لهالقصيدة مغازي جميلـة .. وفعلا مجتمعنا دخل مراحل تطور غير عادي
أترككن مع أبيات الشاعر حسين خميس آل علي ^^
وبانتظار تعليقاتكن 
من يبي يحيا في جنات النعيم == من يريد السعد بابه يدخله
لازم إنه يهيم في حب الحريم == وبالوجد والشوق قلبه يشعله
ولازم إنه يصير للقمره نديم == وعن غرامه مول لا شي يشغله
ولا يفكر مول في العصر القديم == لازم إنه يعيش هذي المرحله
مرحله فيها التطور شي مديم == مرحله بأحلى المزايا حافله
فيها الإنترنت والدش العظيم == لي بسرعه يجيب خبر وينقله
فيه ننظر (م) الصور منظر أليم == من ضحايا هالحروب الشاعله
بس ننظر فيه رعبوبٍ وريم == بأجمل الأزياء يللي نازله
انظر الدنيا وتفكر يا فهيم == عن قبل كل شي أصبح ما أجمله
لا يغرك واحدٍ جاهل غشيم == احذر تقرب منه أو تسأله
بايخلي نفسه انسانٍ حكيم == وبايردك للسنين القاحله
لي بها عاشوا أهالينا في ضيم == (م) الفقر قاسوا أهلنا مشكله
عصرنا هذا عصر وايد كريم == عصرنا هذا نحن نستاهله
فيه كل الزين والأنس المقيم=وأجمل الراحات: قصة لعسله
الولد هاليوم شروات الزعيم == في يديه تشوف هاتف يحمله
عنده سياره يلف بها ويهيم == في الشوارع دون قصدٍ يوصله
والبنت تبحث عن الشخص العليم == بأمور الحب لأجل تغازله
تلبس مشخلع وتلحس لآيس كريم == لأجل ما تغري الولد وتمشكله
وش هو أكثر من كذه نبغي نعيم == وش هو أكثر من كذه نتأمله
العفو يا رب عفوك يا رحيم == ما قصدنا غير شرح المسأله
اهدنا يا رب للدرب السليم == واحمنا بلطفك وعفوك نسأله
وتم التكبير ^^
بس شو رايج في التطور الاجتماعي اللي يعيشونه بعــض البنات ؟!
وتسلمين ع المشاركة
والرجل لازم يكون ثقيل وشجاع ومتابع لقضايا الامة العربية والاسلامية . مب يكون جبان وكل همه كرة القدم وهالاشياء.. وبالنسبة للبنات نفس الشي
وشكرا على القصيدة ما نبا تطــور يهين الأخلاااااق
صح لسااااااااانج على كل كلمة قلتيها وشكـــــــرا لمرورج الرائع