اشحالكم عساكم بخيير
بنات ابغي حق باجر السويتات ريلي عازم الشباب ع الغداء وابغي اسوي السويتا الحلو بس ماابغي شغل واااايد ابغي شيء بسيط الحلو
فممكن تخبروني شو اسوي واعطوني مع المقاديير الله يخلييكم
[/CENTER]
2 كوب سميد
1 كوب سكر
1 كوب جوز الهند
نص كوب زيت
1 ملعقة طعام بيكنج باودر
كوب ماي
علبة روب الصفا الحجم العادي (مب الصغير )
اخلطيهم عدل .*
وجهزي قراطيس الكب كيك وحطي فيهم الخلطة .*
وما راح تحتاجين لها شيرة لأن حلاتها تكون قليلة سكر .*
اقتراح: ( حطي على كل حبة حبة لوووز قبل لا تدخليها الفرن )
وشوفي موضوعي عن الكيكة اللي بدون بيض ( حلوة وسريعة وما تاخذ وقت طويل ف التحضير )
وإن شاء الله يعيبج الأكل .*
المشاركة الأصلية كتبت بواسطة شكولاتةuae 
كيكة الزبادي الهشة بصوص التوفي
المقادير
2 بيض
1 علية زبادي المراعي
1 كوب دقيق
¾ كوب سكر
½ كوب زيت
وطبعاُ راح نحتاج إلى 1 ملعقة صغيرة فانيليا . 2 ملعقة صغيرة باكنج باودر . ذرة ملح
في خلاط العصير نضع البيض والسكر والفانيليا ونضربهم مدة 3 دقائق ثم نضيف الزيت ونخلط حتى يمتزج الخليط جيداًُ
بعد الإنتهاء من الخلط نقوم بصبة المزيج في إناء عميق كما هو موضح في الصورة ادناه
نضيف الزبادي إلى المزيج السابق
نقلب بإستخدام شريط الخفق حتي يندمج الزبادي مع الخليط
نبدأ نضيف الدقيق المضافة إليه مسبقاً الملح والباكنج باودر
نخفق جيد
وهذا هو شكل الخليط النهائيي.
نصب خليط الكيك في صينية خبز مدهونة بقليل من الزيت ومرشوشة بالدقيق.
المشاركة الأصلية كتبت بواسطة شكولاتةuae المقادير
علبة قشطة منقوعة في ماء دلفئ مدة ربع ساعة
2 فنجان سكر
في إناء مخصص للحلويات حتى لا تختلط روائح الأطعمة مع بعضها البعض نضع السكر على نار متوسطة .
نبدأ بالتقليب المستمر للسكر
لاحظوا عزيزاتي بدأ السكر بالذوبان وبدأ لونه يتغير نستمر في التقليب المستمر
هذا شكل السكر بعد مرور حوالي السبع دقائق ونلاحظ عزيزاتي ذابت حبيبات السكر بشكل كامل
ننتظر عليه مدة دقيقة لحد ما نحصل على هذا اللون عزيزاتي
وهذا هو لون الكراميل المطلوب نبدأ نضيف القشطة وعزيزاتي شوي شوي لان بيفور
لاحظوا حبيباتي كيف فار المزيج تحملو لاني مرة احترقت وتميت أصرخ في المطبخ . كل ولا حرق السكر . تستمرون في التقليب عزيزاتي لتحد ما يهدأ المزيج .
وهذا شكلة بعد ما خلينه مدة دقيقتين لاحظوا كيف صار لونه ذهبي جميل ولماع
يتبع
المشاركة الأصلية كتبت بواسطة شكولاتةuae وزينت الكيكة بإستخدام صوص التوفي والمكسرات المشكلة وهذا شكل الكيكة بعد التزين أترككم مع الصور
وهني بعد ما قصينها لاحظوا أحبتي كيف هشة من الداخل
وهذي صور مقربة للكيك بعد التقطيع . لاحظوا أحبتي كيف الكيك متماسك وصور التوفي ما اختلط مع الكيكة بعد التقطيع لاح ثابت مثل ما هو
وطبعاً هذا صحن أخوي قالي حطيلي 3 قطع وحطي عليهم صوص توفي وايد ههههه
دعائكم عزيزاتي هو رجائي
المشاركة الأصلية كتبت بواسطة الهدى1 رائعة جداً ، والطريقة أخذتها من صديقة لي ..
