هلا خواتي
الصراحه بنات انا وايد مستغربه من نفسي في شهور الحمل الثلاثه كنت ارجع في اليوم مره بس الصبح ونااااااااااااادرا اذا برجع مرتين مره الصبح ومره بالليل بس من دخلت الرابع قمت وايد أرجع يعني عادي في اليوم ارجع ثلاث مرات . أول ماقوم من النوم وبعد الريوق وبالليل أرجع العشاء .. وها الشي وايد مضايقني .. لاني بروحي عندي سكر حمل يعني اكلي كله دايت وقليل جدااااااااااااااااا بسبب اللوعه اللي مب طايعه تهدني للحين والشي الثاني دمي وايد ناقص يعني لازم اتغذاء وأكل عدل بس ماقدر والسبب بعد اللوعه بس معتمده على حبوب الحديد .. لاني كله أرجع .. قولولي شسوي؟؟ وليش زاد الترجيع عندي من دخلت الرابع الحين كملت تقريبا عشر ايام من الرابع وانا على ها الحال .. واللي معور قلبي البيبي شو بيتم له من أكل يوم انا كله أرجع 
هذا شي طبيعي جدا
والبعض ،، يبدا الوحام من السادس
خير حبيبتي ،، المهم البيبي ما عليه شر ،، لاتفكرين وايد
الله يتمم لج على خير ويقومج بسلامه يارب
حبيبتي لا تخافين اصلا الوحام دليل على صحه الحمل احيد وحده من اهلي كانت دايما لايعه جبدها وفجأه وقف عليها الوحام يوم راجعت المستشفى قالولها البيبي مات وتوقف الوحام فجأه معناه موت الجنين
لاتخافين حبيتي انتي ممكن عندج مشاكل نفسيه في حياتج مأثره عليج لانه النفسيه تأثر بعد
انتي روحي مستشفى حكومي ودخلي على الطوارئ وقوليلهم يسولج تحاليل واذا تحتاجين دم او مغذي بيحطولج
تطمني حبيبتي ولا تخافين
حاولي اتجبري عمرج تاكلين لو شي بسيط ولو ما قدرتي خلاص توكلي على الله وهذي فترة وبتعدي
على خير ان شاء الله
انا استوالي جيه فبنتي
وكنت نفس الشي مستغربة
اقول شو الوحام الحين بدا
وعن البيبي
دام الدكتورة تجيك على كل شي وإطمنج لاتحاتين
^_^