مرحبا الساع عساكم إلا بخير و سهاله
ما بطول عليكم المهم بغيت اخبركم عندي وحده من ربعي كان <<< فعل ماضي شعرها طويل و ناعم و حلو و كل ربعي كانوا يحبون يلعبون في شعرها
بس هيه الله يهديها ما خلت شعرها في حاله بين فترة و فترة تغير الدهان الي تدهن في شعرها إلا مرة تستعمل بيبي اويل و مرات تستعمل زيت الحية و
مرات تستعمل دابر فتيكا و دابر أملا و دهان فازلين و مادري شو و حتى الشامبو اكثر من نوع تستعمل بين فترة و فترة تغير الي موجود عندها تستعمله و اتم
على نوع واحد و عقب يته فترة قام شعرها وااايد يطييح قامت الحبيبة و قصته لين جتفها و عقب اتبهدلت وياه لأن صغير شو بتسوي فيه ما تستوي في تسريحات دام انه قصير
قامت اتسشورة واايد لين ما انهد حيله و الحين من سنتين تركت السشوار عاد الحين شو الي صار اول شي قام شعرها يطييح بشكل مب طبيعي و استوت قشرة
في راسها بخبال واااايد قشرة في راسها و آثار السشوار امبينه في راسها يعني الي يجوف شعرها يقول انه محترق راسها
شعرها متجعد من الخاطر لأنه آثار اسشوار امبينه عليه و الأخير و هو المهم انه في ريحه في راسه
و المشكلة انه كل يوم تغسل شعرها و بعدها الريحه مب راضية تخوز من راسها مب عارفه شو تسوي ويا راسها ف خواتي طلبتكم ربيعتي واايد متعقده من عمرها
مب راضية حتى تفصخ الوقايه لو كنا بنات ارواحنا متيمعين تقول استحي حد يشم ريحة راسي و لا حد يشوق القشرة الي في راسي عشان جيه طلبتكم
الي مجربه خلطة و هاي أمانه لازم تكون مجربتنها لا قبل لا توصفا
ابا اعرف شو الحل حق (القشرة و الريحة الخايسة و آثار السشوار )
شو الي بيخوز القشرة و الريحة الخايسة من راسها و بعدين شو الي بيخوز آثار السشوار من راسها
و السموحة
بالنسبه للقشره سمعت ان تدليك الفروه بخل مخفف بماي يشل القشره ..
والريحه خل تستخدم مخمريه .. ورا اذونها وبتفيدها ان شاء الله
وشي عطور من شانيل خاصه حق الشعر .. وماتضره …
وبالنسبه للخلطات .. هذا موضوع يضم اهم مواضيع الخلطات المجربه في القسم
بس عطتها ادوية و مادري شو و قالت لها يبالج أكثر من جلسه و ماعرف كيف بس أول شي هيه
ملت لأن تضرب خط لين دبي و هيه من أم القيوين و ثاني شي جيه تبا مواد طبيعيه ما تبا
مواد كيماوية و أدوية و مادري شو
و السموحه منكم
هيييييه لازم تحني شعرها،،، الحنا تسوي كل شي،،، تشيل القشرة ،، تطهر الفروة من الميكروبات،،، تشيل الدهون اللي هي سبب الريحة،،
خلها مرة في الاسبوع ،، تحني شعرها،،
وخلها تستخدم هالخلطة لان شعرها جاف مثل ما قلتي،،،
تقريبا 10 ملاعق حنا،،،
و تعجنه بماي الشاي،، يعني اتيب كوبين كبار ماي وتسخنهم وتحط فيهم تقريبا 4 اكياس شاي ليبتون مثلا لين يصير شاي ثقيل،، طبعا بدون سكر 
لين تصير العجينه متماسكة مثل الكاتشب يعني،،
وتضيف على الخلطة عصير ليمونه صغيرة،،،
وبس ،، وتخليها تتخمر لمده ساعه او ساعتين ،،، بعد ما تتخمر ،، تحط ملعقتين كبار زيت جوز الهند او زيت الزيتون،،
وتخلط الحنا وتحطها على راسها،، وتخليها لمده 3 الى 4 ساعات
،،، و تغسل شعرها بالماي ،، واذا حبت تحط بلسم على الاطراف بس وتشطف،، طبعا بتلاحظ شعرها جاف شوي،، بس ماعليه
وثاني يوم،،، خلها تزيت شعرها ،،، انصحها طبعا بزيت جوز الهند وممكن تخلط معاه زيت زيتون،، وتخليه على شعرها من 3 الى 4 ساعات،،، وتغسله عااادي
وممكن مرتين بالاسبوع تسوي حمام زيت بنفس الزيوت اللي فوق ،، وتخليهم ساعتين
وخلها تستمر على هالبرنامج،،، لمده 3 شهور الى 6 شهور،،، ولازم تترك السشوار والصبغات،، وتاكل خضار وفواكه
وخليها تستمر على نوع شامبو واحد،،، انصحها تاخذ اللي يناسب شعرها من ماركة سيلفكرين او صانسيلك،،،
واي سؤال انا حاضرة
والله يعينها ع الباقي