تجمـــع >> مابي من الدنيا لاجاه ولا راس مال .ابي طفل لاضاقت بي الدنيا قال يمه ) 2024.

السلام عليكم ورحمة الله وبركاته

شحالكم .. شخباركم ..

اتمنى يعيبكم هالتجمع الي بنسولف في نحن الي نتريا ربي يرزقنا بالذريه الصالحه …

وما في وحده ما اتعاني من مضايجات الجريم ساعات اونه ليش انتي ما حملتي بس صدوقووني بتقولون عادي وطنشي بس لو كنت انتي وحده من الي تتريا الحمل والله بتحسيييين

انا عن نفسي بكمل سنتين وما حملت والكل يقولي ما فيج شئ انا وريلي والحمدلله متوكله على الله
واعالج حاليا في مركز الامير عند ماريانا والي ان شاء الله يكتب لي الحمل هالشهر ..

كل وحده ادش اتقول من متى معرسه ؟

وين اتعالج ؟

شو مشكلتها ؟

هل تضايجين من رمسه الناس ساعات ؟

وغييره اتمنى هالمكان نتيمع فيه ونسولف ويا بعض

فديتج انا يمكن المفروض ما ادش لأن الحمدالله الله رزقني ببنوته قمر…بس الحين قاعدة احاول احمل بالثاني,,,,,
الله يسهل عليكم ان شاءالله ويرزق كل محرومة يارب

الله يكتبلج او تحميلن هل الشهر وتستانسين انشاء الله

الله يرزق كل محرومه بالذريه الصالحه ويسهل على كل حامل حملها وولادتها ………….

عزيزتي حيــآآآج في تجمعنــآآآ لأن موضوعج نفس المضمون

ربي ان شاء الله يرزق كل من يتمنى اللهم آمين

(◕‿◕✿) تجمع -•♥(( وَلَسَوْفَ يُعْطِيكَ رَبُّكَ فَتَرْضَىٰ))♥•- مارس"1" 2024 (◕‿◕✿)

عزيزتي انت وحده من شريحة كبير في المجتمع تاخر الحمل اصبح موضه العصر لا تحاتين
انا كنت مثلج بس الحمد لله بالعلاج والتوكل على الله حملت
ربي يرزقج امين ويسعدج
اهم شي النفسيه لا تفكرين وخليها على ربج لان النفسيه تاثر وايد

أنا ألحين بكمل سنتين و ثلاث شهور من زواااجي
عندي الدورة مب منتظمة و الحمد لله انتظمت عندي بس هالشهر تأخرت علي 6 أيام و الله أعلم السبب شو … و بعدين طلعت لي سالفة البويضات عندي صغيرونة …
و أكثر شي التلميحااات اللي أتلقاها من الحريم … كرهت عيشتي بسببها بس الحمد لله أقدر أرد عليهم و أقول لهم أنا ما مستعدة ألحين … مع اني مستعدة و متشوقة لكن تلميحاتهم تخلي الواحد يقول أي شي .. و الله ما سلمت منهم طول و على فكرة أنا متابعة الدكتورة أول بأول و محد يدري عن رووحتي للدكتورة لأنهم لو دروا و الله يطلعون فيني 60 ألف علة … و الحمد لله أنا عايشة بحياتي …. و نصيحة مني لا تعورين راسج بكلام الحريم اللي يغث … ردي عليهم على الأقل تبردي فوادج … لأنج لو تميتي ساكتة انتي اللي بتتعبي نفسيا و هذا يأثر عليج … تراني مثلج و أتمنى اني أسمع خبر حلو عن قريب منج …