وشحااااااااااالكم علوومكم ان شالله تماااااااااااااام خواتيــه ..
حباايبي آآنـــا الحمدلله تخرجت هالسنـه من الثانويه ونسبتي 80 والحمدلله ..
المهم ان شالله ناويه ادرس في جامعه العيـن والتخصص اللي اخترته ( العلوم الانسانيه والاجتماعيـه ) .. علم نفس
واايد حاابه هالمجال وهالتخصص وخاطري اصيردكتوره والحمدلله عندي موهبه حل المشااكل وحليت كذاا مشكله هنه في المنتدى عن طريق الرساايل الخاصه والحمدلله ..
بس بغيت اسئلكم حد درس هالتخصص؟؟ حد يعرف عنه شي ؟ هل هوو اوكيه؟ كم يباالي لين مااصير دكتوره ؟ وكل مايتعلق بهالمجال
وربي يحفظكمـ ويعطيكـم كـل اللي تتمنوونه ^^
BentUAE >>> الصراااااااااحه ماااقصرتـي ووفيــتي وكفيــتي وريحتــي باااااالي يااااختيــه والله يعطيج اللي تتمنينــه … يااااااربي ريحتينــي …
انا بعد اقولج .. حاولي تتخصصين ف شي مطلوب … انا الحمدالله وااايد عانيت فالجامعه وماكان عندي هدف وماكنت اعرف شو اتخصص وكل مره اغير التخصص … لين الله هداني على تخصص .. والحمدالله من هالتخصص بدت حياتي صح واعتبرها نقله كبيره ف حياتي …. هالتخصص خلاني احب الدراسه وخلاني متفوقه ومبدعه والحمدالله الله وفقني … وقبل ما اتخرج انا حصلت وظيفتي لان تخصصي مطلوب ويديد ونحن اول دفعه نتخرج منه … وانا كنت ف كلية العلوم الانسانيه والاجتماعيه .. تخصص تخطيط حضري …
ووالصيف اللي طاف متخرجه والحمدالله اداوم … وانا ما وقفت لحد التخرج .. بالعكس اخذ دورات وانمي مهاراتي ..
وما يهمني اي حد يحبطني … بالعكس ادافع عن عمري وادافع عن كوني اخذ دورات وادرس بعد الدوام .. انا احس برااحه يوم اتعلم معلومه يديده والله … شدي حيلج … واهم شي يكون عندج هدف …
ولا تفكرين ف شووو تحبين … اذا الشي اللي تحبينه ماله مستقبل … تخصصي شي تحبينه بالدرجه الثانيه او قريب من ميولج … بس علم النفس صح انه حلوو … بس يمكن تلاقينه غير عن اللي درستيه فالمدرسه …
فكري عدل لين اتداومين ولين تبدين دراسه .. لانهم ما بقولولج اختاري التخصص من البدايه .. انتي بتاخذين متطلبات ومساقات وبتعرفين التخصصات منها …
يعني هدي اعصااابج .. ولا تحاااتين ..
اربيعاتي من 2000 متخرجات ولين الحين مب محصلات وظيفة حليلهم