اشحالكن الغاليات …. جنه هاي السنة الامور بتكون غير عسب موسم الحج …وهالكلام حسب تعليمات إدارة الحج والعمرة فالهيئة العامة للشؤون الاسلامية والاوقاف اللي مطرشنها حق الحملات ….. ويقولون انه التسجيل للحج هاي السنة ينتهي بتاريخ 30 شعبان الموافق 12/9/2007 ولن يقبل تسجيل اي احد بعد هذا التاريخ ويبون تفاصيل وايدة ( صورة الجواز ورقم الخلاصة ……الخ ) عسب بيطبقون الحج كل خمس سنوات فقط للمواطنين بعد لنه الوافدين ما يسمحون لهم الا كل خمس سنوات وبعد خفضوا الاعداد وايد هاي السنة …. لنه العام كانت حصة الامارات يقولون 25000 حاج 10000 مواطن و15000 وافد وهاي السنة استوا العدد 13500 حاج 6500 مواطن و7000 وافد
واللي معزمة منكن تسير هاي السنة ترتب امورها من الحينة وربي يسهل عليكن وها الشي حبيت انبهكن عليه ولا تنسوني عاد من دعواتكن الغاليات
جزاكي الله خير افدتي البنات دخلت الموضوع وماحبيت اطلع وماارد
يزاج الله الف خير ………… انا العام سرت وكانت اول مره ويارب ماتكون آخر مره يااااااااااااااارب يارب………. كانوا كله ايزيغونا من زحمة الحج لكن سبحان الله يوم اسيرين ما تحسين وكل الكلام اللي سمعتيه غير … ويمكن على حظي كان كل شي مرتب……. واللي تفكر اسير انصحها بالحملة الكويتيه (مندكار) لانها مرتبه عن تجربه
انزين ابا اسالكم كم يعني بكون سعر الشخص الواحد في الحمله
shokolath مشكورة ختيه عالمرور….. وختيه رعبوب بعد انا العام سرت وصدقج كان الترتيب غير وانشالله ربي بيعودنا وياكن على هذيج الأماكن المبروكة دووووم …. بس الصراحة بقولج انا ما اسير الا ويا حملات البلاد وشي حملات فالبلاد خدمتهم زينة وما عليهم قصور الصراحة والانسان ما يبخل على عمره فالحج ,,,,,, يعني الصراحة نحن ما نقصر بعمارنا يوم بنسافر وما تينا الزطاطة الا يوم بنسير العمرة ولا الحج و…… وهذا الشي الوحيد اللي اكيد بنحصله فالآخرة عند ربي انشالله … وسمحولي عادة طولت عليكن وهذا رأي شخصي واحترام رايكن الغاليات
رعبوب حبوبة خبرينا عن ها الحملة الكويتية مندكار
يزاج الله خير