اشحالكم؟
بنتي سلمكم الله كله اتصيح لو اصرخ عليها
او اقوللها شي على طول تصيح وتم ترتجف
ابدا ماتتحمل حد يقوللها شي.؟؟؟ وثاني شي
لو حد ضربها من الصغاريه اتم واقفه تطالع..وايد بريئه وطيبه
وماتضرب..مع ان الصغاريه يكونون اكبر منها بكم شهر او اصغر بشوي ويضربونها؟؟
هل هالشي يعني انه بتكون شخصيتها ضعيفه؟
ولا شو؟
ومابي اعلمها تضرب وتصير عدوانيه بعدين
بليز بنات ساعدوني الله يخليكم وايد احاتيها ومتضايقه من هالشي
ماريده يكون ضعيف .. !
عمره سنه و تسع شهور ماشاءالله .. و يوم ينضرب اييني يصيح !
عقب يوم بيكبر شووه بيستوي به !
يمكن تفكيري غلط لكن ما اقدر اتحمل اشوفه ينضرب بدون سبب و اسكت
الحين استوى مرات يضرب و مرات يوم ينضرب يسكت و ايي يخبرني ما يصيح .. لكن احسن من قبل
و امي ما علمتها انه اذا حد ضربج اضربيه
و اللحين هي فالصف الثالث
اتخيلو و هي امتن و اضخم وحده فالصف تبارك الرحمن
بس خواااافه
و دوم يضربونها و اتصييح
او ياكلون اكلها
ما انصحكم اب هل طبع
علمو عيالكم انهم يضربون و ما ينضربون
حملت ابني وديته عنده قلت له اضربه مثل ماضربك …وضربه
من يومها تعلم يضرب الي ضربه
مادري يمكن تصرف غلط !!
الصراحه نحتاج لاخصائي حتى نعرف شو التصرف السليم
وهالطبع بيكبر فيه وبيتم يخاف الياهل من كل حد ومابيقدر يدافع عن عمره
اذا سوا شي غلط اول شي لازم تفهمين الياهل ان هالشي اللي سويته غلط بالكلام … وثاني مره انذار وثالث مره تضربين الياهل على ايده خفيف ان هالشي غلط … وشوي شوي لين ما اخر شي توصلين له العقاب ومايكون بالضرب ولا الصراخ ..
قعديه على كرسي العقاب في كورنر البيت وقولي له ليش يلستيه هناك لانه سوا هالشي واني من قبل امخبرتنه ان لا اتسوي جي …