مادري لو حد تطرق لهالموضوع من قبل ….
صرافة العملات ..
مب دعايه و لا اي شي بس للفايدة .. وين تصرفون ؟ و يعني تسوون مقارنات في الاسعار ولا ؟
في ناس على طول الانصاري .. مع انه اكتشفت انه وايد اسعارهم اغلى ..
على سبيل المثال .. من فتره يوم نزل سعر اليورو سرت على طول الانصاري و خذت لي مبلغ زين .. و و ما قارنت ..
عقب يوم بغينا نسير بريطانيا .. جان ادش الانصاري .. شفت المعدل مالها عالي .. كان سعر الصرف 5.75 … وو جان اقول ممممممم وايد .. و زين انه عداله كمن محل للصرافة .. دشيت لاري للصرافه لقيته اظني 5.70 .. قلت مممممممم خليني اشوف الي حذالهم.. دشيت الفردان .. تعرفون كم لقيته ؟ 5.55 !! يعني فرق وايد … صرفت عندهم .. بس السعر اكيد اغلى الحين لنه خذته من تقريبا 3 اسابيع …
المهم … تعرفون اماكن ثانيه للصرافه و تكون تعطي اسعار ؟؟
و لا انتو من الي يسيرون البلاد و يصرفون هناك ؟؟ لنه احيد في الهند احنا كنا نصرف هناك و اسعارهم اوكي بعد ..
يالله نتريا مشاركاتكم اللي ان شاء الله بتفييدنا كلنا ..
المشاركة الأصلية كتبت بواسطة المؤمنة دائما 
مشكوره على المرور عزيزتي .. بس ما جاوبتي على الاسئلة .. انتو كيف تصرفون ؟ برع البلاد ؟ و اذا في البلاد مع اي صراف ؟
فأفضل تصرفون العملات الاجنبية خاصة اليورو والفرنك من هنيه
اما الجنيه المصري فلاحظت انه في مصر نصرفه احسن
وبالنسبه للمطارات فأسعارهم اقل من محلات الصرافة
المشاركة الأصلية كتبت بواسطة العصــفورة فأفضل تصرفون العملات الاجنبية خاصة اليورو والفرنك من هنيه
اما الجنيه المصري فلاحظت انه في مصر نصرفه احسن
وبالنسبه للمطارات فأسعارهم اقل من محلات الصرافة
مشكووره عزيزتي على المرور ..
و انا لاحظت انه الروبيه اعلى هناك في الهند ..
تعلمت هالشي من مصري مرة كنت اصرف ن الانصاري قالي بقولج نصيحة لوجه الله ما اعرف ليش زخني انا بالذات هههه يمكن تحراني مصرية لابسة عباه وشيلة
قالي احنا متعودين انصرف في البنوك ارخص بوايد من محلات الصرافة وخصوصاً بنك بوظبي الوطني
من اسبوعين صرفت يورو (دايماً اصرف للازمات هههه مستوية مصرية ) وكان ارخص من الانصاري ب 50 فلس تقريباً
وان شاء الله اكون افدتج