تجربتي الرابعة مع العلاج 2024.

اليوم وايد مضايقه رحت للعيادة حتي أشيك علي سبب الألم اللي أحس فيه تحت صوب المبايض من سويت عمليه الترجيع أنا ما رحت عند نفس الدكتوره اللي سوتلي العملية لانها في دبي بعيده وأنا من رآك سوتلي الدكتوره سونار شافت عندي المبايض مضخمه عندي وفيه بويضات وايد الدكتوره ما سحبتهم كلهم والبطانه خفيفه وايد يعني ما بشرتني بخير قالت احتمال كبير ما فيه حمل أنا ياني نزيف عقب السحب الدكتوره قالتلي احتمال من البطانة عسب جيه عندج خفيفه هذي رابع محاوله لي وربي تعبت شو رأيكم فيه أمل أني أكون حامل أسوي التحليل الأسبوع الياي و لا خلاص ماله داعي

خلى أملج بربك كبير واحسنى الظن وربى بيكرمج ان شاء الله…
وان شاءالله تكونيين حامل يارررب

والنعم بالله مشكوره الغالية

حبيبتي الخيرة دائماً فيما اختاره الله لنا وأنتي اصبري للأسبوع الجاي وان شاءالله خير
وياااااااااااارب تكوني حامل

أختي خلي أملج برب العالمين , أكثري من الإستغفار وتصدقي وأقرأي سورة البقرة ولو كان فيه خير لج ومن نصيبج بيكون فيه حمل , والخيرة فيما أختاره الله . ربي يرزقج بالذرية الصالحة عاجلاً غير آجل . آمين

الله يكتب لج اللي فيه الخير

يااااارب تكونين حاااامل وتبشرينااا … اتررري لا تحللين احين وروحي دبي حللي

ريحي عمرج الحين

يارب اسالك بان تبشرها وتبشر كل مسلمة محرومة

ي رب تطلعين حااامل ي رب توكلي ع الله وان شاء الله تبشرينا بالحمل