كان يا مكان في قديم الزمان كان
في رجل قد حاله
متزوج و عنده عيال .. حالته
الاجتماعية ما مكمل الثانوية
و الحرمة جامعية …
تشتغل بعرق جبينها و تيمع
حق كشختها عسب تحلى في
عيون ريلها الي كل ماطلع برع
وشاف وحدة كاشخة عيونه
تطلع ..
و تتمنى تعيش كباقي الناس و
تتمنى زوجها يلفت لها و يحبها
زوجته شريكة حياته و ام عياله و
لكن …
الزوج في عالم ثاني !!
ييمع ليتزوج!!!
مختار له زوجة ثانية او صاحبة بالغش !!!
لا تستغربون ! نعم بالغش !!!
مراونها بيت ربيعه على الاساس
بيته!!
و مبين عمره جدامها انه غني !! و
المسكينة الحرمة اللي
تعبانة من الشغل و في الاخير يشوه صورتها جدام
اهله وجدام صديقته انها مهمله ومقصرة في واجباتها الزوجية
واهي ماعندها في الدنيا غير بيتها وزوجها وعيالها
نزين وين الشراكة الزوجية ؟؟ ليش مايساعدها بدل مايلومها ويعاتبها
ليش مافيه ملااحظات قبل ماتصير المشاكل وتكبر يوم عن يوم
وين الحوار ؟؟
غير عن المعاملة ومسوي عمره سي السيد في البيت وبرع كانه
شخص ثاني مسوي عمره حبوب ودمه خفيف وراعي سوالف
طبعا كله شارد برع البيت
مافيه جو اسري
مافيه يقعد وياها ويساعدها ويتكلم معاها كله بالصريخ والعصبية
حشااااااااااا…لييييييييييييش؟
يموووووووووووووت على شي اسمه سوالف الحريم
ماضيه مع اهله كان نفس الشي وصل انه يفرض على اهله
انه ييبلهم صديقاته للبيت واذا ما وافقوا يهددهم انه يكتت المي الحار عليهم
غير انه راح واستاجر شقة بروحه عسب الصياعة ويا صديقاته
وللاسف الزوجة المخدوعة الي ندمانة انه خذت واحد كانت عنده سوالف بطالية ماكانت تدري لانه اهو مشوه صورة اهله عندها قامت تتضارب وياهم عشانه ومكانت تحبهم لانه ولدهم معطنها فكرة مب حلوة عنهم …
لكن الحين الحمد الله صاروا سمن على عسل وبينهم عشرة طيبة
لكن يبقى المشكل في الزوج ؟؟؟!!!!!
رد لسوالفه وكله يتعلث انه السبب من زوجته
انها ماتسمع الكلام وتعاند
الزوجة او المراة مخلوق ضعيف اذا الزوج غير اسلوبه
مااعتقد انها مابتتغير
كله يطلعها غلطانة
والحيييييييييييييين تدرون انه الزوجة كارهة الشغل والحياة
ومامعور قلبها الا ها الاطفال الي عندها
لانه صدق المثل الي يقول
الرياييل مافيهم خير ..
…لا
حول و لا قوة الا بالله و الله
المستعان..
و الحين خبريننا :
ترضين تكونين الزوجة الثانية؟
متزوج و ميسور الحال؟؟
متزوج و غني و عنده عيال ؟؟؟
متزوج و فقير و مب لاحق على
حرمته و عياله؟؟!!!!
متزوج و حالته المادية متدنية و
عنده عائلة و زوجة اللي صابرة
على فقره و تشتغل
شاركيننا و حياكم الله …
ليش حاطه القصه اللي فوق تخوفينا هاااا ههههههههههههههههههههه
فديييتج و الله
و بعدين اكتبي انه فقت للعزااابيه
يعني ما تدش وحده معرسه تحط رااايها
لانه مب مهم انتن خلاص راحت عليكن
و رايكن بيكون مجرد تخرييييب كالعاده و ينغلق الموضوع
عن رايــي انا
**
ممكن اكون زوجه ثانيه
لاني انا ابا وقت لنفسي
ابا ايب عدد 5 عيال او 6 فقط
و حابه يكون لعيالي اخواان واااايد
يعني تشوفون الي معرسين كذا وحده و عايشين مع بعض وز عيالهم مع بعض
و الحريم صح بينهم مواقف بس صديقات و الغيرة شي طبيعي
لكن قلوبهم على بعض
انا ابا جيـــــــــــه
احسه حلــــو
اولا نساعد بعض
و نربي عيالنا
و ممكن 2 من الحريم يشتغلن و 2 يقعدن مع العيال
نساعد بعض و نساعد ريلنا
هههههههههههههههههههههههه
عايشه بعااالم خياااالي
بس الخوف
لو كانت الاولى او الحريم الثانيات يعني شريراات
انا عن نفسي انسانه مسالمه احب الخير للكل و لو كانت ضرتي عادي بالعكس بكون صديقتها
و اساعدها و تساعدني و نتعاون و نعين
امممممممممممم
انا جيه اتخيل
و ممكن نحن نخلي الريال يعدل
لازم نساعده
الحرمه فتنه تفتن الرجل
فالعيب فالحرمه دوم
مب الريال
^_^
هذا رايي
و لو اني اعرف انه لا امي و لا ابوي بيرضووووون ابدا ابدا
و سلامتكن
ع شرط واحد فقط لا غير ..
اللي باخذه احبه و واثقه ف اخلاقه و واثقه انه صادق ويايه ..
هنه هيه باخذه لانه حبيبي وابا اعيش وياه ..
بس اي واحد منه والسلام يايي يخطب وعنده حرمه …
لا والف لا
انا ماقول ها الكلام يعني انا اعرف واحد "استغفر الله "
بس انا اقول جي عشان تفهمون يوم الوحده توافق ع شخص معرس اكيد تحبه والا مابتضحي وبتاخذه وهوه عنده حرمه …
فقط لا غير ..
طبعا مب كل الزوجات الثانيه تكون عن علاقات حب ..
اخاف تاكلوني ع ردي الله يستر
الله يوفق الجميييع