العمل وكيف
رخصة القيادة وكيف وهكذا
كل شي تعاملتوا بالواسطة ……. اريا ردودكم
المشاركة الأصلية كتبت بواسطة كلي حركات! 
عمتي مدربة .. اتصدقين عدد عماتي 11 ماشالله كلهم عطتهم الليسن بس تدربو يمكن مرتين 3 مرات ..
واول ماخذوا السياره .. كله تكون بالقاراج مكسره ..
حتى خالي عطى حق ولده ليسن خلال يومين .. وهو عمره 18 ..
بس انا مانصح بهالشي ..
انتي تدربي خذيلج اي سياره كحيانه سوي فيها اي شي اللين ماتتعلمين السواقه وعقبها روحي عسب تدربين .. وان شاء الله بينجحونج ..
اذا ماعرفتي او رسبتي جم مره دخلي الخاصه
كلي حركات!
ههههههههههههههههههه اسميكم والله
بس الليسن مستحيل هذي أرواح ..ماأنصح بالشي أحسن شي تتدربين عدل
وماتخذين الليسن الا وانتي مستحقه وبالتوفيق
انا كنت ابغي انتقل من مدرسة لمدرسة طبعا انا ماكنت اعرف اني مايطيعوون
اول مادخلنا المدرسة الثانيه صرخوو علي انا اوبويه هههههه وطلعنا رحنا الوزارة
وماااافي فايده والله يالسة اقوول في قلبي لو اختيه او اخويه يشتغلون اهنني جاان انا من زماان منتقله
وعقب رمست اخصائيتنا تعرفني اتخيلي انها قالت مب مشكله ورمست مديرتهم وافقوو انهم ينقلووني
والله انا استانست بس واااااايد انقهرت لاني اقوول اتخيل لوو مااعرف هالاخصائية جان انا من زماان نقعت في هالمدرسة … وانتقلت وجي يعنيي بس حراام لو في بنيه متعقده وتبغي تنتقل وماطاعو ماتعرف حد والله حرااااااام
الواسطه فيها شووي قهر يوم انتي تتعبين على هالشي ومحد يعطيج ويه .. وناااااس بدقايق يسولهم كل شي
وشكرا على الموضوع
أما بالنسبة لليسن
وحدة من نسايبنا خذت الليسن بالواسطة و سوت ثلاث حوادث ورا بعض آخر شي سحبوا منها الليسن…
و وحدة تعرفت عليها من فترة… من امارة ثانية…
ريلها ياب لها واسطة من مدير كبير بالدايرة عشان تشتغل
تعرفين كيف بهدلوها…
كانت حامل و طلب منها المسئول اللي بتشتغل عنده دورة مدتها كم شهر
تخيلي و هي حامل تظرب خط كل يوم ساعتين و نص علشان تحظر لا و مب كذا و بس بمواصلات الدائرة و تعبت كم مرة و نوموها بالمستشفى القاسمي و تلغوزت لعوزة…
كله لانها ياية بالواسطة
و اللحين ربت و تعينت بس بعد شوا
بعد ما ذاقت المر…
الله يعينها…