(( بعد 3 شهور .. وافقت ميره على خطبت الولد الي تقدملها.. وطبعا ..مهاري كانت تعرف انه ميره ما تريد تاخذ اي واحد غير حبيبها.. بس الي مكتوب لازم يستوي.. صلت ميره صلاه استخاره وارتاحت حق الشخص الي ياينها.. وطبعا مهاري تمت كل ما اتروح بوظبي عند شما ما تلقى شي تقدر تمسكها هيه وخالد ولد عمها.. ولا حتى لقت خيط تقدر تمسكه عليها…
يوم ملجه ميره:
ميره وهي اتصيح.. اتصدقين مهاري.. انا يوم ودرت حبيبي .. ماصحت.. تعرفين ليش لانه خليته شرات الحلم وتوني نشيت منه..
مهره والدموع في عينها: اله يصبرج على فرقاه.. بس انتي صليتي صلاه استخاره وارتحتي حق هذا الانسان .. ان شالله رب العالمين بيوفقج معاه..
ميره: مهره.. اذا انتي اتحبين نهيان حاربي لاخر يوم في عمرج عشانه…
مهاري: ان شالله بس من كمن شهر.. وانا اريد اعرف منو مخبر خالد موب لاقيه شي امسكه في شموه مول…
ميره: مهاري بدون ما تزعلين!!
مهره: هيه..
ميره: عقب ما سرتي عني.. في اخر ويكند .. شموه دقتليه وقالتلي..انه هيه الي مخبره خالد …
مهره: وهي منصدمه.. وليش ما قلتيلي.. ليش ساكته هذا كله..؟؟
مهره:ليش ميروه شو الي بينا..
ميره: خقت اقولج اتقولين اني انا معاها واعرف عن هذا كله بس ساكته..
مهره: موب حرام عليج!! وانا من كمن شهر اور وافكر واحوص في هاي السالفه..
ميره: انا اسفه
مهره: وين اصرف اسفج الحينه ما بيفيدني في شي!! شي قالت بعد..
مير وهي اتصيح: هيه قالت انها بتفرقكم لو على قص ارقبتها..
مهره: على رقبتها النحر موب القص..
مثت مهاري دموع ميره وقالتلها.. خل عنج هاي السالفه وانتي اليوم بتصيرين عروس وزوجه.. فلا تكدرين عمرج بسالفتيه.. وضحكي وسولفي.. وحضنت ميره مهاري.. وقالتها محد شراتج في هاي الدنيا وقلبج طيب اكثر من اللزوم وليتني شراتج.. وتدخل ام ميره عليها وتلوي عليها واتحبها.. ودخلها على الحريم… وتمت مهاري في غرفت ميره.. تتصل حق نهيان…
نهيان: هلا ام سعيد..
مهره: ها بو سعيد..
نهيان: ها خلصت الملجه .؟؟
مهره: لا لا توها العروس ادش على الحريم…بعده حتي المليج والمعرس ما دش.. حبيبي اريد اقولك عندي علوم..
نهيان: هاتي علومج ام سعيد..
مهره: انا اليوم عرفت انه شموه هي الي مخبره خالد…
نهيان وهو يضحك: هاهاهاهااهاهاهاهاهها قولي والله..
مهره: ليش تضحك؟؟ يا السخيف …
نهيان: لاني ادري..
مهره: نعم!!!!!
نهيان: اليوم شموه مطرشتلي مسج اتقولي انه ميره اليوم ملجتها.. ومهاري قريب ان شالله وعلى فكره تراني انا الي مخبره خالد.. وما اكون شما اذا ما فرقيتكم….
مهره: وليش ما قلتليه ….
نهيان : اليوم ملجت اعز اربيعه عندج يعني بتكونين مستانسه ليش..تبيني اكدرج… ترا يوم بترمسيني الفليل بقولج…
مهره:اه يا قلبي اليوم انصدمت ستين الف صدمه حراام عليكم..
نهيان: حبيبي عاد…
مهره: اوه يله باي..
نهيان حبيبي…..
مهره: اقولك باي..
