خواتي اللي سافرتوا تعالوا خبرونا شو تعلمتوا من الشعوب 2024.

هاي حبوبات

موضوعي اليوم مختلف شويه

ما نبا نعرف طبيعة البلدان وفنادقها

لا نبا نعرف هل اندمجتي مع الناس اهل البلدان اللي زرتيها هل تعلمتي شي مفيد من عاداتهم وتقاليدهم

هل جربتي اكلهم يعني مب الفاست فود او المطاعم العربيه

وطبايعهم وعاداتهم شو عيبج وشو ما عيبج

انا ببتدي لاني صاحبة الموضوع

اول شي الهند: تعلمت منهم رياضة الصباح (( المشي على البحر ))

لاني لاحظت انهم ينشون من الفجر ويلبسون لبس الرياضه ويسريون يمشون على البحر والحريم يلبسن بنجابي يعني قميص طويل وصروال وجوتي رياضه

وطبعا الجو عندهم حلو ويساعد على المشي وعقب يردون بيوتهم ويتسبحون ويتريقون ويسيرون وضايفهم

وكل يوم على هالحال وهذا اللي يعطيهم نشاط طول اليوم

تعلمت منهم اشيا وايد بس برد عقب بكتبها

من ناحية الاكل تعلمت منهم اكل البنيان اللي هو كله vegetarian لانهم بانيان ما ياكلون اي شي فيه روح ما عدا السمج فكل اكلهم بدون لحم وا دياي لكن يتفننون في البهارات ويخلونه لذيذ وانا دايما اطلب في المطعم اكل فجتيرين
والصبح اطلب مثل ريوقهم مسالا دوسا لذيييييييييذه وهي عباره عن خبزه مطوايه وفيها بطاطا وبهارات

————-

المانيا تعلمت منهم طيبه من غير حدود اعتزازهم ببلادهم واحترامهم للناس ومالهم خص في حد ولا يتكلمون عن حد لو يلسوا على طاوله في المطعم ابدا ما بلتفتون ولا يعلقون على غيرهم

وعند الاكل ما ينشون عن الاكل لو اللي وياهم ما خلص اكله

اكلهم وايد ذيذ جربت الستيك والسسج

————–

بريطانيا شعب طيب نظامي ومؤدبييييييييييييييييييييييين اكثر من اللازم يتكلمون بصوت واطي ويمشون على يمين الرصيف ولو دعمتي حد منهم في الشارج بيرجع هو اللي يتأسف منج

اكلهم مووول مب حلو يحطون اناناس وتفاح في الصالونه بس البودينق الحلو مالهم لذيذ اما الباقي مب حلو اذا سرتي لندن دوري مطاعم ايطاليه او ايرانيه او عربيه احسن عن اكلهم
————-

بلجيكا حلوين وطيبين واحب طريقة كلامهم بالفرنسي فيهم طيبه وكرم حبيتهم وايد
حتى اليهود اللي عندهم طيبين وفي حالهم

واكلهم لذيييذ ولو بغيتي تشترين لحم خذي من عند اليهود لانه ذبحهم حلال واكلهم طيب مثل اكل الشوام

مشهورين بأكله من المحار الاسود لذيذ وايد وصحي لو سرتوا لا تفوتونه

وبعد مشهورين الوافل البلجيكي لذيييييييييييذ وما يتفوت

—————-

تركيا هذا الشعب اكثر شي يميزهم الكرم كريمين ونظاااااااااااااف في بوتهم جدا جدا جدا

اكلهم مشاوي لحم على الفحم وعندهم المقبلات والمزات البابا غنوج والمتبل والتبوله نفس اللبنانيين
—————–

تايلند

متواضعين وطيبين ودايما مبتسمين ونظاف

احب اكلهم لذييييييييييذ خصوصا شوربة التوم يم

والقرين كاري والرد كاري

———————————–

ماليزيا
اغلبهم مسلمين نظاف ولبسهم مرتب وخصوصا الحريم لبسهم ساتر وطويل ومحجبات

اكلهم حلو كلي ولا تسألين لانه كله حلال
مشهورين بأكله اسمها ساتية اظن عباره عن قطع لحم او دياي مثل التكه ومعاها صلصة الفول السوداني

—————

يالله الحين اتريا مشاركاتكم خبرونا شو تعلموتوا وشو شفتوا تصرفات عيبتكم

تسلمين اختي جدايل ومشكوره على مشاركتج

وبخصوص العرب اللي عايشين هناك حاولي قد ما تقدرين تتجنبينهم

كثر ما تقدرين وحاولي تتعرفين على اهل البلاد الاصليين عشان تعرفين عاداتهم عن قرب

الموضووووع حلو
ودوري اتكلم عن الشعوب اللي شفتها
العربيه:
السعووديه
احس فيها ثقافات مختلفه
وما اقدر احدد الشعب كله بس عموما طيبين
ولا عند الاكل اممممممممم امووووووووت فالكبسه
والفول عالريوووق

الكويت
اموووووووت فالكوييييت يعني الصرااااحه شعب قمه فالاخلاق
الاحترام والكرم
واكلهم ما عليه كلااام الصراااحه
ما فيه فرق وايد بينا وبينهم

سوريا
فيهم طيااابه وكرم ومرات ما تمشيهم غير هبات الريح
اكلهم البلدي يعجبني(مشاوي وحمص وتبوله)
ولا عاد الكبه باللبن يمي يمي

الاردن
شعب محترم ونظامي
ماجربت اكلهم للاسف

تركيا
شعب طيب وكريم
ماكلت من اكلهم

بريطانيا
امممممم ما تعجبني معاملتهم مع العرب
ولا الشوااااب عندهم محترمين اما الجيل الجديد مثل ما قالت اختي جدايل فالتوه

ماليزيا
كل الجنسيات فيها ما اعرف شو الاكل البلدي عندهم من غيره
ما كلت غير من مطاعم عربيه ومب لبين وين!!

مشكوره حبيبتي وما قصرتي كل معلوماتج مفيده الغاليه

مشكوره حبيبتي على المشاركه وعلى المعلومات

انا الصراحه ما سرت استراليا ولا ايران بس خاطري اشوف ايران