مليت و تعبت… مرات اقول ليش الدنيا جيه وياي؟؟
بتقولون اكيد تبا تعرس، ما بجذب عليكم… هيه ابا اعرس بس لسبب واحد
ابا اعرس عشان يكون عندي محرم و اقدر اسير العمرة… ابااااااا اسير العمرة يا جماعة الخير، ابا محرم وياي و كل محارمي لاهين و مشغولين بعوايلهم و دنياهم و مشاغلهم…
انا غلطت في حق ربي و اهلي و في حقي و ندمانة… ابا ربي يتوب و يستر علي و على جميع بنات المسلمين،…
ابا اصيح فالحرم و اصيح و اصيح… ابا استشعر لذة الصلاة فالحرم، و ان شاء الله ربي يحققي لي مرادي و مرادكم بدعوة من قلوبكم النقية خواتي و الله يحققلكم كل اللي تتمنونه باذنه الواحد الاحد
ربي يرزقج الي تتمنينه أختي 
ويسر أمورج بإذن الله للي يرضي رب العالمين
لكن غاليتي ^^
لا تخلين سعادتج وحياتج كلها متعلقـة بهذا الشي
..
يوم رب العالمين بيكتب لج عمرة ان شاء الله ما في شي بيوقفها ^_^
لكن حاليا أختي يمكن بعدج مب مستعدة
يمكن محتاجة تسوين تغييرات جذرية في علاقتج مع رب العالمين
وفي حياتج عسب تكونين مستعدة للعمرة
حاولي تشلين عنج السلبية والتفكير في كل شي مضى ^_^
اليوم يوم يديد
يوم التغيير والتقدم الى الإمام ^^
الإنسان يخطو بخطوات ثابتـة في الدنيا لرضى رب العالمين
ويجتهد في طاعاته ونوافله وفي نفسه
ويحاول يصلح علاقاته مع الناس الي أساء لهم ..
وعصية عصية يبني العصفور عشه ^^
لا تتسارعين الأمور غاليتي
وكوني واثقة ان خير الأمور تستوي لج الحين
والخير ياي باذن الله كل يوم تبتسمين فيه وتقدرين نعم الخالق عليج
وما اوصيج على الاستغفار أختي
ودعوة في الثلث الأخير من الليل غاليتي
فسهام الليل دائما تصيب ^_^