(( واتسكر مهاري التيلفون في ويه نهيان وهي معصبه على شموه تمت في الغرفه.. وكل يناديها وهي ما تبا اتشوف ويه شموه لان عادي تظربها ولا تسمعها كلام..يبط الجبد..تمت مهاري في الغرفه اتروح وترجع وهي اتفكر.. ونهيان يتصل ويطرش مسجات معصب ليش مهاري اتسكر في ويه واول مره من عرف مهاري اتبند فيه ويه…
عقب ما خلصت الملجه الفليل طبعا مهاري ما تروم اتيود عمرها..
في غرفه ميره..طبعا شموه ومهاري بيباتنا عندها…
مهره: شموه مشكوره على الي سويتيه؟؟
شما: شو سويت!!
مهره: انتي تعرفين شو سويتي ما يحتاي اقولج.. بس صدقيني الله يازيج..
شما: الله ياعني رب العالمين بيازيني على ولا شي!! شو سويت..
ميره يالسه اترتب اغراضها واطالع الذهب الي يايبينه اهل ريلها.. وطالع مهره وشما… وهي خايفه..
مهره: اول بادي انتي رمستي نهيان!! وما قلتي ما رمست!! صح
شما: انزين وانا ما رمسته..
مهره: وبعد فوق هذا كله تنكرين!!
شما:والله انا ما رمسته شو اباه وانتي اتحبينه وبعديم نهيان موب استايلي وانا عندي ريل ومالجه..
مهره: ادري بس ما يكفيج واحد..لازم اتصفين عدال ريلج 10..شباب..
شما: والله سخيفه وهذا شي راجعلي!!
مهره: اوكيك… ليش اترمسن خالد؟؟ واتقوليله اني انا احب نهيان.. والله يعلم شو قايلتله بعد!!من خريطج..
شما: انا ما رمسته وبعدين من وين بيب رقمه..
مهره: نفس ما يبتي رقم نهيان وصلتيله بتوصلين حق خلود الجلب..
شما: انا ما رمسته..
مهره:اوكيك..انتي ما رمستيه صبري..
(( مهاري وهي تتصل حق نهيان.. اقولك شموه طرشتلك مسج اليوم صح.وهي حاطه نهيان على السبيك.. ممكن تقرالي اياه..ويقرا..نهيان المسج وشموه قافطه…وتكلم مهاري نهيان واتقوله عقب بتصلك باي))
مهره: وهي اترمس شموه!! ها بعد نهيان جذاب..
شما: والله يمكن انتوا الثننه متامرين عليه..
مهره: اصلن انتي ما فيج فايده..نفسج خايسه وقلبج اسود..مادري ليش الله رزقني بخاله حيوانه شراتج!!
شما:اوكيك طز فيج موب لازم اترمسيني..
مهره: ولا ميته عليج تفو عليج..
ميره: انزين خلاص ما ستوى الي الخير..
شما: شكلي برد البيت.. باي وهي اتشل اغراضها..
مهاري: طز التعني يعل العين ما تشوفج!!
ميره: لا لا بلاكم..
مهره: شوفي ميروه يا انا يا هيه..
((وسكتت ميره احتارت ما عرفت شو اتقول.. شلت شما اغراضها.. وطاعت راحت بيتهم..وتمت ميره ساكته وقالت حق مهاري قومي طالعي الاغرض الي يايبلي اياهن هل ريلي وتمت اطالع… ))
عقب اسبوع من ضرابت شما ومهره…
مهره قررت انها تتصل حق ولد عمها وتعرف كل الي قالته شما عنها.. وعن نهيان..مهره وهي قابضه موبايلها ومتردده..تتصل وقبل لا يرن اتبند ..واترد اتحاول مره ثانيه..وثالثه.. واخر شي عدت ..
مهره وهي اترمس عمرها..
1…2..3..4…5.. ودق ارسال…. رن ورن رون محد رد عليها.. فقدت الامل قالت اكيد الحينه خلود الجلب..مسيف الرقم عنده… عقب ربع ساعه من اتصالها..رد اتصل خالد فيها.. ويابت موبايلها من الجراجه..واتقول في خاطرها اتصل الجلب .. وترد عليه..
خالد: حيا الله ام احمد..
مهره: انا ام سعيد..
خالد:ههههههه وهو يضحك….
مهره: انا متصله اطلبك بطلب يا ولد العم.. وانته تعرف انه مالي غيرك سنيد بهاالدنيا عقب ابويه وعمي الله يطول بعمرهم..
