انا حامل بالشهر الثالث واسبوعين من الرابع وعندي السكري من 12 او 13 سنه
ونا خايفه وايد ابصراحه
لحد الان يقولون لي الجنين ابخير بس انا خايفه من الولاده وخايفه من حجم الجنين يقولون اللي فيها السكري يكون جنينها من 3 كيلو وفوق ونا وايد خايفه من الولاده
شو تنصحوني ياللي عندكن خبره ابهالامور انا ماعرف شي
حرمه اخوي يوم كانت حامل الدكتوره عاطتنها جدول لاكلها كله يعني شو ريوقها وغداها وعشاها
وان شاء الله فدتج بشي ^ـــ^
اذكر كان فيها السكري ومتنت وايد
والدكتور عطاها جدول غذائي (رجيم)
بس ما سمعت شي عن الجنين
هذي الي اعرفه وان شالله البنات يساعدونج
بس ابغي وحده اتعرف عن مثل حالتي بالضبط
الله يثبت حملج ,,تابعي المراجعه عند دكتورة شاطرة واستمري وياها لا تيلسين كل شوي تغيرين .. وزن الجنين عند الوالاده لو كان 3ونص عادي ما فيها شي .. أهم شي صحته و صحتج .. وأطن يعطون نظام غذائي لازم تلتزمين فيه..
الله يعافيج و يعافي الي في بطنج يا رب
مشكوره ع الدعوات الطيبه من قلبج الطيب .. ربي لا يحرمني من هالدعوات الطيبه …
ربي يوفقج ويسعدج يا اختيهـ…انا اتابع في مستشفى الكورنيش بس ابعيد عليي اني دوم اسير لهم … بس ادعوا لي الله يوفقكن جميع…
التزمي بتعليمات الدكتوره ونظمي أكلج
وأعرف وحده من الاهل ماشاء الله ربت مرتين ووزن البيبي طبيعي
وعليج بالدعاء الغاليه