هلا خواتي..ابي وحده تكون كلش فاضيه الحين لها كذا بيبي وعندها مسنجر علشان تسولفلي عن الحمل والولاه وشنو راح يصير لي بعد الولاده لان بعد شهرين انشالله اولد ومعني ماخليت كتاب او موضوع عن الحمل والولادة الا وقريته بس بعدني خايفه…ادري اني طلبت وايد بس سامحوني صغيرة وولدي ماحملت فيه بسهوله ف احاتيه واااايد..وثانكس
حبيبتي… خليها عالتساهيل..
ومهما سولفولج عن الولاده ما يفيد.. لانج يوم تجربين بروحج غييير..
وكل وحده منا ولادتها تختلف تماما عن الثانيه..
كلنا كنا مثلج نحاتي..
بس يوم بتدخلين غرفة الولاده … بتفهمين معنى كلامي هذا ..
وانه لو منوه مابتقدر توصلج الصوره واضحه…
ولا حجم الالم اللي ممكن تحسين به..
وانا نصيحتي لج ..
احضري كلاسات للولاده.. لانها واااايد مفيييده…
وتعلمج الطريقه الصح للpush
وربي يسهل عالجميع
حـبيـبتي فديتج اشحالج
انا عن نفسي مستعده اشرحلج ان شاءالله
بس أي سؤال تبيني اسأليه في الخاص وانا ان شاءالله برد عليج بالوقت المناسب …
انا بصراحه مب معرسه ولا شي بس من 10 اختي مربيه وبقولج شو الي سهل عليها ولادتها من دخلت التاسع كانت تمشي كل يوم على الاقل ساعه وتشرب زعتر كل يوم ويوم الولاده هذا الشي اهم شي كل الي في العايله اشربوا وسبحانه كان ينفتح الرحم بسرعه ناس ياخذون 10 او 12 ساعه يتوعون بس الي يشرب هالشي ينفتح عنده بسرعه """ ماي زمزم ماقري فيه مخلوط فيه زعفران بس الزعفران لاتحطينه في الماي الي يوم بتحسين الويع زاد ترى الويع يبتدي قبل ب3ايام المهم تحطينه يوم بيزيد الويع+تمر والافضل تمر العجوه " بقولج ليش لانه مريم ام عيسى عليه الصلاة والسلام يوم ربت كلت تمر من الايه بس ماذكرها شو هي الايه بس هالي اعرفه
اختي كل واحدة وتجربتها بس توكلي على الله وانا ماحد كان خايف اكثر مني بس سبحان الذي ييسر الامور ربك سهلها من عنده ومجرد ماتشوفي ابنك او بنتك تنسي كل شي وهذي نعمة النسيان وان شاء الله تربي بالسلامة وطمنينا عنك اذا قدرتي
الغالية شو بالضبط تبين تعرفين يوم الولادة ولا بعد الولادة؟؟ وشو ؟؟ الألم ولا عن البيبي؟؟:22 (30):
أنا مستعدة أجاوبج لأني كنت مثلج محتارة بس في موضوع بعد الولادة كيف بيكون جسمي وكيف بهتم في البيبي… :22 (30):
أنا مستعدة أجاوبج لأني كنت مثلج محتارة بس في موضوع بعد الولادة كيف بيكون جسمي وكيف بهتم في البيبي… :22 (30):
ثانكس لكل الي ردت علي..واناكنت ابي اعرف عن الخياطه بعد الولاده وفي شي اشوف الي تربي تحطه ع بطنها ويكون حار وسوالف وايده اشوفها واسمع عنها وماكنت اقصد عن العوار الي وقته الولاده او بعده لان ادري لازم اجرب علشان اعرف.