حست مهاري انه خاللد.. اتقبلها شويه وان كلام خالد اتفاعل مع مهره..بسلوب حلو موب اسلوب الجلاب الي يستخدمه معاها..
خالد: امري يا بنت العم..والله انه رقبتي سدااده..
مهره: ما يأم عليك عدو يا خالد…
مهره:خالد انا موب مصله عشان تشفق عليه انا ونهيان..لا متصله عندي سؤال واريد اجاوبني بكل صراحه واريد اعرف واكون في الصوره لان الي ناقللك العلوم عني جذاب..
خالد: اوكيك تفضلي وسالي لسؤال..
مهره: شو قالت شما عني وعن نهيان!
خالد: تم يلف ويدور ويحاول انه يبرر شما وانه موب شما الي قايلتله..
مهره: يا ولد عمي تراني انا اعرف انه شما الي مخبرتنك روحها اعترفتلي اليوم.. ومطرشه مسج حق نهيان اتقايضه..ان هيه تبا اتيوزنا لبعض..انته فكر فيها يعني بالعربي تبا اتمشينا على كيفها…
خالد وهو مشتط وعرفت مهاري نقطه ضعفه: اتهبي اصلن انا ما اباج
مهره في خاطرها الحمد الله يا ربي..: انزين ممكن اعرف شو قالت..
خالد: اسمعي يا بنت الناس.. هاي سالفه طويله ..ما يبالها تيلفون تعالي اليوم بيتنا.. وبتفاهم..انا عقب ساعه بكون في البيت وبترياج وعقب ما نخلص سالفتنا صدقيني ما بتظهرين من ويه الباب الي وانتي عارفه كل الي قالته شموه..
مهره:اوكيك خلاص عل نتلاقى في بيتكم..
خالد:فداعت الرحمن..
مهره: باي,,,
((مهره اول ما بندت اليلفون نشت اتسبحت.. واتلبست وقالت حق امها انها بتسير بيت عمها.. وامها تمت مستغربه لان هيه تعرف بالمشاكل كيف اتسير هناكي.. المهم..مرت ساعه..ومهاري ما راتحت اتقول في خاطرها خله الجلب يتراني نص ساعه بعد..ومهاري بالعمد تتأخر .. واول ما وصلت بيت عمها..نزلت من السياره.. ودخلت..الخيمه الي مسوينها..ييلسون فيها يسولفون.. ويتفاولون سلمت على الموجودين..طبعا ام خالد..وابو خالد.. الي كان يدخن جنه معرس بيزفونه.. واخو خالد..
وخواته..ومرت اخو خالد.. اول ما دشت مهاري وسلمت عليهم..الكل كان يطالعها..الكل تم ساكت لمده دقيقه.. ومنصدم.. وهي تمت اطالع عمرها واتقول اكيد فيه شي غلط..لا يمكن عباتي منطره .. ويمكن ويمكن..
وفجأه مهره اترمسهم.. بلاكم جني عزراين واقف جدامكم..
ابو مهره: هلا بتني اقربي واتروح مهره اتسلم عليه.. واتسلم على ام خالد..
أخت خالد: من زمان مهاري ما يتينا..
مهره: الظروف بعد… وهي تسلم عليها وعلى مرت اخوها..
اخو خالد: اناما اصدق مهارري… استويت جيه مره وحده فشيتي..
مهره: عوذ بالله يل حسد هههههه.. اسوي رجيم .. والحينه وقفت ما اسوي.. اخاف استوي حلوه اكثر من الللزوم وهي تضحك… عمي عمتيه وين خالد…
والكل منصدم.. . وفاج عيونه…
مهره: بلاكم!!! بسم الله الرحمن الرحيم..
ابو مهره: عسى ييج خير بنتي..!! خالد يالس في الصاله الي داخل البيت..عند الكمبيوتر..
مهره: لا خير ان شالله… اووكيك انا بسيرله اريده بكلمه راس…
وطلعت مهاري من الخيمه والكل منصدم من يتها واتسال عن خالد.. هههههههه…… مشت مهاري صوب الصاله الي داخل البيت..
خالد وهو يطالعها من الدريشه..
خالد: حيا الله بنت العم..
مهره: ههه حيا الله ولد عمي
خالد: اقربي اقربي…
مهره:شو اسوي…؟؟
خالد: ما شي اعابل في الكمبوتر..بس جيه ما عندي شغله..
