بس من بعد ماداومت على الدعاء وقيام اليل والاستغفار والبقره احسن اني وااايد مرتاحه لاني موكلي امري لله وهو خير المتوكلين.
انامتزوجه صارلي 3 سنين وكنت اسعد امرأءه بالدنيا والله اني كنت احسد نفسي اقول مافي حرمه مبسوطه وريلها يحبها نفس زوجي كان يموووت فيني ومايرضى يفارقني وكنت دلوعته وكل شي .هذا اول سنتين بس بالسنه الثالثه من رمضان اللي طاف انفلب الريال بيوم وليله فجاءه طلع من البيت ونام براا بدون سبب وانا اتريااه متى بيرد واتصله مايرد
ورد اتصلي الظهر قالي معليش رقدت بالمزرعه كنت تعبان وماقدرت اسوق المهم سامحته
وقلت عاادي ماعليه .ورد البيت العشاء ودخل البيت مايطالعني جنه يتغاضى نظره مايبا يحط عيني بعينه. يدوب سلم واتسبح واشوفه يرتب ملابسه اقوله وين رايح قالي بنام بالمرزعه ويا الربع انا انصدمت ماعرفت شو اقول قلتله طيب الله معااك .وتخيلو يابناااااات من هذاك اليوم خلاص تغير زوجي والله انه واحد ثاااااني ماعرفه. اقوله وحشتني ومن هالكلام يلا رد بيتك يقولي مابي احس بضيق بالبيت.بس كان يجي بالاسبوع مره وعلى طوول يرقد مايجلس معاي ولا كني موجوده ؟اقوله انا مقصره بشي يقولي لا حشا والله بس انا متضايق من البيت.وطبعا تمينا ع هالحال يمكن 6 شهور وبعدها خلاص انفجرت قلتهل انا ماقدر استحمل اكثر عن كذا خلاص برد عند هلي قالي زين تسوين روحي غيريلج جو وانا بغيرلي جو مابي اتحمل مسؤليه وزواج سيري عند هلج وانشالله خير. انا انصدمت من كلامه والله كأني اكلم ريال ماعرفه. وسافرت عند هلي وتميت 4 شهور ولا فكر يدق ولا يتصل وابوي دقله قاله وينك لااتصال ولا شي قاله معليش ياعمي والله الشغل والدراسه ماخذين وقتي . طبعا انا ابوي مره من النوع الطيب ومب حق مشاكل ومادقله ابوي الا بعد زن مني خليته يدق.قاله شو صار بينك وبين حرمتك . قاله لا هي بس فتره وقالت بترد بس بتغير جو عندكم وبترد.. ابوي ماخذ منه لاحق ولاباطل . انا خلاص عصبت ودقيت عليه قلتله انت ناوي على شو ليش جيه تسوي قالي ماشي انتي عارفه شو سويتي قبل فتره . هو زعل لاني دقيت على ربيعته وكلمتها . قالي تنزلين مستواج لوحده …! قلتله دامها جيه ليش ترمسها قالي هاي من زماان انا مرمسها وخلاص كل شي انتهى بس تاريخ حق الرسائل بمبايله يبين انه قريب قالي هي تلاحقني وانتي بصراحه ماتنفعين تكونين حرمتي ترمسين وحده شرات هال……! المهم قالي انا بطلقج انا انصدمت مب مصدقه وطلقني وقالي ورقتج بتوصلج الاسبوع الياي. وانا خلاص خبرت هلي اني تطلقت وانه بيرسل ورقتي مر اسبوع. شهر . 3 شهورماطرش الورقه!! رحت دقيت على امه قلتلها كذا وكذا وكذا انه طلقني تصدقون انها مب عارفه انه طلقني ؟؟؟ انصدمت مني بعدين قالتلي خلاص دام طلقج خلاص انا بخليه يرسل ورقتج والله يوفقج ويوفقه قالت ماعليج انا بخليه يطرشها اقرب وقت . ووبعدها اتصلت عمتي فيني تقولي انارمسته وماعطاني حق ولاباطل بس يوقل انشاءالله انشاءالله قالت انا ماعرف شو براسه هالريال انا مالي خص فيكم ولاتدخلوني بينكم تخيلو انا ماتوقعت انها كذا بتقول !!!!!!والحين صارلي على هالموضوع 4 شهور بعد لاطرش ورقتي ولا اتصل شو اسوي احسه نسيني ولا شو الموضوع وابوي كل ماقله رمسه يقول انشاءالله خلاص مافي امل في ابوي يرمسه . انا ابي منكم دعوه انه ربنا يردنا لبعض عاجل غير اجل لاني صدق اشتقت له واحس انه نسي انه كان معرس لانه عايش حياته ولافكر يوم يدقلي
ابي منكم نصايح شلون اقدر اذكره فيني ؟؟وانا بعيده عنه !!!
والله لايذوق حد طعم الفراق لانه صعب صعب صعب
ما ابا احطها ف بالج لكن مااحسيتي من يوم مارد من المزرعه وهو متغير
يعني يمكن يكون حد قاايله شي مثلا استغفر الله
والله ماادري شو اقولج لكن ادعي اختيه وماتدرين يمكن الله يحنن قلبه عليج
حاولي حبيبتي تتحاورين معاه باسلوب عشان تعرفين سبب التغير بالضبط وش هو
والله يوفقج ويريح بالج
المشاركة الأصلية كتبت بواسطة mao 
ما ابا احطها ف بالج لكن مااحسيتي من يوم مارد من المزرعه وهو متغير
يعني يمكن يكون حد قاايله شي مثلا استغفر الله
والله ماادري شو اقولج لكن ادعي اختيه وماتدرين يمكن الله يحنن قلبه عليج
اختي شو بيقولوه مثلا قصدج شي عني ؟؟؟؟
اصلا انا مب من البلاد انا ماعرف حد الا ريلي وامه بس 3 سنين عايشه بالامارات وماعرف حد ولا حد يعرفني ماطلع الا مع ريلي ماعرف حد ابدااااااا. واهلي في دوله ثانيه
خوفتيني ..
ويحنن قلبه عليج واتردوون لبعض ..
الله يعينج اختي