ريلها عاطي كل شي فالدنيا حقّه إلا .!!!! 2024.

ربيعة إختي مالجة من ريال كان معرس قبل وعنده عيال، الله يهديه عاطي كل شي فالدنيا حقه إلا حرمته!!

دومه مشغول في شغله، ولا ساير عند عياله، وهي صارلها شهر تقوله ولهانة عليك ، تعال بيتنا، ولا خلنا نلتقي، خاطري أيلس معاك ونتكلم، كله يقولها إنتي عارفة ظروفي وعارفة إنشغالي..

ويوم تقوله إنته ما ولهت علي، مب مشتاق تشوفني؟ يقولها أنا الحين بس محتاج أخلص المشاغل اللي عندي!!

أمسات ترجّته وقالتله خلنا نلتقي لو ساعة واحدة، قالها مشغول.. واليوم الصبح شل بعمره وسار بيت عياله وكالعادة بييلس عندهم ساعتين..

إنصحوها شو تسوي؟ تمر عليها لحظات عيونها تدمع من كثر الألم النفسي اللي هي فيه، وتكون مشتاقة له ومحتاجة بس تشوفه جدامها، ولكن للأسف هالريال حاط حرمته في آخر لائحة المهمات..

هي وايد تسأل عنه وتحاتيه وتتصل تطمن عليه ودايما تطلب تشوفه، لكن هو ولا مفتكر فيها.

قلبي متقطع عليها والله

وينكم يا بنااااااااااااااااااااااااات

الله يعينها ويهديه.. خلها تعذره .. هاي فترة ملجة وإن شاء الله بعد الزواج إن شاء الله تلقى منه كل لي تحبه

اشحالج اختي عساج مرتاحه….. حبيبتي من راي الشخصي ان تتثاقيل عليه وتشوف يمكن هو من النوع الي ما يحب الحرمه الي تحشر الواحد مشتاقتلك ويعني تعرفين هاي السوالف…. ولازم تتحمل انها خذت واحد عنده عيال وعنده مسؤوليات… والله يهنيها بعد الزواج ويهدي

والسموحه على القصور

الله يهديه و يريح بالها .. عليها بالدعاء و اهم شي تدعي ربها ..
هي يوم وافقت على ريال متزوج فأكيد كانت تعرف ان حياة ريلها مب ملك لها هي و بس ملك اثنين بيتها و بيت الزوجة الاولى .. الله يوفقهم و يساعدها.. عليها بالدعاء و الرضا بما اختاره لها رب العالمين .. و تصبر لان فترة الملجة الزوجة ما تستعجل على زوجها لانها مرحلة أولى.. الله كريم..

يا بنات هو مطلق حرمته الأولى بس يسير يزور عياله