مهره: اووكيك ممكن نبدى.. الي يت عشانه..
خالد: هيه ممكن .. شو في يابنت عمي.. هذاكي ايوم..
الساعه 12 الفليل ياني رقم غريب..تعرفين فضول الشباب رديت..ونها بنيه.. انا ما بدش وايد في التفاصيل..انزين.. وتمت اتسولف معاياه على اساس انها ملانه ومغلطه في الرقم.. كملت معاها 3 اسابيع…
مهره: طالع الحيوانه والله انها نذله..الجلبه..
خالد: المهم بدت تتعلق فه واتعلق فيها..سالتني اذا انا خاطب ولا لا..قلتلها لا بس جيه اريد اقردنها..المهم جان اتقولي..انا يايتنك..وفاعلت خير..وعترفتلي بكل شي..
مهره: بشو اعترفت!
خالد: قالتلي انها شما خالتج..
مهره: انزين..
خالد: وقالتلي.. انه هيه كانت اتحب واحد واتموت فيه كملت معاه 3سنوات وكانت تحب التراب الي تمشي عليه..س بما انج انتي وحده دبه محد عاطنج ويه وهو سوالج ويه حبيتيه وصرقتيه منها…
مهره: وهي منصدمه .. والعيون تتيمع في عيونها..
خالد:وقالتلي انج وايد حقوده.. تحقدين على اي ثنينه يحبون بعض.. واتبين اتفرقيهم.. لان انتي محد يحبج!!
مهره والدموع اطيح على خدوده..
خالد: بس ولا اكمل..
مهره: في ذمتك خالد..انا جيه!!
خالد: لا مهاري.. هه وصفتلي انج خيوانه وانج خاينه وانج بعد حاولتي تصرقين حبيبي ميروووه…
مهره: هههههه…تعرف انا اجمع القلوب ما فرقها ولو على قص ارقبتيه…خالد انا موب ايه عشان تشفق عليه انا ما اريد شفقت حد بس تبا تعرف كل شي.. انا ما انفعلك..انا احب..والحب موب عيب صح ولا!!
خالد: هيه….
مهره: اسمعني يا ولد عمي..انا مع هذا الانسان عشرت عمر موب شهر وشهرين.. سويت عشانه المستحيل.. وحتى لو انته خذيتني خالد ما بتاخذ مكانته في قلبي.. ويمكن.. بعد اخونك معاه لاني انا ما اروم اصبر عنه.. خالد.. وانته اتصدق ان انا صارقتنه من عندها.. كيف رامت اتقص عليك واتصدقها..
خالد: والله كلامها مقنع!!
مهره: انا هذا الانسان كان يلاحقني من المانيا..وبعدين لو هو يلعب عليه جان ما يا خطبني من هليه والكتاب ينقرا من عنوانه..
خالد:وشو المطلوب مهاري!!
مهره: اتقول حق ابويه انك ما تباني…
خالد: وبعد.. يا بنت العم..
مهره: واتقوله انك موافق على زواجي من نهيان لان ما بيوزني اياه الي بموافقتك..
خالد : تم يابنت العم…
مهره: والدموع في عينها حست انها من الفحره ودها تلوي على خالد.. واتقووله مشكوور..
خالد: بس خلاص مثي دموعج!!! وصدقيني هل الحيوانه انا برويها.. قالت فيج اشياء وايد والله يا مهره..اني ما عرفت قدرج الا الحينه واسمحيلي اذا غلطت عليج ولا الشي…
مهره: لا مشكوور…
((ظهرت مهاري من بيت عمها وهي الارض موب شالتنها اتصلت حق نهيان وعرف بالسالفه..قال الاسبوع الياي رد اخطبني… ان شالله بيكون كل شي تم وخلص..طبعا مهاري تمت اتصيح وانهيان راح عند امه يبشرها… ولام تمت مستانسه والدموع في عيون نهيان دموع الفرح.. ومهاري طرشت مسج حق شما اتقول فيه.. خطبتيه وملجته الاسبوع الياي جان تبين تحضرين.. ))
تاريخ 16-1….
يو الريايل يخطبون مهاري وفي نفس اليوم الملجه..طبعا الحريم داخل البيت والريايل في ميلس اريايل..
كان يالس عدال….. وللحديث بقيه