انا صار لي شهر من عرست
وريلي عنده 2 اخوان اكبر منه معرسين ..وحده سااكنه وياانا والثانيه برى البيت وهن خواات الثنتين
المشكله ان اللي ويانا في البيت احسها وااايد تغار مني والثانيه ما شفت عليها شي لانها بس تينا زيارة وتروح
ومن قبل لا ادش عليهن وصلت لي رمسة انهن يدعن الله اني اكون مسلونه ومتسلطة عسب ينقدوني ويلسن يرمسن عني
يغار مني لاني جامعيه وموظفه …وهن وحده ابتدائي والثانيه اعدادي
عمي في العيد عيدني من بد حريم عياله بعيديه …طااار عقل مرت حميي ..وقالت لعمي : الاولى بنتك ..ولا فلانه معرسه وموظفة
ولبس العيد …انا سالتني بكم فصلتي لبستج ؟ قلت لها 1200
وهي طبعا ما كانت شاريه بس حنت على ريلها ودخلتني في موضوعها ورااح اشترى لها لبسى …ويوم سالتها بكم قالت 800 سالتها من وين شريتها ؟ قالت من المعرض ,<<هني عرفت انها جذابه بس تبغي تغايضني
ريلي شرا لي هدية بلاك بيري <<هي هني انجلطت ؟ سارت عند ريلها ومثل كل مره ليش اخوك ياااب لفلانه وانت ما تيب لي خخخخخخخخخخخخخخخ ..وجت تخبرني ..قلت يا فلانه ترى الريال يستهين في المره اللي تدخل نفسها بمقارنة مع مره ثانيه
وعرفت انهن يرمسن عني عند اهلن …
ودي يا خواتي تعطوني طريقة او اسلوب اعاملهم فيها ؟؟ لاني ما ابدخل وياهن بمشااكل ..
ولاهنت 
يالله حرييم همتكن للاخت
أنت المرتاحه وهم التعبانين
غاليتي 
واثق الخطى يمشي ملكـــأ ^_*
انتي صراحة مب لازم أبدا أبدا تتحسسين من رمستهـن
اذا هم غيرانات ويحقدن تراها غلطتهن ومب غلطتج
رغم اني صراحة ماشفت داعي للغيرة يمكن غاليتي تتوهمين
مب أكيد بس راجعي نفسج يمكن انتي انسانة حساسـة
لإن صراحـة سالفة جامعية والثانيات ابتدائي وجي صراحـة ما أحسه سبب مقنع ^^
يمكن يغارون لو كان الوعي غير بينكم ,, أما المستوى الدراسي فما عمره كان دليل على علم الإنسان
بس الله أعلم باللي داخلهم والي داخلـــج ^_^
أهم شي غاليتي دامهن ما يآذونج بغيرتهم وبس يحنون على ريلهم
خلهم هم يحلون مشاكلهـم
انتي ما عليج إلا الدعاء لهم ربي يهديهم ويصلح من حالهم ^^
وإذا سمعتي رمسـة :]
لا تحطين شي في بالج ,, وقولي مسكينـة فلانة فيها طبع الغيرة وعشان جي قالت هذا الكلام
أما هي في داخلهـا أكيد في طيبـة بس محد كامل ^^
اتمني للناس الخير وصدقيني شوية بشوية بتقدرين تأثرين عليهم بإذن الله
ولا تنسين دوم ترقين عمرج واذكار الصباح والمساء شي ضروري
وربي يوفقج لكل خير