قبل ما اكتب موضوعي قريت مشاكل البنات بصراحه حسيت بغصه وحمدت ربي عالوضع الي انا فيه
بقولكم سالفتي ويا ريلي تقريبا من 3 شهور على نفس الحاله
بنات من فتره اشوفه تغير علي
مايكلمني مثل قبل
مايتصل بي
مايسال عني وايد
احس خلاص بدا يمل مني ..مع انه علاقتي وياه زينه وما ارفض له اي طلب
واسمع كلامه في كل شي يطلبه مني وما اضايقه لا في مصاريف ولا شي
….مثلا يطلع من البيت وبعد فتره اتصل فيه مايرد علي
او يرد علي يقول مشغول وهو اصلا فالسياره يكون
او لما يكون فالدوام واتصل يقول برجع اتصل بعد شوي ومايتصل الا بعد 4 ساعات
او انه مايتصل مووووووووول ويوم ارد ادقله اقول له وين انته يقول عندي بريك الحين ..يوم اقول له ليش ما اتصلت يقول توي ياي اتصل
دوم جي يسويبي
ولما اطرش له مسجات يطنش
بنات والله تطنيشه مو طبيعي
ويوم يكون فالبيت وحد يطرش له مسج او يتصل على طول يرد. شمعنى مكالماتي انا يطنشها؟؟
ادري بتقولون المشكله تافهه بس هالشي بالنسبالي وايد مهم واخاف اتضارب وياه ولا شي بسبه هالبرود والتطنيش
مثال ثاني عشان ماتقولون انا مكبره السالفه
كان كل يوم لما يروح الدوام اكون وياه عالخط انسولف لين يوصل
ومن يحصل بريك يكلمني
بس الحين هالشي مايصير
ولماا يكون وياي فالبيت كله يسولف ويخبرني شو صار وشو ماصار بس الحين يا دوب بس يسلم علي ويكلمني
بليز قولولي شو اسوي هل هالشي طبيعي يصير بعد فتره بين الزوجين ولا شو؟
دايما الشخص اذا وصل لمرحلة الاكتفاء يبتعد بس لو فجأه نزل للصفر بيرد مثل قبل
ورافعه خشمها مشكووووووووورات ماقصرتين
الحمدلله انا مامقصره في شي بس الي قلتلكم اني خايفه انا اتغيرر
استغربت انه كل شي عودني عليه ريلي بدى يتغير كنت اكلمه طول الوقت وهو رايح دوامه وهوه راجع من الدوام واستغرب انه اتغير قلت في خاطري ليش شو الي غيره
ومع الوقت اتعودت انه يكتفي بس باتصال واحد
وافرح وايد اذا اتصلي وهوه فالدوام احس انه يذكرني
بس نصيحتي لج لا تتصلين فيه خليه على راحته فتره وهوه بيحز في خاطره وبيقولج ليش ما تسالين عني
وأنا برد عليج لأني مريت في نفس حالتج من قبل سنتين تقريباً ..
والسر .. أول شي قمت أخفف إتصالاتي به .. ويوم ما أتصل يتصل ويقولي غريبه ماأتصلتلي .. أقوله شوي إنشغلت ..
يسكت .. يحس إني ممكن أنشغل عنه .. أوقات أقوله راحت علي نومه .. أو شغل البيت ..
وكنت دوم أدعي من الله إن مايمل مني .. والحمد لله ..
بس صدقيني حبوبه .. يوم نحن نبتعد شويه هم يخافوا ..
اعني اتركي عنك الاتصالات ولا تسالي وشوفي هو اللي بيرد يسال ويستفسر .
.صديقيني هذا هو الحل