خبيرات القهوة العربية 2024.

مرحبا

صبحكم الله بالخير

بنات لو سمحتن طلب صغنن,, ابا طريقة اعداد القهوة العربية الصفرا الشقرا… اللي تي فاتحة ووياها مرات شي جنه قرفة وزعفران وهيل الخ الخ..ماحب القهوة العربية الثجيلة وخاطري اتعلم هالقهوة واضبطها وافجر مفاجأة ف البيت ف رمضان خخخخخخ,, وبعد اي مشروبات ساخنة تناسب رمضان ,, دلال حليب بزعتر و زنجبيل وهالسوالف ماعرف اسويها يا ليت تعلموني

للرفع

فالج طيب
طبعا انا ماعندي مقادير معينه بس نغلي ماء حسب الكمية اللي تبينها و تحطين القهوة العربية وتخليه تغلي شوي وماتكون كمية القهوة كثيرة علشان ماتطلع مرة وبعدها اتحطين اللي تحبيه في الدله او الترمس من زعفران اوهيل مطحون وفيه بعد مكس من بهارات القهوة تقدري اظيفينها مع بعض .. وبالعافية

مشكورا اختي الله يعطيكي العافيه

اختي لون القهوه يعمد على قلايتها يعني كل ما كان لون قلايه بني فاتح كل ما كان لونها فاتح وبعدين انا عن نفسي اشتري القهوه وانقيها في البيت من كل حبه مضروبه او مكسوره لانها تخرب طعم القهوه وبعدين اوديها المحمصه وعندنا في دبي ملك البن ما يعلى على قلايته بس انا اودي قهوتي وهو يقلاها وبعدين يوم بتسوين القهوه خلي المسخن خاص الها ولا تكثرين من القهوه يعني فنيال والا شوي حق الدله وخلي الماي يفور وحطي الهال والزعفران والقهوه وخليه يفور عى نار هاديه قد ربع ساعه وعقب حطي مصفاه على ويه الدله وصبيها في الدله ان شاء الله واضح بس مثل ما قلت يعتمد على نوع القهوه وقليتها

انا قهوتي الحمدلله الكل يحبها لووووووولز بس ماتكون صفرا اللي اتكون صفرا هاي ايحطون فيها خلطه ايبيعونها سعودية الاصل هع هع

المهم قهوتي اول شي احط الماي يفور عقب احط القهوه واخليها تطبخ واحط في الدله هيل وزعفران وشوي مسمار مطحون وشوي ماي ورد وبس

خلي الماي يفوور
صبي ملعقين قهوه في الماي مع شوي هال مطحون و خلي يطبخ تقريبا عشر دقايق
في الدله صبي شوي ماي ورد – شوي هال مطحون و شوي زعفران و لو بغيتي شوي مسمار مطحون
و صبي القهوه بعد ما تكمل عشر دقايق في الدله و استخدمي الشخاله عسب بس ينزل لج السائل موب القهوه..
جربي و خبرينا