تتوقعون الحالة اللي فيني طبيعية ؟؟ 2024.

السلام عليكم ورحمة الله وبركاته ..

هلا خواتي ..

أنا عندي مشكلة يمكن الكل يشوفها عادية .. بس وايد متعبتني ..

خواتي ..

أنا من صغري حساسه .. وبسرعه ازعل .. على قولتهم دلوعة .. بس احينا صايرة وايد احاتي واتحسس من اشيا تافهه ..

اليوم ريلي سافر الله يحفظه .. أمس فليل ما قدرت ارقد .. ويلست اصيح .. معنه هاي مب اول مرة يسافر عني .. كل فترة يسافر .. بس هالمرة وايد اضايجت .. واليوم يتني حالة كآبة لدرجة اني يالسه ومب رايمة اسوي شي ..

امسات سمعت صوت ولدي يصيح وهو كان عند ابوه مع ربعه في الميلس .. اتخيلو تميت اصيح ليه ما عمتي اتصلت فيه وقالت له ييبه لامه .. وتميت لاويه عليه ليه ما سكت .. وعقبها حسيت عمري سخيفة .. والكل كان مستغرب من اللي سويته .. لأنه هاي مب عادتي ..

واذا اتصلت في حد وما رد علي .. اتم احاتي .. واحس قلبي يتم يدق بسرعة ..

واذا سمعت حد متوفي .. اتم افكر وتصيدني حالة كآبة .. حتى لو ما اعرفهم ..
أمسات ريلي يقولي عن شاب متوفي في حادث سيارة .. تميت اصيح ..

احسه كرهه عمره .. يقولي احينا ما اروم اقولج اي شي .. صايرة بسرعه تصيحين وتحطين فخاطرج ..
اتخيلو مرات احرق تيلفونه .. ويوم يرد علي اقوله انته بخير .. وابند .. ما عرف شو اقول عن عمري ..
اليوم يايه عند اهلي .. وكلهم حاسين اني متغيره .. يقولولي انتي مب طبيعية ..

تتوقعون الحالة اللي فيني طبيعية ؟؟

ولا وايد ناس جيه ؟؟

أنا امي الله يخليها .. وايد تحاتي بس مب شراتي ..

والله ماعرف شو اقول لج يااختي
ان شاء الله الخوات يفيدونج

لاتحاتين اختيه
حتى انا حساسه .. وازعل بسرعه .. واضايج بسرعه
ووووايد اشيا
واعرف واااايدين جيه
بس حاولي اتغيرين طبعج .. لانج اذا تميتي جيه بتتعبين وااايد ف حياتج. ومب اي حد ممكن انه يتقبل طبعج
وتصرفاتج .. الاحساس نعمه ..بس
حاولي اتخفين من حساسيتج الزايده بالتدريج
وبيني لريلج ان الاحساس نعمه .. ولو ماكنتي حساسه ماكنتي بتحسين فيه اذاا كان زعلان او مضايج او فيه شي لاسمح الله وهو بعيد.. بيني له ان هالشي ايجابي .. وحاولي كثر ماتقدرين انج اتغيرين من المووقف
مثلا زعلتي قبل لسبب عادي ماكان يستاهل الزعل..اداركي هالموقف وقت مايتكرر وحاولي تبتسمين وتضحكين وتبيني له العكس ..

ما اعرف…بس اختي هالي فيج يمكن يكون من قلة قراءة القرآن..وعليج بالدعاء هن صدقيني بيخففن عليج..بعدين انت جي تخلي ريلج يبتعد عنج…اشكي همج لحد لا تقعدي جي اتسوي…وخوفج من الموت يمكن لبعدج عن ربج والله ما اعرف انت شلون حياتج بس احس جي…اتمنى انج تتوكلي على ربج…وكل الي في المنتدى بيسمعنج انشالله…والسموحة

إرقي نفسج بالرقيه الشرعيه هذا أول خطوه وقوي نفسج بذكر الله والتوكل عليه
ثاني شي يمكن نقص فتامين معين إفحصي وقولي الحاله إلي تمرين فيه للدكتوره وقولي إني قبل ما كنت أحس بالأعراض هاي

كثري من الإستغفار

امج جيه وانا بعد اكتشفت نفس الشي وتغيرت بعدماعرست وعصرتني الدنيا

اختي انتي الحاله اللي فيج انا اسميها (الحاله الوسواسيه)

يعني انتي فيج وسواس في كل شي..وهالشي مب زين لا لج ولا لغيرج..

اولا مب زينه لصحتج ..واهم شي في هالحياه هي الصحه ..والصحه فوق كل شي..

وحتى الناس اللي حواليج بيضايجون منج ..لان كله تحاتين وخايفه ..وحتى يمكن انتي تحاتين لاتفه الاسباب

الله يوفقج ويبعد عنج الوسواس