تجربتي مع مركز دايت نيوترشن – العين 2024.

اشحااالكن بنااات…

حبيت اخبركن عن تجربتي مع دايت نيوترشن اللي مجابل العين مووول… وايد بنات مدحن هالمركز فقلت اروووحلهم عشااان يخف وزني شوي.. والمفرووض انزل 18 كيلو..!!

المهم سرت البارحة عندهم ودخلوووني على الدكتور سامر.. وماشاالله علييه فنااان يشجعج ويعطيييج امل انج بتخفييين..

فالبداية عطاني فكرة عن المركز ونظامهم.. وبعدييين سوااالي فحص.. اول شي الطول وبعديين وقفت على جهاز لمدة دقيقتييين عشان نعرف مستوى الدهوون – السوائل- لياااقة العضلات وغيره لكل مناطق الجسم طبعا..

وبعد الفحص يقعد يشرحلج بالتفصييل النتايج ووين وضعج عن المعدل الطبيعي…

وبعديين يسألج اسئلة شخصية تتعلق بالامراااض وغيره عشاان ياخذ فكرة عن صحتج..

وعلى هالاساس يعطيييج النظاام الغذائي ويناقشج فيييه عشااان اذاا فيي اشياء انتي ما تاكلييينها يقووولج عن البدائل… واللي حلوو فييه انه يتغير كل اسبووع عشاان ما تملييين..

ويعطيييج في كل زياارة كم وصفة للأكلات دسمة مثل الصالونة بس بطريقة صحية..

واخر شي في الروشتة يكتبلج شوو اسم السكر الدايت اللي تاخذيينه.. واذااا كان النظام فييه شيبس او حلويااات تااخذيينهم من عندهم بعد ويوصفلج حبووب اللي تتناسب معاج.. يعني انا عطااني نوعيين من الحبووب وحدة على الريوووق والغدااا والثانية على العشاااا..

وقالي اوول اسبووع مافي رياااضة بنبداااا من ثاني اسبوووع والمفروووض انزل في الشهر اذاا التزمت 9 كيلووو ومع الرياااضة اكثر طبعااا.. يعني المسألة يبااالها شهريين انشالله ويكوون وزني مثاااالي..

ياااخذوون عليج 700 درهم لمدة سنة كاملة بمااافيها الزيارات الاسبووعية.. والادوية للأول شهر مجانا وبعديين لازم تشتريينهن..

ادعوووووووولي.. واانشالله بعد زياااارة كل اسبوووع بواااافيكم بالتفاااصيل..