل حب وغرام واتصالات اخر الليل
حمده: ما تصلت يا فطيم…
فطيم: حمده لاتنسين هذا ريلج وعادي ولا نسيتي
حمده: والله محتاره

~ فتره العصرياهم سالم وفي الميلس يتريا حمده

حمده: السلام عليكم؛ مشكور بومحمد ع الورد
سالم: وعليكم السلام؛ العفو…. شو قررتي الحين
حمده: الحين محد شاغل بالي غير حمد تدري هو رايح فرنسا يدرس هناك من سنتين وابغي اسافر له….
سالم:مب مشكله بنسافر كلنا
حمده:…….؟؟ّ!!
سالم:ماشاء الله عليه هذا الولد يشبهني في طموحه للدراسه
حمده: ان شاءالله مايشابهك في طموحك في العرس…

خواتي اخراً وليس اخيراً هذا حالهم من سنتين سالم يربع وراء حمده وحمده متردده للحين تخاف ترد له وتخسره وتهجره وتندم

عطوها شوركن عزيزاتي حمده ترد لسالم؟ ؛ هذا اولاً
ثانياً: هل سالم يستاهل حمده اصلاً او لا؟

حمده الحين خارج الدوله في فرنسا عند حمد
اتمني من المولى العزيز اني كفيت ووفيت الحكايه لكم

وان شاء الله ما قصرت في حق اي وحده منكن

و الكن خالص تحياتي…

×سمحاويه×