عساكم بخير
بنتي عندها حساسية في الصدر كانت الازمه تيها بين فترات متباعده لكم الحين من شهرين وهي تعبانه كل مره اوديها عياده كل حد يعطيني دوا بس مافي فاايده
شهرين وهي تاخذ الفنتولين والاملاح
واحيانا يعططونها (بالمبيكورت – اتروفنت)
من غير مضادات الحساسية الي احس انه مافيها فايده مثل زيرتك وربعه
ترقدت في المستشفى وبعدها بكمن يوم رد
عطوها دوا وقائي وما نفع ..
والحين سوولها اشعه وطلع عندها التهاب
ماعرف شو الحل اذا تعرفون دكاتره شاطرين فهالمجال بليييز خبروني
هلا الغالية 
.. اشحالج حبوبة .. يارب تكونين بخير انتي وعيالج ومن تحبين يارب في الدنيا والآخرة .
بخصوص الحساسية يارب يشفيها ويحفظها ويجعلها من الصالحات آمين .
نصيحة مني .. وديها عند دكتور او دكتورة متخصصة وموثوق بها …
وبطمنج لا تخافين من الالتهاب صح انه مب عادي ..
عندي اثنين من معارفنا عيالهم كان عندهم التهاب .. واترقدوا والحمدلله الله شفاهم وعافاهم .. ولكن لا تهملينه لانه مب زين يالغالية .
ولكن بسبب الاهمال يمكن او الادوية ما كانت تنفع صار لها التهاب .. ولا تنسين الجو اليهال صاروا ما يتحملون البرد ولو خفيف ..
غطيها بحدود المعقول .
بعطيج العلاج الأكيد غير عن الدكاترة وغيره ..
اللي هو : داووا مرضاكم بالصدقة ..
هذا وصية النبي عليه الصلاة والسلام لنا
الصدقة يالغالية ولو بربع درهم .. سبحان الله ربي يبارك بها ويجعلها أضعاف مضاعفة
فرحي قلب فقير او يتيم … يمكن راح تحصلين دعوة حلوة منه تفوزين بالدنيا والآخرة ما تدرين يالغالية .
وعليج بالدعاء حبوبة ولا تنسين تقرين عليها ربي يحفظها ويعافيها يارب ..
ويارب الأخوات يفيدونج أكثر بهالأمور والطبيبة المختصة الموثوق بها :
لأني بصراحة شفت موضوعج .. وما حبيت أطلع من الموضوع بدون ما أفيدج ولو بحرف يالغالية
والله خير حافظا
ياريت حد يفيدنا
تحسينه فاهم وويعرف شو يقول
اسمه عماد عبدالباري انصحج تسيريله
أنا بكتب لكم بس الحين مشغوله شو
بفضيلكم وقت