شخباركم يالغاليات
حياكم ويايه منورين الموضوع
في شي قاهرني واايد وابى اتناقش فيه
يعني تعرفون الحرمه تمل وتضايق فالبيت وتبغي تظهر
صح الرياييل يطلعون ويا ربعهم ويسهرون عادي ما قلنا اي شي بالعكس يغيرون جو الدوام
الموووضوع حبايب قلبي يوم اتج بتطلعين ويا ريلج ومستانسه وتوج مانزلتي من السياره
ولا يرن فون ريلج 
ويطلع وااحد من الربع ويقوله هاه وينك ويقوله ريلج ويا الاهل والاخ العزيز يضايق ليش ناقص واحد في لعب الورقه ويقوله هاه بتي ولا
وانتي عاد موتي حره خلاص طلعتج اختربت
بيتم بو الشباب باله وياهم يبى يظهر
والي يقهر اكثر انه انتي وياه وهم يعرفون انه ويا الاهل كل شوي يتصل واحد منهم
وتلفين لفتين وع طول يروحج البيت
ووالله شي يقهر انا استوى فيني هالشي اليوم يعني عيب والله انا اعتبرها قله احترام
يعني انت تعرف ان ويا الاهل خلاص
يعني تبغين تسهرين تستانسين وتردين البيت وتيلسون وتسولفون
لا خلاص بيفرج البيت ويروح عند ربعه
صدق قهر
حبيت افضفض
يالغاليات بدون تجريح
هذا نقاش
فعلا قلة احترام
الحمدلله يوم اطلع وياه مايرد على اي مكالمه الا لو كانت من الدوام
او ابوه او امه اللي متصلين لانه احترامهم واجب ولو مارد عليهم انا بزعل منه
بس ربعه وخرابيط لا ياحبيبي والله بقلب الطلعه كلها شو هي مصخره
عادي تلاقينهم عزاب او حريمهم يعانون نفسج يعني لاحياة لمن تنادي
احس الموقف قهرني مادري لو صاير لي شو كنت بسوي >_<
ماعندي لج حل للاسف ياليت اللي يعانون نفسج يساعدونج
الله يوفقج
بس صج شي يقهر..يعني المفروض هاليوم يكون حقج من أوله لين آخره و ربعه لاحق عليهم..
واايد الاحظ على معظم الشباب بعد العرس فترة يلوسه ويا ربعه وااايد أطول مع انه المفروض يصير العكس أوكي مب
مشكلة أظهر وياهم روح استانس بس مب على حساب أهلك..
رياييل هذا الزمان كلهم جيه
تحسين الربع أهم عندهم من الأهل
وإن ناقشتيهم في الموضوع يعصبون ويصارخون او يسون عمرهم ما يسمعون
الله كريم
الله يصبرنا عليهم
ما افهم ليش يموتون بالورقه ؟؟
،،،
مالج حل غير انج تتفاهمين مع زوجج وتصارحيه
قولي له أنا احتاج اطلع معك ويكون بالك معاي
ربعك لهم وقتم وأنا لي وقتي
و وقتي من حقي انك تفضي نفسك لي
مثل ما أنا أخليك تأخذ راحتك مع ربعك لما يكون وقتك معاهم
بس لو تعرضت لهالشي بخبره انه يعدل بينهم و بيني و بصارحه