المقادير :
المجموعة الأولى ..
بيضة + رشة فانيلا
كوب سكر
علبة قشطة
ماء بنفس علبة القشطة
زيت بنفس علبة القشطة
2 ملعقة طعام نيدو بودرة
المجموعة الثانية ..
كوب ونصف جوز هند
كوب ونصف سميد ناعم
ملعقة طعام بيكنج باودر
الطريقة :
في خلاط العصير اخفقي مقادير المجموعة الأولى
بعد الخلط . . .
وهذي صورة السميد لمن لا تعرفه ..
في العجانة نضع المواد الجافة
ونصب الخليط السائل اللي بالخلاط على المواد الجافة ، ونعجن على أقل سرعة ..
ونصب المزيج في قالب بايركس متوسط ( ليس الكبير ) بعد أن ندهنه بالطحينية ( الهردة )
ونرش الوجه بالمكسرات أو اللوز المبشور
تدخل الفرن على درجة 170 مئوية ، لمدة 15 دقيقة .. ثم نخفض الحرارة إلى 160 مدة 5 – 10 دقائق إضافية حتى ترتفع البسبوسة ( وانتبهي ألا تفتحي الفرن أبداً قبل مرور 25 دقيقة )
ثم تحمر من الأعلى وتخرج حتى تبرد ..
وهذا شكلها بعد إخراجها من الفرن
تشرب بالشيرة المعدة مسبقاً .. وتقطع بحذر وتقدم .. لذيذة جداً جداً !
والنتيجة
,
و هذا للي طلبو مقادير الرنجينة :
تمر منزوع النوى
3 اكواب طحين
1 كأس زبده سايحه
12 كأس سكر مطحون
ملعقه صغيره قرفة
فستق مبشور
هيل بودر
الطريقة :
[ فالقدر ] نحمر الطحين حتى يصير لونه على بني محمر ( فالقدر )
فوعاء ثاني بعد ما يحمر نخلطه مع الزبدهـ و السكر حتى يتماسكـ .. ( ما يكون وايد سائل ولا وايد ناشف ) بحيث نقدر نصفه و لما نقطعه ما يتفتت
[ التمر ] بعد ما نشل منه النوى و القشر يعني انخليه صااافي .. نعجنه بايديــنا حتى تصير كتله وحده ..
ناخذ صينية معدن .. و نغطيه بألومينيوم
ناخذ نصف كمية الطحين و نفرده فالصينية .. بالضغط القوي عليهــا عشان تتماسكــ و ما تتفتت .
لاحظوا طريقة وضع التمر [ على جانب ناخذ نايلون و احط كره التمر اللي عجنناها و نفردهـ بالخشب الخاص للمعجنات ]
حتى تصير بمقاس واحد و نرفعه من النايلون و انحطه على الطحين اللي فالصينية [ بالضغط عليهـ شوي شوي و تقدرين تدهنين ايدج بشوووية زيت عشان ما يلصق فايدج )
و نعيد نفس الطريقة الاولى نرد انحط الطحين و نفردهـ و نضغط عليه بالقوة عشان يثبت .. و تقدرون تتأكدون من تماسك الطبقة بتمرير الخشب ( اللي تفردون فيه العجينه ) و بجي بكون مرتب و بنفس المقاسات .
هني انكون خلصـــنا و بعدهـــا ناخذ فستق مبشور + هيل بودر نخلطه و انزيّن فيه
و انخليه فالثلاجهـ عشان تتماسك الطبقات .. و نقطع إلى مكعبات صغيره و نحطهم فالورق ( البيليسيه )